#وللقدر_رائي_اخر
سلام اني اسمي ريتاج وليوم راح اكوللكم قصتي بس قبلهه لازم تعرفون قصة بابا وماما
بابا مواليدة 1974 عدة 2 اخوان اكبر منة حسين وعلي وهوة وراهم وبعدين عمة هناء واجة وراهه محمد وراه مصطفى عمو حسين مواليدة 1965 وعدة 4 ولد 4 بنات وعمو علي 1971 وعدة 2 ولد وبنية ومحمد 1978 تزوج على حب وجهالة زغار ولد وبنية ومصطفى1983 ممزوج وهاي عائلة ابوية
اما ماما عدهه جرجيس اكبر من ماما 1980 وممتزوج ميحب النسوان😂 وراة امي مريم 1982 وراه خالتي ليليان 1985 الي هية امي الثانية طبعا اهل امي مسيح
بابا فد يوم ديمشي بسيارتة وشايف ماما راجعة من المدرسة ومنعجب بيهه ولاحكهه لبيتهم وظل يومية يروح يشوفهه لمدة شهر وراهه اعترفلهه واستمر الحب لمدة سنة وقرر يخطبها جدو رفض لان مسيحية وسافرة بس بابا عاند والة ياخذها وترك البيت ورة اسبوع اجو عمو حسين وكلة ارجع وراضي ابوك لان هوة وافق شرط تصير مسلمة وفعلا راضاة وراحو خطبوهه و بابا طلب منهه تصير مسلمة وامي قبلت لان تحبه اهلهه ماعارضو واتزوجو ب1999 وجان عرس جبير لان جدو جان معروف وشيخ وامي حملت بية وجان حملهه كلش صعب بس بابا وكف وياهه واجة اليوم الي جابتني بي بسنة ال 2000 بس الولادة كانت صعبة حيل وماما متحملت وتوفت بابا انصدم حيل لان جان كلش يحبهه وتخربط وكلبة تعب واجا شلل نصفي وكوة كام خالتي هية الي هتمت بية وبيبي وياهه جدو متوفي ورة ماخلصت الفاتحة خالتي ودتني لبابا ديشوفني كام يحجي ويبجي ونومني يمة اليل كلة للصبح كعدو لكو ميت مامتحمل وكلبة واكف اما اسمي ف خالتي سمتني ريتاج لان الكل يعرف هذا الاسم بابا وماما اتفقو علية خالتي قنعت عمامي انو هية تربيني ومن اكبر اجي يمهم وكوة يلا اقتنعو خالتي مدرسة تاريخ وممتزوجة وربتني وهية تدرس وتعينت واني ربيت على مبادئها المسيحية بس بحكم ابوية مسلم ف بالجنسية اني مسلمة اختلاطي ب عمامي قليل على كد السلام اما محمد ومصطفى لا ميانة كلش وياهم وحيل احبهم وهمه سبورت اما ولد عمي مااعرفهم ولا شايفتهم بحياتي عمامي ميدرون اني مسيحية رغم علاقتنة حيل قوية وكل شهر يجون بس ماكلتلهم
الساعة 20 : 7
ريتاج :صباح الخير
ليليان : صباح النور حبيبي
جرجيس : ها كاعدة من وكت خيرج لو بعدج منايمة
ريتاج : رحت بستة وكتلة ياحلو غير اصبح بوجهك
جرجيس : هههههه لازم عدج مصلحة
ريتاج : كعدت ع الميز وكتلة لا قابل شعدي بس كلت خطية منقص حنان ههه
جرجيس : ههههههه لا والله شو كاعدة
ليليان : دتروح وياية نجهز ملابس مدرسة
جرجيس : ها خوش يلا طالع اني محتاجين شي؟
ليليان : لا عيني سلامتك واندرات علية اكولج احنة تريكنا كومي بدلي بين ماكلي الفنكر
ريتاج : واذا ماكمت
ليليان : يا شبيج دكومي لنتاخر
ريتاج : اي كايمة يلا لدفعين😂
ليليان : هههه الرب يشافيج
ريتاج : نسيت احجيلكم عن نفسي اني بيضة حيل بياضي شفاف على ماما وعيوني خضر ع زيتوني لونهم غريب وحيل حلو دائما يكولولي هيج شعري طويل عابر خصري واشكر ملامحي ناعمة بس عيوني كبار وزني 46 وطولي 155 بيومهه لبست بنطرون اسود 90 قميص بيجي ومن الصدر كيبور اسود خفيف وشعري عفتة مفتوح حطيت مسكارة وشوي باودر ونزلت ماحب احط مكياج قوي اكلت وطلعنه بسيارة خالتي وظليت وياهه بالدوام والساعة 10 هية اخذت من المديرة اجازة ورحنة للمنصور اشتريت صدريتين وتيشيرتات 2 وتيشيرت واحد نص ردان واخذت قماش خيطت صدرية سودة وتغدينة ورجعنة تعبانة حيل لان ذوقي صعب بالملابس دائما احب اكون مختلفة ومااخذ شي مألوف نمت وكعدت ب6 العصر نزلت لكيت خالة بعدهه نايمة وسمعت خالو ديخابر
وللحكاية بقية ...
