للقدر رأيي اخر
بارت 19
حيدر : اي وتردين نجيب منهه ؟
ريتاج : اذا امكن يعني
حيدر : باجر نوصي بعد شنو
ريتاج : ماكو سلامتك
حيدر : باعي خالتج تجي وياج ؟
ريتاج : اي طبعا ليش
حيدر : اني اجي اخذج من المركز
ريتاج : عزة شتسوي بية
حيدر : اصخم وجهج غير
ريتاج : ليش
حيدر : نروح للمصور
ريتاج : ما
حيدر : هوة شنو الما
ريتاج : ما اخاف
حيدر : شكو راح اكتلج
ريتاج : خلي خالتي تجي وياية
حيدر : خل تجي مو تجيبين العشيرة ترة جلسة تصوير خارجية
ريتاج : ماشي
حيدر : يلا روحي نامي
ريتاج : كود نايت
حيدر : وانتي بالف خير
ريتاج : بيباي
حيدر : هلا
نمت وكعدت سبحت وبدلت نزلت البيت هوسة عمتي وخواتي وخالاتي والجهال سلمت وطلعت طبيت للديوان سلمت وابوية كال حيجيبون الذبايح كتلة اني عدي شغل هواي خابرت ريتاج يدك متجاوب رجعت خابرت كبل جاوبت
حيدر : الو
ريتاج : همم
حيدر : شنو بعدج نايمة
ريتاج : اممم
حيدر : مو دالغي وياج احجي عدل
ريتاج : اي نايمة شكو انكلبت الدنيا
حيدر : لسانج واحجي عدل
ريتاج : صباح الخير عيني استاذ شلونك
حيدر : صباح النور الحمدلله
ريتاج : شنو ليش مخابرني ومكعدني من الصبح
حيدر : الساعة 10 ماكافي نوم البارحة من المغرب نايمة متشبعين انتي
ريتاج : شتريد مني كم يوم والمدرسة جاية خل اشبع نوم
حيدر : باعي عدي شغلة منا لل1 اني مكملهه اجي عليج ونروح خوش؟
ريتاج : شنو هاي الشغلة
حيدر : معليج
ريتاج : نننننننن
حيدر : افتهمتي مو اجي والكاج ممتحضرة ترى عدي كومة شغل
ريتاج : اي افتهمت
حيدر : محتاجة شي
ريتاج : سويتلي البرامج
حيدر : شوفي حملي الواتساب وادزلج الحسابات عليهن متضيفين اي احد الة تكليلي افتهمتي
ريتاج : اوك
حيدر : يلا راح اروح
ريتاج : الله وياك
حيدر : في امان الله
سديتة منهه صعدت فوك لغرفتي خابرت صديقي كال صديقي راح يوصلة الك انطاني رقمة خابرتة كال باليل اجي لبغداد ب8 هيج شي نتواعد كتلة خوش دزيتلهه الحسابات وخابرتهه
ريتاج : الو
حيدر : ريتاج كومي بدلي نروح هسة عدي شغل باليل
ريتاج : بس حارة هسة جسمي يطكع من الشمس
حيدر : البسي تيشيرت ردان مو ضروري تطلعين ايدج وركبتج
ريتاج : مو كتلي ب2
حيدر : وداكلج هسة شعدج
ريتاج : تمام بس خلي اكوم اكعد خالتي واسبح
حيدر : يمعودة من ترجعين سبحي لتتعطلين ابدل واجيج
ريتاج : ماشي باي
حيدر : هلا
سديتة بدلت اخذت ساعتي ومحفظتي وسلاحي وطلعت خليت السلاح بالسيارة وسقت وصلت دكيت عليهه متجاوب نزلت فتحت الباب وسلمت نزلت خالتهه سلمت كالت محتارة شلون تلف الشال😂
مصطفى : هاي شنو تلبس شال من شوكت
حيدر : نزلت جانت لابسة فستان اسود جوة الركبة وسترة كصيرة كابوي ورافعة شعرهه كعكة ولا شال ولا شي
ريتاج : مصصطفى لك هلاو
مصطفى : هههههه هلا عيني بالعروسة شلونج
ريتاج : حبيبي والله اشتاقيتلك
حيدر : ليكول سنة مشايفتة كتضتهه محاضن وبوس وتكلة حبيبي ولا عبالك اني موجود سلمت علية مرديت السلام
ليليان : ولج مو ع اساس تلفين شال
ريتاج : محلو طلع ماعرف الفة
ليليان : ههههه
ريتاج : نزلت لكيت مصطفى ممصدكة مشتاقتلة مكانة فارغ سلمت علية بس حيدر كالب وجهه يمكن لان كتلة البس شال وملبست بس اختنكت منة هوة اخر يوم سلمت مارد السلام يا هذا شبي
حيدر : يلا ريتاج لنتأخر
ريتاج : ماشي يلا خالة
لبست حذاء ابو الاصبع والحجل وطلعنة وهوة كالب خلقتة شبي مادري صعدت خالتي ليورة واني ليكدام يمة يسوق وعبالك شرايين راح تطك خفت حيل يالله تمشي بخير وسلام
حيدر : ننزل هنا؟
ريتاج : بكيفك
حيدر : يلا
نزلنة وطبينة هواي محلات ذوقهه صعب حيل متقتنع بالشي بسرعة وتريد شي مختلف ومحد لابسة طبينة لمحل فساتين مناسبات كلة ضلت تكلب
ريتاج : شفت فستان ماروني من ورة طويل ومن كدام كصير حيل وصلوخ من جهه وحدة بس
حيدر حلو هذا ؟
حيدر : بربج تلبسين هذا
ريتاج : شبي
حيدر : المن لابستة
ريتاج : شبي يعني محلو؟
حيدر : مو شي مو مال خطوبة اذا عجبج اخذي بس متلبسي بالنيشان
ريتاج : لا ماريدة
رجعت شفت فستان ليموني لونة اخذت الماروني مالتة قصير فوك الركبة صلوخ وبي دلعة جبيرة مثلثة من الصدر ومغطاية بكيبور شوية والباقي مفتوح ومن ورة سبعة جبيرة لنهاية الضهر شوفتهياة ظل صافن
حيدر : يولي سيت مال نوم هذا
ريتاج : شنو محلو
ليليان : لا كلش حلو شبي ليش؟
حيدر : حلو بس مو مال تلبسة عالم هواي وجهال
ليليان : واذا هوة بس بنات
حيدر : ماعرف والله مراهمه
ليليان : زين خلي تلبسة
حيدر : اي لبسي بلة شوفي عليج
طبت تبدل وخالتهه وكفت يم الباب مدت راسهه
ليليان : ها كملتي
ريتاج : اي تعاي شوفي
ليليان : الله ريتاج يجنن عليج شو انداري لج يخبل
ريتاج : اني هم عجبني
عبالي يجي يشوفة بس ظل داير وجهه مدري ليش بدلت وطلعت
حيدر : ها
ليليان : يخبل عليهه كلش حلو كاعد ع جسمهه لايكلهه
حيدر : ناخذة يعني ؟
ريتاج : مادري بكيفك البسة عادي؟
حيدر : انتي مقتنعة بي ؟
ريتاج : ايي
حيدر : يلا تعاي
حاسبت الكاشير وطلعنة حيدر : بعد شنو البدلة مو؟
ريتاج : الكعب
حيدر : ها يلا اوك
مشينة طبينة لمحل طلعولهه هواي موديلات يلا اقتنعت بواحد واخيرا شلعت كلبي ساعة يلا تختار
حيدر : ها هسة هذا تمام
ريتاج : لا جبير علية بس خلي تجيبلي قياسي
: عيني هذا ال ٣٧
ريتاج : لبستة هم جبير
حيدر : ها شبي
ريتاج : جبير
ضحك وكال
حيدر : ول يابة رجل ساندريلا وهيج ناعمة وزغيرة
ريتاج : انداريت ع البنية كتلهه بدون زحمة ال٣٦
راحت جابتة واجتي اي هذا تمام اخذناة وطلعنة بعد البدلة
حيدر : ريتاج خلي نتغدة
ليليان : ياجماعة اني مااكدر اكمل عندي شغل لازم اروح
ريتاج : ها خالة وين
ليليان : حبيبتي عذريني بس والله المديرة خابرتني لازم اروح
ريتاج : لا خالة حبابة
ليليان : عيوني والله ماكدر
حيدر : يلا نوصلج ونكمل
ليليان : لا خابرت ع تكسي راح تجي واعذروني بس والله المديرة
حيدر : لا يابة هاهية ممنون منج ماقصرتي تعبناج
ريتاج : خالة تجين باجر مو؟
ليليان : حبيبتي اجيج للمركز حتة اجي بسيارتي يلا باي كلبي بوسات
ريتاج : بيباي
حيدر : اخذتهه ورحنة للسيارة ذبينة الغراض
ريتاج : اوووف تعبت
حيدر : تريدين مي
ريتاج : اي اكو
حيدر : افتحي هاي اليمج
ريتاج : فتحتهه ولكيت سلاح اوي يمة عدي فوبيا منة هوة ديسوق ريتاج : حيدر
حيدر : ها
ريتاج : ليش جايب سلاح
حيدر : شعليج بي اخذي المي وسدي
ريتاج : عود ليش تشيل سلاح
حيدر : متعود علية
ريتاج : تكتل الناس بي مو😑
حيدر : هههههه اي الميعجبني واليعاندني اكتلة
ريتاج : زين ميحاسبوك علية
حيدر : يولي غير ضابط وقبل لا اتعين جنت اشيلة مرخص
ريتاج : هسة وين ح نروح
حيدر : نتغدة ونشوف البدلات ونرجع
ريتاج : وانتة
حيدر : اني شبية
ريتاج : متشتري الك قاط
حيدر : لا اشتري بس غير اذبج
ريتاج : لا ليش مو اجيت وياية اريد هم اجي وياك
حيدر : هوة محل رجالي شعدج طابة
ريتاج : نشتري قاط
حيدر : دكعدي وسكتي اذبج وعدي اشغال
ريتاج : حجزت ع الكيكة
حيدر : اي حجزت يلا نزلي
ريتاج : اي
نزلنة مطعم تغدينة ورحت للحمامات غسلت وعدلت مكياجي من طلعت جان رجال ديمشي هيج عمرة ب٣٠ شافني ردت امشي اعترض طريقي مشيت من الجهه الثانية صار كبالي كال
: صدقة لالله ادري نازلة من الجنة
ريتاج : بدون زحمة وخر
: احد يشوف هيج جمال ويوخر
ريتاج : خفت منة حيل ودموعي نزلن وهوة يتقرب علية واني ارجع شكلة يخوف حيل وجان اشوف حيدر وراة وسحلة من ياختة ونزلة بوكسيات و كتل كوة جرو منة منظر جان يخوف ضليت متجمدة بمكاني اجة جرني حاسب وطلع
حيدر : طلبت اكل اكلت وهية فاهية ساعة بلكمة كملت وكالت اروح اغسل واجي تأخرت رحت داشوفهه ولكيت ولد واكف كبالهه وهية تبجي جريتة سحلتة سويت وجهه خريطة اجوي الامن كتلهم اني ضابط طردو واعتذرو مني اخذتهه ورحت للسيارة صعدنة
ريتاج : ساق بهدوء ولا عبالك جان يتعارك
حيدر
حيدر : ها
ريتاج : اسفة
حيدر : على شنو
ريتاج : على الي صار
حيدر : شعليج انتي هوة عار
ريتاج : ضليت ساكتة استغربت من ردة فعلة عبالي يتعارك وياية بس مكال شي نزلنة يم محل جبير مال بدلات شوفني هواي موديلات اخر شي طلع بدلة كال هاي ليوم وصلت مملبوسة لونهه فضي صلوخ ونازلات ع الزند حيل حلوة حيدر همسلي
حيدر : اكلج هاي وين تخليهه تضيعين بيهه
ريتاج : اكدرهه ؟
حيدر : عليمن هالدوخة مبينة جبيرة والله الفستان الي اخذتي حلو مو شرط تلبسين ويا بدلة
ريتاج : هااا
حيدر : اي والله بس اذا تردين تاخذيهه بكيفج
ريتاج : لا هاهية طلعنة وصلني للبيت شوفتهن لايناس كالت يخبلن خليتهن بالكنتور كومتني كالت يلا
ريتاج : اريد انام
ايناس : كومي خل اسويلج جسمج واسبحج يلا
ريتاج : ما
ايناس : ولج باجر خطوبتج كومي يا
ريتاج : ماريد
ايناس : دكومي عيني كومي
كومتني جرتني احس جسمي تشلع تشلع رحت دااسبح عزة صاير ازرك ديلا بلة سبحت ولبست دشداشة قصيرة توني طلعت وجان اشوف حيدر كبالي باوعلي من فوك ليجوة
حيدر : ولج هاي شبي جسمج
ريتاج : شبي
حيدر : شنو هاي الزراك
ريتاج : استحيت اكلة ضليت ساكتة
حيدر : شبيج ريتاج شنو هاي جسمج
ريتاج : سويت شيرة شبيك ضل يضحك قوي خرب والله ردت ابجي شكد عيب احس عيونة دمعو من الضحك ولازم بطنة
ريتاج : اهو كافي عاد
حيدر : اخ خرب يومج زين ركبتج وصدرج شنو
ريتاج : حساسية هاي من اسبح هسة شوية ويروحن
حيدر : حساسية ؟
ريتاج : اي كل مااسبح هيج يطكع
حيدر : ورحتي لدكتور؟
ريتاج : اي كال عادي لان جسمج حساس
انتة شتسوي هنا
حيدر : اجيت دااخذ مصطفى
ريتاج : اشتريت قاط؟
حيدر : اي
ريتاج : شوفنيا شو
حيدر : ماطكيت بي صور باعي باجر تروحين بجبة وترجعين بجبة اجي عليج ب9 كاتبين الموعد مو تبدلين
ريتاج : شنو اروح بجبة لا حيدر
حيدر : ريتتتتتتتاااااج كلت بجبة وشال لتعاندين ترة مالي خلك
وللحكاية بقية ..
