بارت 7
#للقدر_رائي_اخر
ريتاج : عاط بية كدامهم وفشلني من صدك حسيت نفسي وحيدة بينهم مجان لازم يسوي هيج وجانو الولد والبنات كاعدين حجة عمو حسين
حسين : شنو محمد تصيح ماتحشم احد
محمد : لابسة كلادة الصليب شنو معناهه كتلكم لتعوفهه يم خالتهه تعالو شوفوا النتيجة
حسين : ريتاج
ريتاج : ها عمو
حسين : تعاي يابة كعدي هنا
ريتاج : اشر بصفة رحت كعدت
حسين : بوية انتي المن تتبعين على يادين رابية
ريتاج : دين نبينا عيسى
اني كلت هيج لو محمد صاح لتخليني اكفر بيج والمسيح شنو هالحجي عمو حسين صاح
حسين : محمد دام انة احجي تسد حلكك
ريتاج : ماعجبة الكلام لمحمد وطلع
حسين : يعني هسة انتي على المسيح
ريتاج : هزيت راسي بمعنى اي
حسين : بس جنسيتج تقرة الاسلام ودام ابوج مسلم المفروض انتي تبعين منهج ابوج
ريتاج : عمو بس اني خالتي مجبرتني اني جنت اشوفهم واقلدهم المسيح هم يعبدون الله
حسين : بوية والنعم من كل الاديان السماوية بس انتي ابوج مسلم
ريتاج : ماحجيت شي سكتت ابتسم بوجهي وكال
حسين : واحنة هم مراح نجبرج على شي دام مامسوية الغلط وتعرفين الله ورسولة على راحتج بوية
ريتاج : ابتسمت جرني الة وباس راسي واندار على نهى كاللهه اخذيهه وياج
نهى : يلا رتوجة كومي
ريتاج : اي كمت
صعدنة فوك بيتهم حيل جبير واكو غرف تاركيهه رحنة لغرفتهه هية ومهى اندارت علية
نهى : هدومج بيت عمو محمد صح؟
ريتاج : اي
نهى : يلا انطيج مني
ريتاج : خلي يجيبولي هدومي ماريد اعيش يمة
نهى : ههههههه لا ولج محمد حباب بس عصبي لان البارحة اتعارك وي واحد بايك فلوسة ف اعصاب
ريتاج : اي اعرفة بس تفاجئت من سوة هيج
نهى : ههههههه
ريتاج : منو باك فلوسة
نهى : مداين واحد وميقبل يرجعلهيا
ريتاج : هااا
نهى : ايي .... شتلبسين انتي؟
ريتاج : تراكسود اذا عدج
نهى : اي موجودات تعاي اختاري
ريتاج : اخذت تراكسود منهه بجامتة سودة بوري وبدي ماروني رفعت شعري
اكلج نهى
نهى : هاا
ريتاج : اريد هدومي
نهى : هههههه شبيج باجر نجيبهن
ريتاج : ملابسي مال نوم هناك ماعرف انام هيج
نهى : ههههه لعد شتلبسين
ريتاج : عدي بجايم ودشاديش مال نوم
نهى : هااا امشي نكول لحيدر
ريتاج : اهو هذا المليق
نهى : ههههه يلا عيني ام المليق
ريتاج : نزلنة جوة محمد جان يم الدرج نزلت راسي مشيت كبل جرني
محمد : ايباااخ زعلانة
ريتاج : محمد عوف ايدي
محمد : عمو لزعلين مني اعصابي تلفانة اني احجي لمصلحتج
ريتاج : عوف ايدي
محمد : هههههه ول يابة لتحقدين ميلوكلج
حضني وكال
محمد : يلا وهاي اسف بعد شتردين
ريتاج : مارديت علية وكتلة جيبلي هدومي
محمد : ليش
ريتاج : اريد ابدل
محمد : اي نروح لبيتنة وشيعجبج بدلي
ريتاج : لا هنا اريد
محمد : لا يابة هناك غرفتج هذا بيتج وشكد ميعجبج كعدي بي بس مكانج يمي
ريتاج : اوك
محمد : يلا جيبي غراضج دنرجع
ريتاج : دقيقة
لبست ملابسي واخذت جنطتي وفوني وطلعت من الغرفة واني منزلة راسي مستجلة والطخت بحيدر
حيدر : ها ليوم راح تزرفين صدري شبيج انتبهي شوية
ريتاج : محجيت شي خزرتة ونزلت رجعنة للبيت صعدتني ايناس للغرفة
ايناس : البيت بيتج شيعجبج سوي ولتتقيدين بشي
ريتاج : تمام شكرا
جانت غرفة حلوة تركية ابيض وبيهه وردي بناتية ميز وكنتور وجرباية وزاوية بيهه مراية جبيرة بس مارتاح مثل هنا مرات اخاف انام يم خالتي لو يم بيبي لو احلم باليل اروح لخااتي تنيمني على ايدهه وتقرة ايات هنا المن اروح اوووف اخذت نفس بدلت ونمت فورا من التعب ...
وللحكاية بقية
