بارت 27
#للقدر_رائي_اخر
حيدر : اوك على راحتج
ريتاج : طلع وسد الباب بدلت وكوة اتحرك
بدلت وظليت كاعدة مابية حتة اصيحة شوية وطب
حيدر : مو مكملة ليش ماصحتيني
ريتاج : هستوني كملت بعدني حتة الشال ملافتة
حيدر : ديلا كومي حبيبي لتأخرينة
ريتاج : اي
كمت لفيت الشال شلون مجان كال ضبي ولفي عدل رجعت لفيتة مشيت كوة كال حنطلع امشي عدل كدام العالم وراسج بالكاع نزلنة بالمصعد ومشينة ماكو هواي عالم بس الموضفين لان دنيا صبح كال انتظري هنا راح جاب السيارة ورحنة لكيناهه جاية طبيت ابتسمت وكالت تفضلي حبيبتي
: شنو شبيج امي
ريتاج : دكتورة اني لبارحة عرسي
: هااا افتهمت وتوجعتي ؟
ريتاج : اي ولحد الان الالم ذبحني
: ماكو شي انشالله نامي خل افحصج
ضليت صافنة ضحكت وكالت
: حبيبتي لتستحين اني مثل امج لازم افحصج حتة اعرف وضعج وانطيج دوة يلة كولي يالله
ريتاج : كمت فحصتني وكالت كومي
: جروح عدج هاي راح اكتبلج مهدئات ورجلج ميتقربلج 7 ايام افتهمتي
ريتاج : هزيت راسي اخذت الوصفة وحيدر برة طلعت وهية هم طلعت تشكر منهه وانطاهه فلوس ومشينة
حيدر : ها بشري
ريتاج : مجروحة تكول
حيدر : يعني شنو
ريتاج : يعني مجروحة
حيدر : الغي عدل
ريتاج : جروح وكالت اسبوع رجلج ميتقربلج وانطتني مهدئات
حيدر : لا بربج
ريتاج : والله
حيدر : مو خوش سالفة هاي
ريتاج : ليش
حيدر : هيج
يلا تعاي صعدي اجيب الادوية واجيج
ريتاج : صعدت بالسيارة جابلي الادوية شريطين مال حب اوووف نعسانة وصلنة طبيت كبل تمددت
ريتاج : حيدر خل اشربة وانام
حيدر : شتنامين خوماكو شي ب9
ريتاج : نعسانة يعني صار يومين على فد كعدة مطفية والله
حيدر : نرجع للبيت ونامي كومي
ريتاج : شنام هسة تلكة العالم هناك كومة وكل شوي واحد يباركلي
حيدر : اكول انتي شنو متحبين العالم فخر الج من تجي كومة عالم وتباركلج
ريتاج : على راسي بس تعبانة
حيدر : ديلا حبيبتي كومي شوفي وجهج مصوفر نرجع نتريك وشوية كعدي وراهه نامي
ريتاج : اوك كمت كمت
اخذت دوة طبيت سبحت ونشفت شعري بالشسوار وهوة طب بدلت ملابسي اخذت الفرصة احط مكياج مدام هوة بالحمام 😁
تلفونة ديدك امة اهو هسة يطلع داجر ايلاينر بالعين الثانية وهوة طلع
حيدر : هاي شنو هالمكياج
ريتاج : حيدر شنو هسة لو ما صباحية عرسنة
حيدر : كافي عوفي من ايدج ومسحي
ريتاج : امك دتخابر يمكن اجوي
راح جاوبة وكملت بسرعة خليت باودر بالفرشة اجة علية من ورة ودنك
حيدر : حبيبتي اني مو كتلج مسحي ليش كملتي اطيح حظج هسة
ريتاج : انداريت علية هسة منو راح يشوفني حبابببب بس ليوم شتريد امك
حيدر : كالت خابرتك قبل شوية داكلك راح نجي بس انتة مجاوبت ف طلعنة بالطريق
ريتاج : يا يعني جاااييين
حيدر : ليش ماكتيلي تلفونك يدك؟
ريتاج : مادري انتة مو حاطة صامت شمدريني بي جنت داحط مكياج
حيدر : كافي بعد لتحطين هاهية ترة راح يوصلون حضري الغراض
ريتاج : اي تمام ماشي
كمت عدلت الجرباية وهوة يبدل لبس بنطرون اسود وقميص نيلي شوية احسن صرت صفطت هدومنة بالجنطة كملت كال
حيدر : باعي اجوي اهلي راح انزل جوة اجيبهم واكمل الاجرائات لفي شالج خوش
ريتاج : تمام
نزل ورحت حطيت حمرة خفيفة هادئة حيل حلوة اخذت صورة واخذت ع المراية لبست القراصة داحط الشال واندكت الباب وطبت امة تهلهل وابو وهيام بوستهم وباركولي طب حيدر وهيام كالت اوكفو خل ناخذ صور جماعية وكفت بصف حيدر اخذت صورة وكالت بربكم بعد وحدة ضحكنة وحيدر حط ايدة على جتفي باوعت ع الصورة ضحكت وبينت غمازتي الحلوة كتلهه خل اشوفهه طلعتهه تجنن وحيدر بالصورة مدنك علية يباوع ومبتسم كالت من نرجع ادزهه كملنة الغراض وشال الجنطة والبدلة وطلعنة نزلنة وراحو بسيارتهم واني صعدت بسيارتة ليكدام خلاهن بالجنطة وصعد شغل السيارة واغنية الله احب هاي الاغنية عليهه ابتسم وعلاهه وساق وصلنة والطلقات دنكت راسي عدي فوبيا اخاف حيل ضحك وكال يلا خلصو اجة فتح الباب
حيدر : الولد كلهم هنا نزلي وراسج بالكاع وبسرعة بدون مياعة
ريتاج : نزلت طبيت للباب خلو خروف يم رجلي كمزت ورة حيدر خلة ايدة علية وضحك وذبحو والدم عزززة اخاف من الدم متت خوف مشينة وبدت الهلاهل والجكليت كعدنة بالاستقبال هوة شوية وطلع اجتي اختة هيام كلش حبابة كالت يلا تعاي نصعد صعدت وهية وياية ونهى همين استحي ابدل كدامهن ف عزلت الجنطة طبت امة باركتلي وكالت يمة وين بياضج انطيتهيا هلهلت وكالت مبروك منة المال ومنج العيال انفتحت الباب طب هوة طلعت امة وياهه البنات
حيدر : ها اميرتي شدتسوي
ريتاج : ارريد انام
حيدر : تريكي ونامي حيجيبون الريوك
ريتاج : راح تنزل ورة الريوك
حيدر : اي العالم جاية علية عيب اعوفهم
ريتاج : اي على راحتك
حيدر : طلعيلي هدوم
ريتاج : شطلعلك ؟
حيدر : دشداشة الرصاصي معلكة
ريتاج : طلعتلهياة نزع هدومة ولبسهه حيل حلوة وكاعدة على جسمة لان ضخم وطويل اول مرة اشوفة بيهه ديسد بالدكم
حيدر : تحركي رشيلي عطر
ريتاج : اي اخذت واحد على ذوقي ابتسم
حيدر : ول ابوية شمدريج هذا عطري
ريتاج : مو رجالي اعرفة مرة شفتة بالنت
رشيتلة خلة ايدة على شعري وتقرب باسني من حلكي شلع شفتي كام ينزل منها دم يلا وخر نزل على ركبتي هية منا صايرة خريطة اندكت الباب كبل وخرت ضحك وراح فتحهه طبت هيام بيدهه الصينية مال ريوك حطتهه وراحت سد الباب كعد كال يلا تعاي كتلة بس ابدل اخذت دشداشة قصيرة بيجي لونهه على نفطي رحت بالحمام لبستهه واجيت كعدت بس مالي نفس اكل اريد انام بدة هوة ياكل ياخذ كاهي ويحط علية كيمر انطاني
حيدر : شبيج فاهية هاج لكمة
ريتاج : هاي لفة
حيدر : ههههههههه افتحي حلكج
ريتاج : اخذت شوية منهه وبعدت
مااحب الكاهي اخذه واكلهه اخذت صمونة وغمست بالگيمر هوة ضل صافن
حيدر : ول يابة شهالفهاوة البيج
ريتاج : اي كافي تكول فاهية والله اني من زغيرة اكل على كيفي مو فاهية
حيدر : هههههه دتعاي شو اني اوكلج
جرني وكعدني على رجلة وبدة يسويلي لفات يحط گيمر بالصمون وفوكاة مربة ويوكلني
ريتاج : حيدر كافي والله شبعت
حيدر : اخر لكمة
ريتاج : جبيرة والله اكل منهه وانطيني
ضحك واكل منهه اكلت وخرت نمت على رجلة ضل ياكل واني ضليت بس اباوع واني اكول ليش مااسمن اثاري السمن يرادلة اكل كومة احجي بكلبي هوة باوع علية
حيدر : بالله محد راح يوكعني غيرج كافي تباعين علية واني اكل
ريتاج : ههههههههه لعد بس انتة تباوع علية
حيدر : اني اباوع عليج بنظرات عشق انتي بنظرات حسد
ريتاج : ههههههه لا والله ماحسد بالعافية
حيدر : الله يعافيج صبيلي جاي
صبيتلة شرب وكام اخذ جكايرة
ريتاج : رح تنزل جوة
حيدر : اي تردين شي
لا راح انام
حيدر : لا ابوية عيب عالم جاية عليج ميصير هيج بدلي ونزلي
ريتاج : اوك
كعد ع الجرباية يدور بتلفونة طلعت تراكسود وعاط بية
حيدر : هاي شنو
ريتاج : شنو شبيك
حيدر : تنزلين للعالم بتراكسود ولج صباحية عرسج والعالم جاية بتراكسود تردين تخبليني انتي
ريتاج : اي حيدر كمزتني صارت بية خوفة هوة هيج
حيدر : تخبلين الميتخبل انتي بهاي تصرفاتج
ريتاج : لعد شلبس
حيدر : لبسي كلابية وشال
ريتاج : انزل جوة بالشال هو بس نسوان
اتقرب علية ورفع اصبعة
حيدر : بالله اذا تنزعي جوة حظج اطيحة حتلو بس نسوان مينزل من راسج اذا وصلني حجي نازعتة الله ميخلصج مني
ريتاج : شنو حاط علية مراقب هاهية افتهمت
حيدر : اي حاط عليج مراقبين مو مراقب
ريتاج : اوك افتهمت هسة البس
طلعت كلابية على كولتهم مشمشي وبيهه بيجي كلش حلوة واخذت شال بيجي وطلعت شحاطة ام الاصبع حلوة نازكة بيجي باوع علية من فوك ليجوة
حيدر : عرض ازياء بدون زحمة؟
ريتاج : مو كلت لبسي كلابية وشال هاي لبست
حيدر : لطلعين برة وشالج مينزل من راسج وصوتج نصي الي بيناتنة لحد باب الغرفة ميطلع افتهمتي
ريتاج : هزيت راسي باسني بخدي وطلع قبلي بلة هاي الصينية شيشيلهه كوة شلتهه ونزلتهه للمطبخ ضلن يسولفن وكل شوي وحدة تكول شوكت تسافرون وين تسافرون واني اكلهن باجر لتركيا شوية واندكت الباب خالتي وخالو طب هوة بالديوان يم الزلم وخالتي طبت سلمت وبوستهه وباركتلي شوية وصعدنة اني وياهه كعدت بالغرفة
ليليان : شصار ولج بشري
ريتاج : شنو شصار
ليليان : بعدج تتوجعين بالي يمج
ريتاج : لا شصار بية لبارحة اليل مانمتة من الوجع وهوة وياية كاعد صارت ب8 راح يدور ع دكتورة لكة وخابرهه تجي للعيادة اجة بدلت ورحنة وفحصتني
ليليان : اي وشكالت
ريتاج : دكول مجروحة ولازم اسبوع ميتقربلج
ليليان : اي عادي هالشي يصير شلونج هسة
ريتاج : كتبتلي دوة شوية احسن
ليليان : يلا تتعودين هاي لان اول يوم
ريتاج : اجيت يمهه وكعدت
ريتاج : اي ياحلوة وانتي مناوية تزوجين
ليليان : اذا عدج عريس ليش لا
ريتاج : والله جان واحد عدي عبالي ازوجة الج بس خوما ينتظرج العمر كلة البارحة ام حيدر خطبتلة شلون بنية عيونهه زرك وبيضة تججننن
ليليان : حيوانة منو هوة وليش اني شبيه ناقصني بياض مو عيوني خضر بربج ريتاج خطبتو المصطفى
ريتاج : يا ليش انتي بالج مصطفى
ليليان : هااا لا مو هيج بس هوة عبالي لعد منو
ريتاج : ابو الزبالة😐😂
ليليان : مو اكلجج حيوانة ولييييي من خلقتي
ريتاج : لج ليلو بالله حاجاني بموضوعج مو شقة
ليليان : اي واني شعلية
ريتاج : ها براحتج عبالي اسولفلج اي شكو ماكو
ليليان : انجبي والغي شكال
ريتاج : وانتي شعليج
ليليان : احجي شكال
ريتاج : يكول خاف اخطبهه ومتقبل واني اريدهه تصير على ديني ومذهبي
ليليان : لا ماعوف ديني اني هواي خطبوني ورادوني اغيرة وماغيرتة
ريتاج : هياني كدامج مو غيرتة الحب يتطلب تضحيات
ليليان : اوكفي شجابج شوداج ع الحب اولا انتي اصلج مسلمة وابن عمج اخذج ثانيا انتي مااخذتي عن حب ولا ضحيتي ف انجبي
ريتاج : وماما مو ضحت بدينهه وبكلشي
ليليان : مادري ريتاج
ريتاج : حبابة خالة اقبلي عاد والله يحبج
ليليان : كافي ريتاج سدي هالموضوع جاي هوة علية
ريتاج : اي يجي بس شوية اتنازلي
ليليان : الرب يحلهه يصير خير
ريتاج : اهلهل يعني
ليليان : انطمي
ريتاج : وعريسنة جكليتة حامض حلو باكيتة
ليليان : يا كافي شبيج
ريتاج : اكول ليلو احسن خطوة يسويهه بحياتة مصطفى يتزوجج
ليليان : ليش
ريتاج : يحسن النسل شوية عوع
ليليان : انجبي وعيب تحجين علية هيج يخبل شبي طول وضخامة ولحية وكفشة شاريد بعد
ريتاج : ايبااخ ادورين حلوين انتي
ليليان : ولج عزة عزة بعينج ادور حلوين شنو هالكلام هاي بيوم وليلة حيدر خربج
ريتاج : لالا عيني اوكفي لتحجين على رجلي ماقبل
ليليان : اهووو بدت السوالف التعبانة رجلي ورجلي
ريتاج : ههههههههه وج خالة فد نعسانة البارحة منمت وقبلهه جنت منايمة بيوم الحنة
ليليان : اي عيب عالم جايين نزلي تغدي ونامي
ريتاج : اوك اوك
ليليان : اي رتوجة اخذي كتبج اقري لتظلين هيج والامتحانات الشهري ع الابواب لتضيعين السنة عليج
ريتاج : لا اقرة انشالله
بهالاثناء طب حيدر شاف ليليان كح وهية كبل كامت دنك راسة وسلم هية كالت رتوجة راح انزل جوة كتلهه اوك وسديت الباب
حيدر : ها شو هنا
ريتاج : اي هوسة وجهال راسي كام يأذيني
تمدد ع الجرباية بتعب
ريتاج : شنو راح تنام
حيدر : ايي بالله تعبان راح انام من يتغدون كعديني انزل
ريتاج : ادنة شوية اني هم تعبانة
ضحك وجرني على ايدة كبل غفيت جد تعبانة ماحسيت الة وهو يكعدني
حيدر : وج كومي
ريتاج : اممممم كافي نعسانة عوفني
حيدر : كومي اجوي دكو الباب
ريتاج : ماريد مجوعانة نعسانة
حيدر : اي كومي اكلي شوية وصعدي والله نامي شكد متردين بس عيب هيج كومي اشو
ريتاج : ما ما عوفني كافي
حيدر : خوش انتي البديتي
ريتاج : جنت نايمة مطيتة ضهري اجة وضل يعض بخدي وبشفتي وبركبتي واريد اوخر ماكو ضخم
ريتاج : كافي افتهمت والله ح اكوم كافي
حيدر : هههههههه صيري حبابة وسمعي الكلام ميفيد العناد وياية
ريتاج : اي فتهمت وخر كافي صدك جذب باع ركبتي هوة هيج
حيدر : انتي لابسة شال منو راح يشوفهه بعدين بكيفي مرتي وحلالي وشيعجبني اسوي
ريتاج : غسلت وجهي ولبست القراصة راح هوة للحمام خليت شوية باودر ومسكارة طلع كبل لزمت الشال ولفيتة
حيدر : يلا نازل اني
ريتاج : اي جاية
اخذت تلفوني نزل كدامي هوة وضخامتة يفدوة يجنن وكل الانظار علينة راح للاستقبال واني رحت يم البنات بهالول لكيت خالتي وبت عمو علي كلش حبابة خريجة هندسة ومتعينة بس ممتزوجة مواليدهه 1990 اسمهه صبا جانت تسولف وي خالتي اندارت علية
ليليان : ها ولج وين جنتي
ريتاج : جنت نايمة وكعدني بعز نومتي كال ننزل نتغدة
صبا : اي راح يصبون هسة
ريتاج : اوف نعسانة
ليليان : اكلج رتوجة اني اروح خالج خابرني
ريتاج : لا خالة شسالفة اتغدو وروحو
ليليان : لا كلبي والله ماكدر عدي شغل وهوة هم وبيبيتج وحدهه بالبيت طلعت وياهه وصبا هم باوعت صبا على خالي وكبل دنكت باوعت هوة صافن عليهه بغير عالم
ريتاج : اكول خالو شعدكم مبقيتو
محمد : اي والله والوالد مقبل منعتبرهه جية هاي
جرجيس : والله على غير مرة مو كدامكم خابروني انشالله تشرفونة بزيارتكم
محمد : الله كريم ان شاء الله
ريتاج : ودعتهم وراحو طبيت جوة بالمطبخ كامن يودن مواعين للهول اجتي نهى وكالت يلا كومي كعدو كمت حيدر باوعلي دفعتني كالت ولي كعدي يم رجلج ضحكت ورحت
حيدر : ول يابة اليوم اميرتي بصفي راح تفتحلي نفسي ع الاكل وتوكلني
ريتاج : اوكلك؟
حيدر : اي
ريتاج : ليش انتة متعرف تاكل
حيدر : ثول حتة ثول متعرفين تصيرين رومانسية شوية
ريتاج : مافتهمت يعني اجذب؟
حيدر : سكتي عمي ماريد اشاقة بس اكلي
ريتاج : ماشتهي والله
حيدر : دكلي حبيبي هالماعون اريدة يكمل اكلت شوية وكمت نفسي دتلعب كامن يلمن جان حوراء واكفة ع السنك دتغسل مواعين
حوراء : ندري عيني عروسة بس مابيهه شي اذا شلتي ماعونج
ريتاج : وشنو انتي شلتي الماعين وماعوني اثر عليج
حوراء : اكول اذا متشتغلين لظلين كاعدة وتشوفينة جمالج ياتمدين ايدج يا تولين منا مالنة خلكج لتتموعين وتظلين تلغين
ريتاج : والله كيفي اكعد وين ماريد بس ح اروح لعبت نفسي اوي
بالله شحجي وياهه عوع هاي شبيهه كاتلة ابوها طبيت للهول شوية وسمعت صوت حوراء عالي طلعت لكيتهه يم الحمام تبجي وحيدر يمهه
حوراء : والله خوية ماكتلها شي سئلتهه شلونج كامت ودكول اوي لعبت نفسي متخلفة انتي وحثالة
ريتاج : فكيت حلكي شافتني وكامت تبجي
ريتاج : حيدر والله مو هيج
حيدر : ريتاج صعدي فوك
ريتاج : والله ماكلت شي
حيدر : كتلج صعدي فوك
ريتاج : ماصعد دتجذب عليك
حيدر : بالله راح اطيح حظج واسحلج هنا اذا مصعدتي
ريتاج : صعدت فوك خوش الله كريم هيج يهيني كدامهه قفلت الباب بدلت وكعدت ابجي جوة الفراش شوية دك الباب سديت اذاني ماعرف شحجة ضليت سادة اذني ضلت تحز بنفسي
وللحكاية بقية
