بارت 29
#للقدر_رائي_اخر
ريتاج : لا نفسي دتلعب احجي وياة ونفسي بعدهه تلعب ودايخة
حيدر : ليش شنو شماكلة
ريتاج : مادري
كلبت بالتلفون وصيت على فستان وخابرهم حيدر فهمهم انو اريدة الصبح علمود السبعة
رحت تمددت وغطيت وهوة رجع يشتغل غفيت حسيت علية يكوم باوعت ب5 ها يصلي رجعت نمت كعدت على صوتة وهوة يكعدني
حيدر : كومي صدك جذب بعدج نايمة
ريتاج : شنو شكو
حيدر : كومي ولج اليوم مو تسوون سبعة الساعة ب12
ريتاج : حيدر الفستان
حيدر : وصل يمعودة كومي
ريتاج : اففف تعبانة
حيدر : صدك جذب شنو هالقابلية مال نوم كومي
ريتاج : والله ماجنت انام هيج
حيدر : ها شنو من يمي طفيتي
ريتاج : يوووو كافي
حيدر : يلا غسلي
ريتاج : اكول نروح لنفس المركز مو
حيدر : ماكو لا مركز ولا شي هنا تمكيجين انتي اصلا خبيرة تجميل
ريتاج : لاشسالفة صدك
حيدر : كافي بدون نقاش
ريتاج : اهووو
حيدر : كومي عاد
ريتاج : انتة ترتب الغرفة
حيدر : مو اشتغل عدج
ريتاج : ننننننن مارتبهه
حيدر : لترتبيهه
ريتاج : كمت سبحت وشسورت شعري وكويتة صار حلو لان طويل واني ماكوي هواي وهوة ناعم بس اكو تقلصات بطني حيل قوية بس سكتت بدلت لبست كلابية وشال ونزلت هوسة وديصبون توني دا انزل واجاني طاير سحبني جوة الدرج
ريتاج : يا يا شبيك
حيدر : خرب دينج لج شنو هاي الشال لج ليش تكفريني متعرفين تلفي
ريتاج : اي على كيفك هسة الفة ليش عصبي
حيدر : تطلعين الواحد من طورة متعرفين تلفي عدل من البداية
ريتاج : يلا هاي لفيتة شوية وخر
رحت للاستقبال كلهم كاعدين ونص مكنكين كعدت يمة جان صبا تصيح
اييي عمي حيدر يمة الحب يمة شنو هالشعر الحلو
حيدر : ههههههه
والله وكعت ياابن العم
حيدر : واحلة وكعة
ريتاج : شنو ياصورة
حيدر : ع الواتساب
ريتاج : شو اشوفهه
اخذت التلفون شعر غزل حيل حلو ابتسمتلة صبو اكل ورحت جبت شوية وي البنات رجعت كعدت يم حيدر بس اول مكعدت لعبت نفسي وكمت تقيأت واني كلشي مماكلة دخت كوة لزمت نفسي لكيت نهى وامة واكفين وراية وامة مبتسمة
ام حيدر : شبيج يمة شماكلة
ريتاج : والله خالة ماعرف لبارحة هم يمكن استبردت شوية
ام حيدر : باجر اوديج للدكتورة
ريتاج : لا خالة ميحتاج
ام حيدر : لا شلون ميحتاج يلا تعاي تغدي
ريتاج : مااكدر معدتي دتأذيني حيل
ام حيدر : اصعدي فوك ارتاحي وهسة ادزلج لبن يوخر لعبان النفس علمود تاكلين
ريتاج : ماشي خالة شكرا
صعدت فوك كوة طلعت دشداشة كيمونة قصيرة لبستهه وتمددت دايخة حيل وتقلصات قوية ونفسي دتلعب يالله شنو هاي شوية وانفتحت الباب حيدر
حيدر : ها سلامات شبيج عمري
ريتاج : ماكو تقيأت شوية
حيدر : هوة انتي شأكلتي حتة تتقيأين
ريتاج : مادري بطني دتوجعني
حيدر : كومي خلي اوديج لدكتورة
ريتاج : ماريد ماريد
اندكت الباب وطبت نهى وبيدهه صينية وامة وراهه
ام حيدر : ها يمة شلون صرتي
ريتاج : بس دوخة ولعبان نفس
حيدر : اي زين ليش هيج
ام حيدر : بلكي الله وتطلعين حامل
ريتاج : كالت هيج وضليت صافنة رحت بغير عالم حامل؟ لا مستحيل ماريد ويني وين الجهال اني لا ياربي ماريد ماريد كوة لزمت دموعي وحيدر اندار علية
حيدر : صدك؟
ريتاج : مادري
ام حيدر : باجر اخذهه لدكتورة خوش دكتورة البنات كله يمهه
حيدر : انشالله يوم الله يسمع من حلكج
ام حيدر : امين يا يمة واشوف جهالك تارسين البيت بجاة هوة الحبيب محمد يمة رتوجة اكلي وهاي لبن حتة متلعب نفسج
ريتاج : ابتسمتلهه طلعت هية ونهى اخذت الغطة وغطيت راسي ونمت
حيدر : كومي مو جابولج اكل كومي اكلي معدتج فارغة ميصير هيج
ريتاج : ماريد
حيدر : كومي داحجي وياج
ريتاج : حيدر ماريد عوفني ماريد شي
حيدر : كومي عاد اخر مرة اكول
ريتاج : ها كمت
حيدر : صدك حامل
ريتاج : شمدريني جهاز سونار اني
حيدر : هههههه ان شاء الله حبيبي حامل
ريتاج : والمدرسة؟
حيدر : شبيهه؟
ريتاج : ماريد جهال اريد اداوم
حيدر : اي عادي داومي شنو اول وحدة تحبل وتداوم لو اخر وحدة
ريتاج : صدك؟
حيدر : اي والله
ريتاج : اوك
حيدر : شو مفرحانة انتي متريدين يجيج طفل
ريتاج : لا
حيدر : ليش ولج
ريتاج : خل اربي نفسي اول نوب اربي طفلي
كلت هيج هوة انفجر من الضحك بصوت عالي وكام يكح ضليت صافنة على شنو يضحك
حيدر : اخ خرب يومج
ريتاج : شنو شبيك تضحك
حيدر : شكد فطيرة تعاي
ريتاج : شوية اريد انام
حيدر : جوعان
ريتاج : هسة قبل شوية اكلت ماعونين تمن وتشريب ولحم جوعان شنو
حيدر : قل اعوذ برب الفلق حاطة عينج علية
ريتاج : حيدر شوية نفسي دتلعب اختنكت
حيدر : اوديج للدكتورة ليوم؟
ريتاج : والعالم الجايين ع السبعة شتكلهم
حيدر : يمعودة شعلية بالعالم اهم شي انتي تعاي اكلي
ريتاج : ماريد نفسي دتلعب
حيدر : اشربي لبن اول شي يعدل معدتج
ريتاج : شوية شربت لبن صدك معدتي استقرت اكلت شوية وشبعت وتمددت وغطيت التقلصات موتتني
حيدر : شبيهه اميرتي
ريتاج : بطني دتأذيني حيل انطيني هذا الشريط الكتبتلياة الدكتورة
حيدر : لا لتشربين بكيفج
ريتاج : ليش عود
حيدر : مو حامل ميصير تاخذين دوة
ريتاج : شمدريك حامل يجوز استبردت وانتو كبرتو الموضوع
حيدر : ميخالف باجر نتأكد يلا كومي الساعة ب2
ريتاج : افف حتة مابية حيل
حيدر : يلا عيني كومي كومي
ريتاج : اي كمت يلا اطلع برة
حيدر : اطلع برة شنو
ريتاج : اريد اجيب نهى وياية
حيدر : جيبيهه اريد انام اني
ريتاج : نطلع صوت
حيدر : بالله اطيح حظج
ريتاج : افف
حيدر : اف بعينج
ريتاج : لبست الكلابية وجريت الشال واخذت الصينية ونزلت لكيتهن ديمكيجن صحت نهى جابت فستانهه وصعدنة كتلهه حيدر نايم نشتغل بدون صوت كالت اوك كعدت سويت مكياج عيوني هادئ بس ايلاينر جريت وحمرة ماروني صار يجنن وراهه نهى رادت مثلي هية عيونهه كبار وسود طلع حلو عليهه كملنة صارت ب3 ونص كالت العالم ديجون كتلهه جيكيلي الوضع جوة شوفي اجوي لبست فستاني الوصيتة بنفسجي وضيك ع الجسم وكصير حيل وردانة صلوخ ونازلة ع الزند ومن ورة سبعة جبيرة وجواهه سحاب ذهبي داسوي بالسحاب وشفت حيدر وراية ومتخصر
ريتاج : ها
حيدر : ولج شهالجمال اني شلون بية
ريتاج : لتتقرب بالله كوة سويت المكياج
يتقرب الية ويحجي اخر شي جرني
حيدر : ول ابوية تشوفين الصايم مي وتكليلة لتشرب
ريتاج : باسني بأذني وجان تطب نهى دتحجي وشافتنة هيج كبل طلعت دفعتة وكتلة وخر شكد عيب ضحك وطب للحمام
ريتاج : نهى تعاي طبي
نهى : لا بس اريد فستاني
ريتاج : وج تعاي طبي ماكدر اطلع هيج حيدر بالحمام تعاي
نهى : اسفة والله مادكيت الباب بس عبالي نايم
ريتاج : لا لج همزين اجيتي قبل ميخربلي مكياجي ابقي هنا بربج خلي يبدل ويطلع
نهى : لا ريتاج والله استحي
ريتاج : انجبي وسكتي
نهى : لج طالعة حلوة
ريتاج : اني اخبل من كاعي😌
نهى : ههههههه ولج لتصيرين مغرورة
ريتاج : ههههههه
حيدر : ريتااااااج
ريتاج : ها
حيدر : جيبيلي هدوم
ريتاج : دقيقة
اخذتلة شورت وفانيلة وديتلهيا وطلعت الهدوم اليلبسهن
نهى : هسة اني شسوي هنا شنو موقعي من الاعراب
ريتاج : رتبي المكياج وعزلي الميز
نهى : اوك
ريتاج : دارتب بالجرباية طلع شاف نهى اخذ الهدوم بدل واجة ع الميز
ريتاج : اشسورلك شعرك؟
حيدر : تعرفين لو تخربي
ريتاج : لا بلة شبية ماعرف اصلا جنة كل مانطلع اسوي شعر خالو ومرات شعر مصطفى
حيدر : لتتفيكين تعالي
ريتاج : ترا ماسويلكيا
حيدر : اهو فضيني
ريتاج : اكعد ع الطبلة وين انوش
كعد اول شي نشفتلهياة وراهه كويتة وضربتة سبرية صار يجنن
ريتاج : هاا كول محلو
نهى : لا يخبل عاشت ايدج
حيدر : يولي
ريتاج : ها
حيدر : جيبيلي العطر
ريتاج : جبتلهياة ورشيتلة ونزل اوووو واخيرا خلصت هسة شبقالنة
نهى : هههههه خلصتي شنو
ريتاج : اريد اصبغ اضافري
نهى : تعاي اني اصبغلجياهن
صبغت ولبست الكعب وجتي هيام وبنات عمة اخذت فوني ونزلت وهلاهل وركص فعلا جانت حلوة لل7 العالم انطت الهدايا وبدت تروح وراهه كالو حيطبون الولد صعدت فوك لبست كلابية وقراصة عدلت مكياجي وتوني طالعة من الغرفة ودفعني حيدر
حيدر : وين وين طالعة
ريتاج : شبيك دانزل جوة
حيدر : اكسر راسج لتكفريني تنزلين هيج بهذا مكياجج مكرن اني
ريتاج : اي شكو بيهه
حيدر : انجبي وبطلي من هاي الحجاية ومسحي
ريتاج : منو جوة؟
حيدر : ابوية وعمي علي ومحمد ومصطفى والولد باعي مسحي وماريد قطرة بوجهج راح اصعد الغراض خوش
ريتاج : ياغراض
حيدر : الهدايا امي كالت صعدهن من الجهال
ريتاج : ها وك
حيدر : مسحي
ريتاج : اي افتهمت
حيدر : خوش
نزل ورحت مسحت المكياج وغسلت وجهي وحيدر يصعد بيهن كومة بطانيات وفرشات واكو بردات وساعة وتيبلامات واكو هدايا مغلفة خلاهن بالكليدور
ريتاج : حيدر
حيدر : ها حبيبي
ريتاج : مشتهية كباب 😐
حيدر : هههههه تأمرين وبعد
ريتاج : ومقبلات
حيدر : صار وبعد
ريتاج : ووببسي بااارد بي ثلج
حيدر : صار وبعد
ريتاج : وصمون حار ابو السمسم وهاهية
حيدر : هههههه تدلل اميرتي الحلوة راح اجيب واجي
ريتاج : اوك
نزل ونزلت وراة صبو اكل كاللهم لا راح اجيب كباب اكلو بالعافية كعدو ياكلون وصاحوني بس نفسي جانت دتلعب عاد ام حيدر دزت ابن احمد اسمة حسن جابلي لبن شوية تحسنت ورة شوية اجة حيدر انطاني علاكة وانطة لامة علاكة كاللهه هذا لابوية رحت صبيتهن ع الميز وكعد ياكل اكلت وشوية وشبعت بس ماقبل ظل يسويلي لفات واحنة دناكل طبت حوراء
حوراء : ها خوية انتو هنا
حيدر : اي تعاي تفضلي
حوراء : لا رحمة الله والديك اكلت الحمدلله اكول ريتاج صدك انتي حامل
ريتاج : كالت هيج كبل غصيت وضليت اكح كتلهه لا مستبردة منو كال
حوراء : امي كالت وفرحانة خطية عبالهه حامل يلا الله يعوضج
حيدر : باجر نروح للدكتورة ونشوف وبعدنة بالبداية ممستعجلين واندار علية ابتسملي انطاني لفة وكال مو
ريتاج : اي مو
راحت وكتلة شبعت ظل يلح اكلي واكلي كتلة شبعت ماكدر كمت غسلت ورجعت كعدت ع الميز شوية وبدن يجيبن الماعين كمل وكال الحمدلله شلتهن خليتهن ع الكاونتر وصبيت جاي
حيدر ورحت وديتلهيا وصعدت فوك لبست شورت قماش وكيمونة قصيرة لونهن اسود وفوكاهن روب مال نوم اسود لان خفيفات وتمددت بطني تأذيني كلش كمت ابجي من الوجع ماعرف شكد مر من الوقت واني لازمة بطني واتلوى انفتحت الباب حيدر عقج حاجبة من شافني كبل اجة
حيدر : ها شبيج
ريتاج : بطني دتأذيني
حيدر : اوديج للمستشفى
ريتاج : لاا
حيدر : لعد شلون تظلين هيج وباجر دوام
ريتاج : انطيني هذا الشريط
حيدر : لج بابة مو زين كل عقلج تشربي باعي شسوة بيج
ريتاج : حيدر الله يوفقك انطينياة والله من اشربة يهدي الوجع
حيدر : لج ابوية مو زين ع الاعصاب هذا
ريتاج : انطينيا منا لباجر راح اموووووت
انطاني حباية ومي شربتهن ورجعت تمددت هوة نزع واجة يمي حضني
حيدر : شلون صرتي
ريتاج : نفس الشي
ظل يقرة على راسي ايات ويفرك بشعري ويقرة فعلا ارتاحيت ونمت ماحسيت الة التلفون يدك الساعة ب 10 حيدر وين يمكن راح للدوام هيانة ديدك جاوبتة
حيدر : هاي شنو بعدج نايمة
ريتاج : اي
حيدر : شلون صرتي
ريتاج : احسن الحمدلله
حيدر : الحمدلله كومي تريكي وحضري الجدول وداومي
ريتاج : انتة وين
حيدر : بالدوام
ريتاج : شوكت تجي
حيدر : كومة شغل عدي مادري شوكت ارجع
ريتاج : ماشي
حيدر : ديري بالج على نفسج واكلي زين حطيتلج فلوس ع الميز
ريتاج : ماشي
حيدر : يلا حبيبتي بيباي
ريتاج : الله وياك
سديتة منه وكمت حضرت الجدول همزين قاريتهن المواد لبست تراكسود وشال ونزلت جانت نهى تراجع راجعت وياهه واجتي عمتي ام حيدر
ام حيدر : ها يمة شلون صرتي
ريتاج : ها خالة الحمدلله احسن
ام حيدر : ليوم اخذج للدكتورة وانشالله خبر زين كومي تريكي وسندي نفسج
ريتاج : لا خالة نفسي دتلعب بالمدرسة اكل
ام حيدر : ليش تداومين
ريتاج : اي
ام حيدر : ها زين وبعد لتكليلي خالة انتي مثل بنتي صيحيلي يمة
ريتاج : صار يمة
ام حيدر : الله يوفقجن ان شاء الله
نهى : اي يوم اندعيلنة
ام حيدر : والله يايمة ماكوم من صلاتي اذا مداعيتلكم كلكم
ريتاج : تسلمين يمة
راحت وراجعنة وشوية سولفنة صارت ب11 ونص صعدت غسلت ورتبت شعري وبدلت هم خابرني حيدر
ريتاج : الو
حيدر : ها مارحتو
ريتاج : ب12 وثلث يجي
حيدر : طكيلي صورة ودزيهه على الواتساب
ريتاج : عود ليش
حيدر : هيج اشتاقيتلج
ريتاج : تريد تشوف شلابسة وشحاطة
حيدر : عفية وهسة طكي ودزي
ريتاج : ماشي بيباي
طكيت صورة ودزيتهه وظل يوصي اسطوانة كاملة نزلت يم نهى شوية واجة الخط طلعنة ودوام عادي بس اكو تقلصات قوية حيل اخر شي الدرس الرابع متت من الوجع اخذتني نهى للباحثة وخابرتة ماجاوب رجعت خابرتة فتح خط
حيدر : الو
ريتاج : حيدر
حيدر : ريتاج شبي صوتج انتي وين منين هذا الخط
ريتاج : مال باحثة الاجتماعية تعال اخذني بطني دتأذيني
حيدر : تمام اخذ زمنية واجيج
ريتاج : بيباي
سديتة منة ورجعنة للدرس دك الجرص وراهه اجتي مدرسة علية جايبة ورقة خروج ودتني نهى والبنات كومة رايحات راجعات مشايفات اخذ الجنطة من نهى وظل يسئل شبيج مجاوبتة طلعنة وصعدنة بالسيارة
حيدر : مو احجي وياج
ريتاج : ماعرفت تنتظرني برة؟
حيدر : غير اخذلج اجازة شبيج شكو
ريتاج : يعني عاجبك الوضع البنات رايحات راجعات واكفات يباعن عليك كلت هيج ملامحة كلهن تغيرن واكو ضحكة ضامهه بوجهه
حيدر : اي واني شعلية بيهن غير جنت اباوع عليج وبالي يمج
ريتاج : لا متباوع علية
حيدر : هههههههههه
ريتاج : شنو اليضحك
حيدر : شكلج وانتي تغارين
ريتاج : ماغار
حيدر : هههههه
ريتاج : كرصني من خدي وكال
حيدر : لج يروحلج فدوة كلهن لترابج
ريتاج : كافي يلا يلا
حيدر : لج كل البنات رجال بس انتي مرة
ريتاج : لعد شعدك جاي اذا هيج
حيدر : غير خابرتيني وكلتي تعال
ريتاج : ماعرفت تدير وجهك
حيدر : وارفع تك رجل حاضر ست
ريتاج : ننننن
حيدر : شبيج صدك
ريتاج : بطني توجعني
حيدر : يلا نرجع بدلي وناخذ امي ونروح للدكتورة
ريتاج : اوك
رجعنة للبيت وامة خطية تلكتني وصعدت فوك عاند وياية الة تلبسين جبة لبست جبة وشال زيتوني وحذاء ابو الاصبع وحجل وسوار وحلقة ومحبسي نزل قبلي خليت مكياج ونزلت لكيتة طالع بالسيارة اخذت عمتي وطلعنة صعدت اني ليكدام وهية ليورة رحنة وحجزنة وكعدنة ننتظر طبيتلهه كالت سوي تحاليل وسونار اخذتهن وطبيت وعمتي طبت وياية كالت حامل دموعي كبل نزلن احس حيلي انهد من هاي الكلمة ماعرف شحجو بس لزمتني دوخة كلش قوية يالله حامل ماريد ماريد كلت لعمتي نطلع والدوخة لازمتني طلعنة وهوة كال ها بشرو مجاوبتة بس دموعي ينزلن امة كالتله يمكن داخت خلي ناخذهه صعدت بالسيارة والدموع متوكف احس اذني مسطورة ماسمع كلامهم ولا افهمه حسيت على حيدر وهوة يهزني
حيدر : ريتاج مو احجي وياج لج شبيج
ريتاج : ها
حيدر : شبيج فهميني منو مات علويش تبجين
ريتاج : راسي يأذيني خلي نرجع
حيدر : وشكو تبجين
ريتاج : حيدر دايخة دايخة راسي حينفجر رجعني
ام حيدر : اي يوم رجعنة لتوكع علينة خطية شوفهه شلون مصوفرة
حيدر : بس فهميني الدكتورة شكالت
ام حيدر : حامل والحمل بدايتة وعدهه فقر دم لازم تتغذى ومتتعب وتنام كلة على ضهرهه ومتتحرك هواي
حيدر : اي لعد شبيهه
ام حيدر : يجوز تعبت هية جانت تتوجع وانتة كبل جبتهه خاف ضغطهه هبط
حيدر : ريتااج
ريتاج : ها
حيدر : شبيج شيوجعج
ريتاج : راسي
حيدر : مشتهية شي اجيبلج شي
ريتاج : لا
حيدر : اوك
ريتاج : رجعت راسي وغمضت عيوني كوة لازمة نفسي وصلنة وطبيت كبل فوك صعدت دانزع بالجبة وهوة طب
حيدر : ريتتااج
ريتاج : ها
حيدر : وعلاا كم مرة كايلج لجاوبيني بها
ريتاج : كول عيني
حيدر : شبيج ليش جنتي تبجين؟
ريتاج : راسي يوجعني
حيدر : الغي عدل من البارحة امي كالتج يمكن حامل وماشفتج فرحتي وهسة بدال متفرحين تطلعين من الدكتورة تبجين عبالك احد ميتلج
ريتاج : ...
حيدر : ليش ساكتة مو الغي وياج
ريتاج : حيدر شوية تعبانة
دامشي وجرني لزمني من ايدي يحجي ويهز خلعهه لايدي
حيدر : شنو هاي التصرفففاااات ريتااج لج اجرم بيج شنو معناة هذا
ريتاج : كافي شنو شبيك شمسوية
حيدر : شنوة الي ماسويتي لج حتلو تكرهيني متفرحين يجيج طفل
ريتاج : اي مافرح وماريد كافي عوفني
سطرني راشدي وكعني بالكاع دنك علية وكال
حيدر : انعل ابو هيج تربية من ترادديني وتلغين هيج بوجهي
ريتاج : شنو هاي كافي ملطشة عدك اني شوكت ميعجبك تضربني
حيدر : اضربج واكسر راسج اذا تراددين لو ترفعين صوتج علية
ريتاج : ليش منو انتة الله
كلت هيج وسطرني راشدي لزمني من شعري وكال
حيدر : بالله اذا عدتيهه وحق هوة الله اوديج لگبر اهلج انومج يمهم
ريتاج : اي موتني وديني يمهم ماريدك ولا اريد هاي عيشتك
حيدر : لججججججججج سسسسسساقطة
وخر الحزام وضربتين دنك وعصر فكي
حيدر : بالله لاندمج على هاي الحجاية
اخذ تلفوني وطلع وقفل الباب ظليت ابجي وجهي صار ازرك اثار الحزام خرب هيج حياة
وللحكاية بقية
رئيكم بالبارت؟
