بارت 28
#للقدر_رائي_اخر
ريتاج : صعدت فوك خوش الله كريم هيج يهيني كدامهه قفلت الباب بدلت وكعدت ابجي جوة الفراش شوية دك الباب سديت اذاني ماعرف شحجة ضليت سادة اذني ضلت تحز بنفسي ميصير لازم يسمعني حتلو اني غالطة مو هيج بصباحية عرسي اووووف هوة حظي ويامن كاعد حتة يكعد ويا ضليت ابجي لحد مانمت ماحسيت الا على الباب تندك الساعة ب8 كمت فتحتهه نهى
نهى : يا ولج هاي شبيج
ريتاج : شكو شبية
نهى : شنو باجية
ريتاج : اي
نهى : دتعاي نزلي اتعشي يلا
ريتاج : ماريد ماشتهي
نهى : هوة انتي شماكلة اشو بالغدة شوية و كمتي عفية معدة متجوع
ريتاج : نهى والله ماريد اني من اجوع انزل اكل
نهى : ماشي حبي براحتج بس تعاي نزلي ليش هنا قافلة على نفسج الباب تعاي نزلي
ريتاج : لا ماريد تعبانة حيل وبطني دتأذيني
نهى : اوك بكيفج اذا احاجيتي شي خابريني اجيج
ريتاج : تسمين شكرا
نهى : ادللي
ريتاج : سديت الباب ورحت فتحت التلفزيون اباوع ماكو شي شوية وانفتحت الباب حيدر درت وجهي ونمت اجة لزك بضهري ونزل راسة علية
حيدر : حبيبي
حيدر : اميرتي مو احجي وياج
حيدر : كافي والتالي
ريتاج : حيدر عوفني شتريد مني
حيدر : كومي داحجي وياج
ريتاج : لتحجي وياية ماريد احجي
حيدر : اني اريد احاجيج
ريتاج : احجي
حيدر : كومي اكعدي
ريتاج : كمت عدلت كعدتي وضليت ساكتة
حيدر : ليش قافلة الباب وادك متفتحيهه حلوة بحقج
ريتاج : ولا حلوة بحقك تمشي بكلام اختك وتصدكهه
بعدني ممكملة وراشدي طير وجهي اخذت الشال وضل يصيح تعاي نزلت جوة لكيت البنات بالغرفة وهاي البومة حوراء ماكو شوية ونزل عصبي شافني وراح يطبك مرض مو صوجك صوجي اني ضلن البنات كاعدات وشوية واجة رجل حوراء اخذهه ومهى راحت وياهه لان بيت وحدهه وعلى اساس كم يوم وتجي وهيام هم راحت ضليت كاعدة يم نهى تقرة امتحان وكعدت اقرة وياهه
نهى : اكول شنو متعاركين
ريتاج : اي
نهى : ههههههه حتباتين يمي
ريتاج : اي ماريد اصعد
نهى : اوك هههه
ريتاج : خاف تشوفني امج
نهى : ذولة كلهم بجهه وحيدر بجهه
ريتاج : حبابة كومي قفلي الباب
نهى : هههه وك
ريتاج : ضلينة كاعدين نقرة وساعة نحشش على بنات خالتهه شلابسات بالعرس وسوالف
نهى : اكول انتي ماتعشيتي ع اقل خلي ناكل حلويات
ريتاج : صدك طلعت جباسة ونساتل وبسكت ونوتيلا وكعدنة ناكل ب11 اندكت الباب كبل طفرت ع الجرباية وسويت نفسي نايمة
حيدر : نهى كوليلهه خل تطلع
نهى : حيدر نامت
حيدر : بالنبي اكسر الباب واكسر راسج وياهه اذا متفتحيهه
ريتاج : فتحتهه وكال صعدي فوك يلا كمت وكال لبسي الشال خليته على راسي وصعدت يالله متاخذني وتخلصني منهم صعدت كعدت ع التخم الي بالصالة قبل غرفتي مثل السويت كعدت وهو قفل الباب
حيدر : شنو هاي التصرفات مال زعاطيط
ريتاج : ....
حيدر : مو احجي وياج ليش ساكتة تدرين بنفسج غلطانة
ريتاج : اي اني غلطانة هاهية
حيدر : ها وبشنو غلطانة
ريتاج : ماموتت نفسي من البداية وخلصت
حيدر : هاا
ريتاج : اي
حيدر : شتريدين فهميني
ريتاج : اريد حياتي السابقة وبسس
حيدر : عاجبج جان وضعج بالنص ردان وشعرج مفتوح
ريتاج : ظليت ساكتة شحاجي هذا ياربي
حيدر : اكو وحدة تكول لرجلهه تمشي بحجي النسوان
ريتاج : انتة المفروض تسمع مني مو بس منهه
حيدر : اجيتي وحجيتيلي؟
ريتاج : يعني تضربني وتريد احجيلك
حيدر : تأديب علمود بعد متعيديهه
ريتاج : مو حيوانة هنا اني عدك شوكت ميعجبك تضربني كل حياتي محد ضاربني ومماد ايدة علية واحسن تربية متربية
اجة تقرب مني وكمبص كبالي
حيدر : وشتريدين هسة كولي
ريتاج : ماريد بس عوفني بحالي
كام وجرني وحضني
حيدر : اششششش هاي الكلمة مال عوفني لتعيديهه انتي مالتي وحدي اني وبس وماعوفج افتهمتي
حيدر : احجي وياج افتهمتي
ريتاج : فتهمت
تقرب باسني من ركبتي بس احس نفسي لعبانة منة ماعرف ليش
ريتاج : حيدر شوية
حيدر : شبيج
ريتاج : اختنكت شوية بعدين نسيت كلام الدكتورة
اخذ نفس وكال
حيدر : هسة شمسويلج اني
ريتاج : اريد انام مو باجر طيارتنة ب8
حيدر : ول ابوية النهار كلة نايمة مشبعتي نوم
ريتاج : نمت ب6
حيدر : يعني من جنت ادك الباب انتي كاعدة
ريتاج : اي
حيدر : ومافتحتيهه
ريتاج : اي
حيدر : وجنتي تبجين
ريتاج : اي
حيدر : هالعيون الحلوات ماريد تنزل دمعة منهن مخلوقات حتة اشوفهن مو حتة يبجن
ريتاج : يعني تهيني كدام اختك لو تضربني تريدني اسكت؟
حيدر : اششششششش كافي اسف حبيبي
ريتاج : شوية خلي ابدل
حيدر : اوك
ريتاج : طلعت دشداشة نيلية قصيرة فوك الركبة وبيهه نقط ابيض ناعم انداريت لكيتة نازع والهدوم بالكاع اخذت الدشداشة خليتهه بالسلة الي بالحمام والفانيلة وبدلت وطلعت متمدد يكلب بالتلفون شافني ذبة وضحك
حيدر : ولج شنو هاي ناوية تشعليني
ريتاج : شنو
حيدر : هاي الدشداشة والشعر وترديني ماتقربلج
ريتاج : لا عفية بالله بطني توجعني
حيدر : دتعاي معليج بهاي الدكتورة متفتهم
ريتاج : حيد
بعدني ممكملة وتقرب باس ووووو
كام باس راسي واني احس بطني تشككت كد الالم حضني وكال شبيج
ريتاج : كافي خل اكوم وخر
حيدر : شبيج؟
ريتاج : كلشي مابية وخر اريد اشرب الدوة
حيدر : اسف اذيتج؟
ريتاج : يعنيييي ميصير ميصير ميصير دكتورة شنو بكيفهه تحجي حرام والله
حيدر : اسف حبيبي تعاي
ريتاج : عوفني الخاطر الله كافي
حيدر : اوك براحتج طلعيلي هدوم
ريتاج : راح للحمام بالله اني بية حيل اكوم فتحت المجر البصف الجرباية جريت الشريط واخذت حباية بس ماكو صاح علية من الحمام
حيدر : ريتااج طلعتي ملابس
ريتاج : كاعد يصيح هوة اني لو بية حيل جان كمت طلعتلك ورة شوية طلع ولاف المنشفة
حيدر : مو احجي وياج
ريتاج : يعني مدتشوفني كاعدة وين بية حيل اكوم هوة شورت وطلعة خبصتني هدوم
حيدر : كافي كافي اعوذ بالله شنو هاللسان
ريتاج : انداريت ونمت شوية خف الالم اجة هوة وحضني
ريتاج : عززززة حيدر جسمك بارد
حيدر : ههههههه ولج غير توني سبحت
ريتاج : شوية خلي اكوم اسبح
حيدر : ائجليهه على باجر
ريتاج : لا الجو بارد اتمرض ماعدي شي هسة
حيدر : اجي وياج؟
ريتاج : شتسوي
حيدر : خاف مابيج حيل اجي اسبحج
ريتاج : لا شكرا متقصر
حيدر : بكيفج انتي الخسرانة
ريتاج : اوك
اخذت تراكسود برمودة وتيشيرت ربع ردان وردي ورصاصي سبحت وبدلت وطلعت ديكلب بتلفونة باوع علية ابتسم ورجع يكلب مشطت واجة
حيدر : اني اضفرة الج
ريتاج : اوك
ضفرة ورحت تمددت اجة ونومني على ايدة وحضني ونام واني هم غفيت حسيت علية ديكوم
حيدر : ششش رجعي نامي داصلي الصبح
ريتاج : اوك
ردت انام مكدرت ضليت اباوع علية كمل صلاة وبدة يقرة قرآن ويرتل ويجر بالكلمة فعلا واحد يرتاح من يسمع القرآن وكلام رب العالمين صدق وسدة ونزع هدومة بقة بالشورت اجة جرني ونام شوية وغفيت كعدت على صوتة
حيدر : ريتااج يلا كومي
ريتاج : ماريد نعسانة
حيدر : كومي هم يا الله نبدل ونروح ازدحامات هسة لان دوام رسمي كومي بلة شلعان كلب
ريتاج : ماريد اروح نعسانة
حيدر : كومي بالطيارة نامي
ريتاج : افففففف يعني مانام مارتاح
حيدر : ههههههه كومي يلة
ريتاج : وخر الغطة واجة يدغدغ بية كمت غسلت وجهي فتحت شعري بي رطوبة طب هوة للحمام طلعت نشفتة كملت طلعت ملابس الية باردة حيل بنطرون كابوي وتيشيرت اسود وسترة سودة طلع باوع عليهن
حيدر : شنو تطلعين بذني
ريتاج : شبيهن
حيدر : مابية اتعارك من الصبح بدليهن ولبسي شي طويل
ريتاج : اوك
طلعت تيشيرت ردان وطويل ماروني وبنطرون وياة اسود وشال اسود حيل حلوات
ريتاج : حيدر تتريك اسويلك شي
حيدر : لا انتي وين نايمة تريكت
ريتاج : منو سوالك
حيدر : غير عدهم دوام وامي يومية تكعد ب7 تسوي ريوك قابل مثل ذولاك الناس بس انتي تريكي
ريتاج : لا ماريد اكل بونتي وعصير
حيدر : بونتي شنو
ريتاج : نستلة
بدل هوة لبس بنطرون كابوي وقميص اسود واني رحت للحمام بدلت واجيت لكيتة دياخذ الجنط كال راح انزلهن اخذهن وكعدت حطيت مكياج ع السريع حلو مرتب مو طوخ لفيت الشال اجة باوع علية
حيدر : يعني كم مرة اكلج لتحطين مكياج
ريتاج : هسة شحاطة اني هاي البنات يلبخن لبخ محد يحجي وياهن بس اني حارمني من كلشي هسة لوما رايحين لتركيا كافي
حيدر : وجع لهاللسان اطول مني
ريتاج : اي
حيدر : امشي فضيني
ريتاج : اوكف اخذ الجنطة والتلفون
اخذتهن ونزلنزة ودعونة واخو سجاد وصلنة وامة رشت ورانة مي خابرتني خالتي كالت بلكي الحك اجي للمطار وصلنة بالكوة من ورة الازدحامات وودع اخو وطبينة رحنة كملنة وكعدنة بصالة الانتظار بعد للطيارة نص ساعة خابرتني خالتي كالت اجيت طبت ودعتهه وبوستني وصتني وراحت صاحو بالسماعات صعدنة بالطيارة خفت حيدر حضني وضل لازم ايدي من قلعت لحد ما هبطت نزلنة واني نفسي لعبانة اخذنة تكسي للفندق هوة صلة واني بدلت لبست دشداشة قصيرة وخفيفة وكبل نمت وهوة هم نزع ونام كعدنة المغرب خابر اهله طمنهم وخابرت خالتي وكال يلا نبدل نروح نتعشى بدلت وهم الة طويل وماكو مكياج طلعنة مطعم يجنن ع البحر هوة اشترة خط وفعل نت ع الرصيد خابر اهلة وفتح وياهم كام واني كاعدة بصفة وراسي على جتفة شوية وسدة طكينة صور وجابو الاكل اكلنة وضلينة نفتر رجعنة ب12 بليل نمنة وهم ضلينة يومية نطلع يامول يامطعم يامكان سياحي ورحنة لمالطا يومين ورجعنة واشترينة كومة شغلات وهدوم لان الجو بارد واشتريت لخالتي ونهى كم شغلة ولخالو ولمصطفى ولمحمد تيشيرتات ولهيام اخذتلهه وهوة اخذ لاهلة هواي صارت جنطتين بس هدايا واخر يوم سينما وللبحر وتمشينة الاجواء حيل حلوة رجعنه ونمنة ب5 الصبح طيارتنة ومن ارجع عمتي كالت نسوي السبعة 😁 كعدني صلة الصبح وبدلنة واخذنة الغراض ورحنة للمطار ما أخرونة كملنة وصعدنة بالطيارة نمت وكعدني من هبطت نزلنة ولكينة اخو ومصطفى وامة وخالتي سلمنة وصعدنة وصلنة هم مسوين غدة رجعت مطفية كبل بدلت وهوة صعد الغراض وقفل الباب كال ماريد ازعاج نعسان ونزع وتمدد اجيت باسني من خدي ونزل على ركبتي
ريتاج : حيدر والله تعبانة اريد انام شوية
حيدر : شششششش
ريتاج : كمل وجرني على ايدة وكال لتكومين نام واني هم نمت كعدت على صوت الباب وهوة هم فز
حيدر : منووووو
حوراء : اني خوية
حيدر : كومي شوفيهه شتريد
ريتاج : فتحت الباب كتلهه ها عيني
حوراء : عروسة ماكافي نوم انزلي العالم جوة
ريتاج : والله حبيبتي جاين من السفر تعبانين هيانة اخوج نايم ميقبل ينزل
حوراء : وانتي شبيج ايدج محناية اشو السبعة وخلصت شعدج بعد متنزلين
ريتاج : اكول معاجبج تشتغلين لتشتغلين اكو بنات ويشتغلون كافي اووووي وسديت الباب رحت نمت
حيدر : شكو شتريد
ريتاج : تكول نزلي اشتغلي يعني جايبني خدامة اني انتة كتلي اتفقت وي امي لتشتغلين ومعليج بشغل البيت بعد شنو كل ماتشوفني ترا مو حالة هاي
حيدر : كافي كافي ولج اكلتيني وشربتيني تحجي عوفيهه لتجاوبيهه وتعاي كليلي اني احجي بعدين هية خطار اتحمليهه اذا احد هنا حجة وياج كليلي بس لسانج ضمي
ريتاج : ننننننننن
حيدر : خبلة هاي علية بيش الساعة
ريتاج : ب8
حيدر : اووووف فاتتني الصلاة نعلعلا
ريتاج : اني شعلية
راح سبح عدلت الجرباية ورتبت الغرفة فتحت هذا المعطر مال جو والبنكة والشبابيك شوية تتهوة طلع وكام يكفر وراح سد الشبابيك
حيدر : لج انتي ليش تطلعيني من طوري شكو فاتحة الشبابيك
ريتاج : غير تتهوة الغرفة شوية
حيدر : لتخليني اكفر بالغرفة الشبابيك مينفتحن
ريتاج : اي هاهية اوك مينفتحن
حيدر : استغفر الله ياربي
ريتاج : خبال حتة خبال بلة شبي هذا الحمدلله والشكر طبيت سبحت ولبست تراكسود بجامة وطويل وردان مشطت شعري وضربتة شسوار هوة كمل وطلع هدوم لفيت شعري
ريتاج : اوكف بس البس شال ننزل سوة
حيدر : يلا حبي
ريتاج : سويت الشال وطلع سديت الباب نزلنة وجانو محمد وايناس ومصطفى وحوراء وهيام وسوالف وعمتي كالت باجر نسوي السبعة تعشينة واخذت نهى نزلنة الغراض انطيتهميا فرحو واتشكرو مني وراهه رحت وي نهى كومة واجبات فايتتني وبادية الامتحانات الشهرية افف عكب باجر لازم اداوم خابرني حيدر رفضت وصعدت فوك لكيتة فاتح ال لابتوب وديشتغل انتبهه علية ورجع دار وجهه وكال
حيدر : يعني لو اخابرج لو تظلين جوة شكو اريد افتهم
ريتاج : هيج سوالف مادري بالوقت
حيدر : بس من يمي تدرين بالوقت وتحسبين ثانية ثانية
ريتاج : مجاوبتة اخذت دشداشة فانيلة ربع ردان ماروني رحت بدلت بالحمام واجيت تمددت جان حاط ببسي ديشرب رحت اخذتهه ضحك ورجع يشتغل بس شربت شوية لعبت نفسي وكبل طفرت للحمام ضليت اذب من راسي معدتي فرغت شأكلت اليوم ذبيتة احس روحي طلعت فتحت المي لكيتة وراية عاقج حاجبة
حيدر : شبيج بابا ليش ذبيتي من راسج
ريتاج : مادري يمكن اخذت برد شوية
حيدر : تردين شي اسويلج شي
ريتاج : لا نفسي دتلعب احجي وياة ونفسي بعدهه تلعب ودايخة
وللحكاية بقية
