تحت سقف الوجع 💔

part 16

قل لمن يحمل هماً : إن همگ لن يدوم 💔
فكمآ تفنى السعادة ، هكذا تفنى الهموم ✨

في منزل حسام 🏡:
حسام نازل من شقته : زعما نخش طول والا ندق دق 😕
وصل للباب : يمي يمي 😦
جت لطيفه فتحتله : خش ياوليدي من بكري نراجو فيك عالفطور 😊
خش حسام ولقى صفاء منزلينها من كروستها ومقعمزة عالوطا باش تاكل اتكا جنبها وامه قعمزت حتى هيا : ها شن الجو اليوم 😁
صفاء : تمام التمام 😍
خشت عليهم رؤى جايبه الصفرة فعدل حسام جلسته وطبس راسه وحطت هيا السفرة قدامهم وجت بتمشي 🚶
لطيفه : وين ماشيه يا بنيتي قعمزي افكري معانا ❤
رؤى بحشم : لالا يا عمتي تو نفطر غادي اني 👐
حسام : كانك متحشمه مني اني انوض راه 😅
رؤى : لالا غير هكي وخلاص 🙊
حسام : انتي زي اختي قعمزي افطري خير من بروحك 💕
لطيفه : معاه حق اوليدي قعمزي 😊
صفاء : هيا يارؤى بلا جو 😟
رؤى جت بين صفاء ولطيفه : حاضر هه 🙈
وبدو يفطرو وهيا مرة مرة تشبح لحسام وحتى هوا ❤
لطيفه : كان نخبرك يا حسام صفاء ورؤى امس مبطلن هدرزة 😂
حسام : اي عارفها صفاء دوتها مفي اكتر منها 😏 عيب عليك يا صفاء نفختي راس البنت 😮😂😂
صفااء بحمق : اووف يا بارد خيرك معاي 😡
حسام شدلها خشمها : من البارد من 😌
لطيفه : خلي اختك خلاص 😂😂
و رؤى كان تتفرج عليهم وتضحك وتمنت لو كانت بين عائلتها وعندها خوت وخوات تتعارك معاهن وتضحك معاهم وعندها ام لما يناشبها خوها تقوله خلي اختك 💔 فمن بين ضحكاتها سالت منها دمعه حاارة علي خدها 😢 مسحتها وناضت تجري للمطبخ 🏃💔
كلهم استغربو من رده فعلها و بالدات حسام وجعاته هلبااااا 💔ولطيفه ناضت وراها تجري ولحقها حسام بس مخشش للمطبخ  :
خيرك يا بنتي نضتي من عالفطور
رؤى تبكي بعبرتها : ليش اني معنديش اهل نفطر معاهم ونضحك معاهم لييش 💔😢
لطيفه حضنتها : خلااص يا بنتي احنا عيلتك اسكتي 😔
رؤى مكرشه في لطيفه وتبكي : والله نتمنى يكون عندي اهل لييش خلووني من قبل منشوفهم ليييش 😢💔 والله ماني مسامحتهم والله 💔
لطيفه دموعها نزلو : مرات ليهم عذر يا بنتي خلاص معش تبكي 💔
رؤى : مفييش عذر اخليك تلوح روحك مفييش 💔 والله مافي يا عمتي حد يرضى اخلي كبدته ملوحه فشارع نين اجي ياخدها غيره 💔 مفكرووش حتى لما بنكبر شن بتكون حياتي 😢 لا قرايه ولا طلوع ولا اكال زي الناس ولا ملبس ولا حتى تلقى حد اصبح عليك بكلمه حلوة 💔 شن ذنبي يا عمتي اتم عمري واني نبكي 😢
لطيفه تأترت هلبا : اني امك يا بنتي خلاص من يوم غادي بتطلعي وبتاكلي وبتقري وكل شي نووعدك نووعدك 💔
رؤى : شكرا يا يا يا امي 💔😢😢
كان يسمع في كلامها حسام دمعته نزلت علي خده 😢 كان في هم راح فهمين 💔 طلع بسرعه وخدا مفاتيحه 🔑:
صفاء : حسام وين ماشي خيرها رؤى 😢
مباش ارد عليها وطلع وسكر الباب وركب سيارته 🚗
لمكانه المعتاد 🌅 :

ولا أخفي عليگ سرا يا صديقي 💔
فالوضع سيئ للغايه 👎 وطآقه التحمل اوشكت على الإنتهآء💔 مازلت صآمتا ولكني اسرفت الكثير في الكتمآن والتظاهر 🎭 حولي ثابت ولا يتغير وأنآ الذي أتغير 💔 انطفئ اكثر و أُستهلگ ⚡وإني أُنهكت من ان اعافر ✨
التعب يزيد وأنا لست ثابت يا صديقي 👐
فقد بدأت اميل 💔