ငြိုးသူ့ကလဲ့စား

၆၀။ အခန်း

Translation of 重生之将门毒后, Rebirth of the Malicious Empress of Military Lineage

Translator - No Cause

၆၀။ အခန်း

-

"ဒါ. . ." ရမ့်ဝမ်ယွင် နည်းနည်းတော့ တုံ့ဆိုင်းနေမိသည်။ သူမသာ ရှန်းမြောင်နှင့်အတူနေမိပါက၊ ရှန်းမြောင် ကံဆိုးမိုးမှောသ်ကျသောအခါ ရမ့်ဝမ်ယွင်အနေနှင့် ဖြေရှင်းရခက်၊ တာဝန်ယူရခက်ဖြစ်ချေတော့မည်။ သူမ နည်းလမ်းရှာရန် အချိန်မပေးတော့ဘဲ ရှန်းမြောင်က ဆက်တိုက်ဆက်ပြောသည်။ "ဒေါ်ဒေါ်လိုက်မနေချင်လည်း ရပါတယ်... အစ်မကြီး ဒါမှမဟုတ် ဒုတိယအစ်မတို့ လိုက်နေပေးလည်း ဖြစ်တာပဲ..."

ရှန်းယွဲ့ အကြည့်က တစ်ချက်လဲ့သွားသော်လည်း သူမ ဝင်မထောက်ခံ။ ရှန်းချင်းကတော့ သူမမိခင်၏ အကြံအစည်ကို သိချင်မှ သိမည်ဖြစ်သော်လည်း ရှန်းယွဲ့မှာမူ ဤခရီးစဉ်၏ ရည်ရွယ်ချက်မှာ ရှန်းမြောင်ကို ပစ်မှတ်ထားလိုမှန်း ခန့်မှန်းမိလေသည်။ နောက်ပြီး လောလောဆယ်၌ သူမ ရှန်းမြောင်အပေါ်ထားရှိသော အမုန်းတရားကို မဖုံးကွယ်နိုင်တော့သဖြင့် အေးတိအေးစက်သာ ပြန်ပြောလိုက်လေသည်။ "တို့ကတော့ တစ်ယောက်တည်းနေရတာ ကျင့်သားရနေပြီ..." 

"ဒီလိုဆိုရင်တော့. . ." ရှန်းမြောင် ခပ်တိုးတိုးရေရွတ်လိုက်သည်။

"ဒါဆိုလည်း တို့ပဲ ရှောင်ဝူနဲ့အတူ မြောက်ပိုင်းအဆောင်မှာလိုက်နေလိုက်မယ်လေ..." ရှန်းမြောင်စကား မဆုံးခင်မှာပင် ရမ့်ဝမ်ယွင် ပြောလာတော့သည်။ ဤအခြေအနေရောက်တော့မှ ရှန်းမြောင် ကဂျီကဂျောင်နှင့် စီစဉ်ထားသမျှ အရာရာ ကမောက်ကမ ဖြစ်သွားစေမည်ကို သူမ စိုးရိမ်မိသည်။ ပြီးတော့ သူမတို့ အတူနေရမည်ဖြစ်သည့်တိုင်၊ သူမအပေါ် အပြစ်ကျမလာအောင် ခပ်လှမ်းလှမ်းမှာ နေလို့ရသေးသည်ဟုလည်း တွေးမိသောကြောငွ့ သဘောတူလိုက်ခြင်းဖြစ်သည်။ ကောင်းကင်ဘုံက မမီမကမ်း အမြင့်မှာ၊ ရှင်ဘုရင်ကလည်း အဝေးတစ်နေရာမှာ ဖြစ်နေသောကြောင့် အမှန်တရားက မည်သို့ပင်ဖြစ်နေပါစေ၊ ရှန်းရှင်လည်း သူမကို အပြစ်တင်၍ မရနိုင်တော့ပေ။
(Notes : ကောင်းကင်ဘုံက မမီမကမ်း အမြင့်မှာ၊ ရှင်ဘုရင်ကလည်း အဝေးတစ်နေရာမှာ = အားထားဖွယ် ခိုကိုးရာ ကင်းမဲ့သည် / ရှန်းရှင် အဝေးရောက်နေပြီး ဖြစ်ရပ်မှန်ကိုလည်း မသိမမြင်လိုက်သောကြောင့် ရှန်းမြောင်ဘက်မှ မရပ်တည်နိုင်ဖြစ်သွားမည်ဟု ဆိုလို)