ငြိုးသူ့ကလဲ့စား

၆၅။ ဆုံးရှုံးမှု မရှိ (၂)

Translation of 重生之将门毒后, Rebirth of the Malicious Empress of Military Lineage

Translator-Vipvkook

အိုး…အတင်းပြောလို့ကောင်းတဲ့ သတင်းလေးပဲ…
သာမန်ပြောရရင် မကောင်းတဲ့လူရဲ့ ယုတ်မာခြင်း ခံလိုက်ရတယ်။ ချဲ့ကားပြောရရင် ရှန်းကျင်းက အမျိုးသားတွေနဲ့ တားမြစ်ထားတဲ့ ဆက်ဆံရေးတွေ ရှိနေကြတယ်ပေါ့။

ဒီလိုသတင်းမျိုးက မိန်းကလေးတွေအတွက် တော်တော် အထိနာစေမှာပဲ။ မီးဆိုတာ မလောင်ခင် ကြိုတားထားတာ ပိုမကောင်းဘူးလား။ ကောလဟာလဆိုတာမျိုးက အစထွက်သွားတာနဲ့ တောမီးလိုပင် ရပ်တန့်ဖို့ ခက်ခဲသည်။

ရှန်းမြောင် ညင်သာစွာ ပြုံးလိုက်ပြီး…

"ဒုတ်ယဦးလေး…ဒီတူမမှာလည်း သံသယတွေ ရှိပါတယ်။ ဦးလေးလည်း တရားမျှတမှုကို လိုချင်တယ်မလား။ ဒါဆို တူမတို့ တရားစီရင်ရေးရုံးကို သွားပြီး တိုင်တန်းတာ မကောင်းဘူးလား။ တရားသူကြီးမင်းကို ဒီတူမ သိသမျှ ပြောပြပြီး အမှုမှန် ပေါ်ပေါက်အောင် ကူညီလိုက်ရင် ကျူးလွန်သူကိုပါ ဖမ်းမမိဘူးလား။"

"မဖြစ်ဘူး!"

ရမ်ဝမ်ယွမ်နှင့် ရှန်းကွေ ပြိုင်တူပင် တားမြစ်လိုက်သည်။

ရမ်ဝမ်ယွမ် "မဖြစ်ဘူး" လို့ ပြောရသည့် အကြောင်းက ပြဿနာကို ပိုလို့ မရှုပ်ထွေးစေချင်လို့ဖြစ်သည်။ ရှန်းမြောင်သာ အပြင်လောကကို ဖြစ်သမျှ ကိစ္စ ချပြလိုက်ပါလျှင် ပညာရှိတို့က ရှန်းမိသားစုအတွင်းရှိ လျှို့ဝှက်ချက် အရှုပ်အထွေးကို မြင်ကြလိမ့်မည်။ တင်းမြို့တော်တွင် မရေတွက်နိုင်သော မိသားစုကြီးများ ရှိသည်။ ကောလဟာလတွေသာ ပြန့်သွားပါလျှင် တူမကို ဖျက်ဆီးရန် ကြံစည်သော အဒေါ်ဟူ၍ သူမနာမည် စွန်းထင်းပေလိမ့်မည်။ ထို့အပြင် ရှန်းကျင်း၏ ဂုဏ်သတင်းကရော? ကောလဟာလသာ ပြန့်သွားလျှင် ရှန်းကျင်းမှာ ပိုးစဖြူနှင့် အဆုံးစီရင်ရန်သာ ရှိတော့သည်။

သို့သော်လည်း ရှန်းကွေ၏ အတွေးမှာ ရမ်ဝမ်ယွမ်နှင့် ဆန့်ကျင်ဘက်ဖြစ်သည်။ ပြဿနာ အရှုပ်အထွေးထဲမှာ မင်းသားယွီ ရောပါလာမှာကို ရှန်းကွေ စိုးရိမ်သည်။ ဆက်စုပ်ဖွယ် အရှုပ်အထွေးတွင် ရှန်းကျင်းနှင့် ရှန်းမြောင် လူမှားနေမှန်း မင်းသားယွီသာ သိသွားပါလျှင် သူ၏ ရာထူးတက်လမ်းမှာ ပိုလို့ပင် ခက်ခဲပေတော့မည်။