ငြိုးသူ့ကလဲ့စား

၄၄။ သတ်ရဲလား...?

ယန်ပေထန်ခန်းမကျယ်ထဲတွင် ခဏလောက်တိတ်ဆိတ်နေခဲ့တယ်။

မိန်းကလေးငယ်က မားမားမတ်မတ် ရပ်နေခဲ့တယ်။ မိန်းမငယ်ရဲ့ ပုံပန်းသဏ္ဍန်က သေးသွယ်သော်လည်း အဆုံးအစမရှိသောစွမ်းအားများစီးဆင်းနေသကဲ့သို့ ထင်ရသည်။ သူမရဲ့အပြုအမူတိုင်းက အရာရာတိုင်း သူမ ဖဝါးအောက်မှာရှိနေသကဲ့သို့ ထင်ရစေတယ်။

ချိုင်လင် တစ်ခဏတော့ ဆွံ့အသွားခဲ့တယ်။
   
ရှန်းမြောင်ပြောတာကမမှား။ ယခုလို တစ်ယောက်တစ်လှည့် မြှားပစ်ရာမှာ အန္တရာယ်အများဆုံးက သူပဲဖြစ်တယ်။ အကြောင်းက ရှန်းမြောင်ရဲ့မြှားပစ်စွမ်းရည်ဟာ မရှိသလောက်ကို ညံ့ဖျင်းနေတာ။ အနည်းငယ်လေး လွဲချော်သွားရင်တောင် ထိုမြှားဟာ သူ့ရဲ့ဦးခေါင်းခွံကိုဖောက်ထွက်သွားနိုင်တယ်။ ဒါပေမယ့် ချိုင်လင်က ဒီလောက်အများကြီး မတွေးခဲ့ဘူး။ သူကရိုးရိုးလေးပဲတွေးခဲ့တယ်။ သူ မြှားပစ်အတတ်ကို ရွေးချယ်ခဲ့လျင် ရှန်းမြောင်ရဲ့စရိုက်အရ သူမအလွန်ကြောက်လန့်ပြီး မျက်ရည်များရွှဲကာ သူမ ခြေထောက်ပေါ်သူမ မရပ်တည်နိုင်အောင်အားနည်းပြီး သူ့ကိုအသနားခံလာမယ်လို့ ထင်ခဲ့မိတဲ့အတွက်ဖြစ်တယ်။ အဲ့ဒီနောက် သူက ရှန်းမြောင်နဲ့ တစ်ပွဲလောက်ပဲ ကစားပြီး ရှန်းမြောင်ကိုမျက်နှာပျက်အောင်လုပ်မယ်။ အဲ့လိုနည်းနဲ့ ရှန်းယွဲ့ရဲ့ ဆန္ဒကို ဖြည့်ဆည်းပေးနိုင်မယ်။

အဲ့ဒါတွေပြီးရင် ဖြစ်လာမယ့်အကျိုးတရားတွေကိုတော့ ချိုင်လင်ကမတွေးခဲ့ဘူး။ သူ့ရဲ့စိတ်ထဲမှာ ရှန်းမြောင်က သူမသဘာဝအတိုင်း ကြောက်လန့်သွားလိမ့်မယ်။ အဲ့တော့ သူ့ကိုမြှားပြန်ပစ်ဖို့ ဘယ်လိုလုပ်အားအင်တွေရှိတော့မှာလဲ...။ ထပ်ပြီးတော့ အရင်ကတစ်ခါမှလေးမတင်ဖူးတဲ့ မိန်းကလေးတစ်ယောက်အနေနဲ့ သူမ လေးကြိုးကိုတောင် ကောင်းကောင်းဆွဲနိုင်မှာမဟုတ်ဘူး အဲ့ဒါက သူမကိုယ်သူမအသိဉာဏ်မဲ့တဲ့ပုံပေါ်စေလိမ့်မယ်။

ချိုင်လင်က ထိုသို့တွေးခဲ့ပေမယ့် ရှန်းမြောင်ရဲ့အမူအရာတွေက သူ့အတွေးတွေကို ဖယ်ရှားပစ်လိုက်တယ်။ သူမက သူ့ကို ငြိမ်သက်စွာပဲကြည့်နေခဲ့တယ်။ ဒီလိုတည်ငြိမ်မှုမျိုးက သူမ အသက်အရွယ်နဲ့တောင်မလိုက်ဘူး။ အဲ့ဒါက ချိုင်လင်ကိုဒေါသထွက်စေတယ်။ [Twinkle - သူတွေးထားတာနဲ့တစ်ခြားစီဖြစ်နေလို့ ဒေါသထွက်တာပါ] ရှန်းမြောင်ရဲ့မျက်ဝန်းတွေက ကလေးတစ်ယောက် သရုပ်ပြနေတာကို ကြည့်နေသကဲ့သို့ ဂရုဏာသက်စွာကြည့်နေခဲ့ပေမယ့် လှောင်ရယ်နေတယ်။