بارت 18
ريتاج : رحنة كال انتظروني اجيب التلفونات نزعت الجادر اووو جنت مخنوكة فات ولد من يمي وكال من صدقة لربج اويلي مراح ازور علمودج
عزة انداريت حيدر واصلة السرة ديحجي وي ابو التفتيش منتبهه الحمدلله انوب هذا ظل واكف ويغمز ويأشر ويضحك استلم حيدر التلفونات جنت ارجف بس لا ينتبه عزة والله يطيح حظي اجة انطاهم التلفونات وكال يلا رحنة طبينة لاول محلين معججبني شي طلعلي كومة تخوم بس محبيتهن رحنة ع المحل الثالث امة كعدت هية وايناس طلعنة 5 موديلات معجبني طلع واحد كلش حلو يجنن ثكيل بس حبيتة كلادة وسوار وحجل وتراجي ومحبس
ليليان : اي هذا حلو شنو رئيج
ريتاج : حبيتة كلش حلو
حيدر : عجبج ؟
ريتاج : انتة شدكول
حيدر : حلو
رتوجة ناخذة مقتنعة بي
ريتاج : بكيفك
حيدر : لا بكيفج انتي الي راح تلبسي مقتنعة بي عجبج ؟
ريتاج : اي حلو
اجتي امة شافتة كالت صدك حلو وايناس هم بس المحبس طلع جبير لان اصابعي ناعمات حيل رفاع وطوال بين مازغرة خالتي اخذت كلادة كالت انتي اختاريهه وامة اخذت 3 اسوارات (ملاوي) كالت ذني هديتج البسجياهن بالنيشان وايناس كالت مني ومن محمد تراجي ومصطفى كال اخذيلهه محبس اختاريت كلادة نازكة ومحبس هم زغرة الية وتراجي بقت بس الحلقة هنة كعدن ضلينة بس اني وحيدر نختار معجبني شي اخر شي اختاريت حلقة صب عريضة سادة مابيهه شي بس كلش ثكيلة همزين ع قياسي كملنة وطلعنة خسرتة التخم كان كلش غالي😁 ههههه مشينة صعدنة كوستر نزلنة يم الكراج تمشينة وكال اوكفو هنا جاب السيارة واجة ساق وكف يم مطعم نزلنة وكعدنة امة كالت اخ يابة
حيدر : ههه ها يمة تعبتي
ام حيدر : اي والله يايمة بس فدوة الكم اهم شي سعادتكم
حيدر : الله يحفضج ويخليج شتاكلين
ام حيدر : اي شي يمة
حيدر : يمة اكو كص وكباب وتكة شتريدين
ام حيدر : شوف شيطلبون اطلبلي وياهم
حيدر : تردين كص
ام حيدر : اي عادي يمة
اندار على ايناس
حيدر : وانتي ام زينب
ايناس : هم كص
اندار على خالتي حسيتة يستحي يصيحلهه بأسمهه😂
حيدر : وانتي انسة ليليان
ليليان : لا اني اكل الشوربة اليجيبوهه مسوية رجيم مااكدر
حيدر : بس هالمرة كسري
ليليان : لا عيوني والله ميصير السبت جان يوم مفتوح ماكدر
حيدر : لخاطر رتوجة خطية وضحك
ليليان : لا اذا لريتاج اكسره هههه اي شي اني وريتاج ناكلة
حيدر : يعني شتطلبون؟
ريتاج : لا خالة اني ماريد اكل مقبلات
حيدر : انتي هم مسوية رجيم
ريتاج : لا مو هيج بس قبل شوية اكلت ماكدر معدتي تأذيني
ام حيدر : ول يمة خلصان دمج اكليلج لكمة سندي بيهه نفسج يمة اطلبلهه معلاك
ريتاج : لا خالة ماحبة
حيدر : لعد شتردين
ريتاج : ماريد شي والله شبعانة
ليليان : اطلبلنة اني وياهه كباب معليك بيهه
ريتاج : راح وصة واجة ضلو يسولفون
ليليان : اكول رتوجة ياصالون ترحين
ريتاج : مادري
ليليان : لازم ليوم نحجز اذا باجر نروح ميقبلون
حيدر : اي نروح نحجز ورة الغدة
ام حيدر : يمة وصلني وروحو
حيدر : صار يمة
ايناس : اني هم اروح جهالي هناك
ريتاج : ليش عمة متجين لصالون
ايناس : لا حبيبتي اروح لهذا اليمنة ماكدر مركز واروح وارجع وياج
حيدر : لعد اوصلكم ونروح
ليليان : رتوجة شنو رئيج نروح لمركز ار...
ريتاج : ايييييي نحجز يمة
حيدر : مو بي شباب هذا ؟
ليليان : اي عادي اذا تريد نكول لبنية تشتغلهه
حيدر : لا صالون نسائي احسن
ريتاج : بس هوة هذا احسن مركز هنا
حيدر : لا
ليليان : بي قسم مال محجبات كلة بنات يشتغلون
حيدر : والشعر يشتغلة رجال
ليليان : لا هوة قسم بس للمحجبات
حيدر : عليمن هالدوخة روحو لغير واحد احسن
ليليان : بكيفك بعد
ريتاج : همست ها خالة شبيج معلية
ليليان : شعلية اذا هوة ميقبل
ريتاج : حاجي فدوة
ليليان : مو حاجيتة اظل الح شلون انتي احجي ويا
ريتاج : اني ؟
ليليان : اي انتي قنعي مو تجين تكليلة غصبا ماعليك حاجي عدل وبتفاهم
ريتاج : ميقتنع شكلة
ليليان : كوليلة عيني خل اروح لهذا المركز هوة مركز زين وكل منتجاتهم اصلية والله اروح لقسم المحجبات وميشتغلني رجال والله اذا اروح لغير صالون يحطلي مكياج كوبي ويخرب وجهي لان هوة بسرعة يتحسس احجي عدل مو تخلي يصير عصبي
ريتاج : اي اوك افتهمت جابو الاكل اكلت مقبلات اني طبعي 3 ساعات اكعد فاهية حيل هوة بربع ساعة خلص ماعون جبير مال كص ☹ اكلت شوية وهوة كام ديغسل كتلة اجي وياك اريد اغسل كال تعاي مشيت كبالة هوة هيج كال ماعرف ليش وصلني وكال ابقي لحد ماجي بس اغسل غسلت وهوة اجة كال يلا حيدر بس احجي وياك اندار باستغراب
حيدر : كولي
ريتاج : عفية حباب خلي اروح ل هالمركز كل منتجاتهم اصلية واريد اسوي تنضيف وهواي شغلات متوفرة يمهم والله اروح لقسم المحجبات وماطلع منة انتة تعال اخذني بنفسك حباب
ظل ساكت تقربت وكتلة
حباب هوة يوم واحد بالعمر تريدني اطلع محلوة والله الصالونات شغلهم مو مضبوط
تغيرت معالم وجهه وابتسم وكال
انتي اصلا حلوة ميحتاج مكياج او تسريحة
ريتاج : يعني اروح ؟ اخذ نفس وكال
حيدر : ريتاج اذا سمعت رجال شايفج لو مسويلج شي متلومين الة نفسج والله
ريتاج : لا والله كلة بنات
حيدر : يلا امشي
ريتاج : رجعنة شرب جاي وحاسب وطلع صعدنة بالسيارة وصلهم ونزلنة اني ويا كال اجيب كم شغلة وانطة الذهب لامة البنات كالو وين كتلهم بعد نروح نحجز عد مركز التجميل وجلبو كالو احنة هم نحجز بنفس الصالون مهى ونهى وندى مرت احمد اخو ونور مرت سجاد اخو وحوراء اختة لكيناهه جاية هوة كال حيدر : هوب هوب حوراء ونهى تعالن ويايه بالسيارة ومهى وندى ونور خلي احمد يجيبجن كالن تمام بس نبدل
يلا عيب خالتهه منتظرة بالسيارة
ريتاج : حيدر اني اروح اكعد يم خالتي
حيدر : يلا بنات منتظرجن بالسيارة لتتتأخرن
ريتاج : صعد هوة وصعدت يم خالتي باوع علية من الجامة ورفع حاجبة
حيدر : تحركي تعاي هنا
ريتاج : اي جيت
ليليان : شنو شو اتأخرتو
ريتاج : اي مو البنات هم يجن ويانة يحجزن
ليليان : ها زين
ريتاج : شوية وهنة اجني حوراء خزرتني وصعدت مدري شبيهه رحنة لشارع فلسطين وصلنة صف السيارة ونزلنة حجزنة وكملنة رجعنة وكت الغروب اوف هلكت وصلهن للبيت كال اريد احجي وي محمد نزلنة محمد هنا جان كاعد برة سلم على حيدر دفعتني خالة علية سلمت وهية سلمت علية اندار علية وكال
محمد : شلونهه عروستنة الحلوة
ريتاج : بخير الحمدلله
تشكر من خالتي لانو اجت وحجت وياية واصر تبات يمي قبلت وصعدنة فوك
حيدر : راحت وحجيت وي محمد ع المعازيم والغدة وكتلة راح نذبح ويجون جماعتي بيتنة وياية راح نسوي غدة وهوة هم كال اسوي غدة والزلم يكعدون بالحديقة يحطون كراسي كتلة خوش ورحت عدي كومة شغل بس تعبي كلة يروح فدوة لعيونهه خابرت وعزمت وابوية هم خابر رحت حجزت عد مصور مرتب وكتلة جلسة تصوير خارجية رجعت للديوان سلمت ابوية كال وصيت على 4 ذبايح اريد العالم كلهه تجي وتحجي بخطوبة ابني ضحكت وكتلة الله يخليك النة يابة ويديمك اتذكرت تلفون ماعدهه طلعت رحت اخذتلهه من صديقي تلفون وسيم كارت
داسوق واتذكرت هديتهه اووو هاي شلون نسوة لا لازم اوصي رحت لبيت محمد وطلعت بالطرمة نزلت تفرك بعيونهه لابسة دشداشة فانيلة قصيرة ابتسمتلهه
حيدر : ها نايمة جنتي ؟
ريتاج : لا عادي كعدت
حيدر : هاي تلفون وبي سيم كارت
ريتاج : الية
حيدر : لا لخالتي
ريتاج : ههههههه
حيدر : اول مرة اشوفهه تضحك عدهه رصعه تجنن كوة لزمت نفسي ومابستهه
حيدر : باعي باليل اخابرج اريد احجي وياج
ريتاج : تمام
حيدر : خوش يلا محتاجة شي ؟
ريتاج : لا
حيدر : في امان الله
رجعت للبيت خابرت صديقي بتركيا ع النت وصيتة ع الهدية فرحلي وكال حيدر انتة حيل غالي ولخاطرك راح احاول ادزهه باجر والة لغيرك متصير اتشكرت منة اوف كملت بعد ماعدي شي باوعت الساعة 10 خابرت نهى ع النت تسويلي اكل شوية وصعدتلي اكل اكلت وخابرت ريتاج رن متجاوب ضليت ادك مجاوت اني اعلمهه تكسر كلامي سبحت ونمت كعدت الساعة 1 بليل ع صوت التلفون ريتاج جفلت كبل كمت عبالي بيهه شي
ريتاج : الو
حيدر : ها ريتاج شكو
ريتاج : شنو شكو انتة مخابر علية وهسة شفت التلفون
حيدر : بلة شسوي بيج هسة
ريتاج : ليش
حيدر : بربج شوكت داك عليج شفتي الساعة
ريتاج : ب 11
حيدر : وهسة الساعة بيش
ريتاج : ب1 يا بس لا كعدتك
حيدر : لا مدام جنت انتظرج
ريتاج : هههههههه اني انسة
حيدر : وين جنتي
ريتاج : نايمة هسة كعدت وكلهم نايمين
حيدر : هممم وليش كعدتي
ريتاج : حلمت وفزيت
حيدر : شحلمتي؟
ريتاج : هيج حلم
حيدر : احجيلياه
ريتاج : بعدين
حيدر : ليش شعدج
ريتاج : باجر احجيلكياة
حيدر : هم زين
ريتاج : اي
حيدر : اي مدام شمقررة تلبسين باجر هم تيشيرت ابو الصرة
ريتاج : ههههه اني البس ابو الصرة
حيدر : اي بس البناطير كمرهن عالي
ريتاج : اني هذا لبسي
حيدر : ورة الخطوبة ماكو هيج لبس وتلبسين شال
ريتاج : ليش
حيدر : لان هذا الصح
ريتاج : اخذت نفس اوك
حيدر : سويتي برامج
ريتاج : لا اخذتة ورجعت نمت كعدوني تعشيت اني وخالتي ورجعنة نمنة وجريناهه
حيدر : تنبل مال نوم انتي
ريتاج : اووو ساعات نومي دائما طويلة
حيدر : ريتاج
ريتاج : ها
حيدر : وعلا لتكولين ها
ريتاج : لعد شكول
حيدر : بعدين اكلج المهم تلبسين باجر شال
ريتاج : هذا امر لو طلب
حيدر : لا طلب
ريتاج : لعد اوك البس
حيدر : اكلج
ريتاج : ها
حيدر : من اكلج على شغلة كولي صار ولتسوين برامج اني باجر اسويلج
ريتاج : اريد فيس وانستا وراح انزل التلي والواتس
حيدر : كلهن ينفتحن يمي
ريتاج : هاااا
حيدر : اي
ريتاج : ماشي بعد
حيدر : اي منين نروح تشترين فستان ؟
ريتاج : من المنصور واريد ائجر بدلة همين
حيدر : تلبسيهن ثنينهن ؟
ريتاج : اي اكولك صدك جنت اكلب بفون خالتي شفت كيكة كلش حلوة كلهه بيضة بعجينة السكر مال خطوبة من محل مال كيك بزيونة
وللحكاية بقية
