بارت 17
طلعت من المستشفى ومقبلت اكل اجة عمو حسين حجة وياية وهم نفس الكلام ليكول نبي متقدملي وكال لمحمد انو نيشان الاسبوع الجاي يعني سواهه صدك وعبالة يكسر خشمي محمد كلة ان شاء الله وبيهه الخير مسويت شي صعدت الغرفتي وضليت كاعدة فون ماعدي حتة مبجيت تعبت من البجي مافادني بشي مر اسبوع علية مثل للسم مقبلت اكل شي نهائي لحد مافقد الكة نفسي بالمستشفى ومغذي حاطيلي وكل ماتخربط نفس الشي مدااموت ولا راضين يرحموني كرهت حياتي ونفسي من وراهم اجتي امة حاجتني وايناس واختة هيام وحتة محمد بس مصطفى الوحيد الي ماحجة بهالسالفة جان يطب يطمن علية ويشاقيني ويسولف وحدة اني اي كلمة متطلع مني جان يوم ثلاثاء يعني بعد يومين ع خطوبتي هه العالم كلهه تحضر واني منعزلة عايشة ع المغذيات جنت متمددة ع جربايتي وراسي فوك اباوع ع السكف جان تنفتح الباب هم اجوي يحجون والله مالي خلك مدرت وجهي
ليليان : حيوانة كومي سلمي على خالتج
ريتاج : عزة خالة فدوة ممصدكة انتي هنا مشتاقتلج ليش متسئلون علية
ليليان : حبيبتي هاي شنو شو اشوف ليش هيج ذبلانة
ريتاج : اوووف تعبت خالة خل اروح وياج
ليليان : ياخالة علوا لو تجين يمي ماكيف اني بس شبيدي عليج تعاي سولفيلي ليش هيج مسوية بنفسج
ريتاج : اريد اموت
ليليان : مراح تموتين هيج مجرد دتعذبين نفسج وكلمن عايش حياتة محد راح يموت وراج وين ريتاج الي عيونهه يلمعن والضحكة متفارك وجهه يعني واذا راح تنخطبين هاهية النهاية ؟ شنو نسيتي انو لكل نهاية بداية جديدة جربي تعيشين ويا واذا متحملتي اني بنفسي اكلج افصخي وحتة عمامج يوكفون وياج بس رفضج واصرارج بهاي الطريقة كلش غلط
ريتاج : خالة يعني انتي وياهم
ليليان : ماماتي اني مو وي احد افهمي كلامي حبيبتي الي كاتبة الرب يصير لو شتسوين بنفسج اذا الرب كاتبج من نصيبة لو شماتسوين بنفسج تزوجون واذا مكاتبج الة لو بيوم العرس ويصير شي المهم متصيرين الة يعني متاكلين تعارضين ارادة الرب انتي ؟
ريتاج : مو هيج
ليليان : لا هيج الي كاتبة الرب الج دائما لمصلحتج اني وبكبري ممكن اكون غلط مو انتي جاية دتسوين هيج عبالج تموتين نفسج هاي الروح الي ربج سلمهه الج بكيفج تصرفين بيهه وتعذبيهه؟
ريتاج : خالة اني ماريدة
ليليان : شبي ومتردي فهميني
ريتاج : اريد ادرس
ليليان : وهوة كال راح ابطلج؟
ريتاج : معقدين حيل
ليليان : لانو متعرفي تسوين هيج
ريتاج : يعني واذا اعرفة مراح اسوي هيج مثلا ؟
ليليان : اي مراح تسوين بعدين ليش معقد ؟
ريتاج : حجاب ولبس طويل وعصبي ماتحمل اني هيج
ليليان : تتحملين وراح تكومين تحبين هذا تعقيدة
ريتاج : شمدريج خالة بعدين شحب
ليليان : لان امج كالت هذا الكلام نفسة قبل 16 سنة وراحت وعاشت بنصهم واجتي يمنة وامي كالتلهه منو الكالت ماتحمل اعيش وياهم اشوفج صرتي مثلهم
ريتاج : ماما؟
ليليان : اي امج
ريتاج : بس ماما على حب !
ليليان : وبيوم من الايام ابوج كلهه تستسلمين وتلبسين شال وبدون متفكر وافقت ليش لان تحبة
ريتاج : انتي كلتيهه تحبة اني اكرهه
ليليان : انتي متكرهي مجرد تحدي بينج وبين نفسج انتي اصلا متعرفي حتى تكرهي
ريتاج : خالة والله دوختيني
ليليان : اقبلي بالي الله كاتبة الج ولتعاندين
ريتاج : ماريد اتندم
ليليان : مراح تتندمين واذكرج يجي يوم ونفس كلام امج ينعاد
ريتاج : كافي خالة ماما وبابا حبو يلا تزوجو
ليليان : اكول انتي شايفتة حاجية ويا
ريتاج : اي طبعا هم عوزهم يزوجوني واحد مشايفتة
ليليان : حيوانة الجمال والهيبة شنو البي مينحب فهميني
ريتاج : هههههههه
ليليان : لا هم عوزج متقبلين مو صوجج صوجة هوة ماعرف يختار
ريتاج : ههههههه كل هذا جمالي ومعرف يختار
ليليان : اي صح انتي حلوة بس انتي مو مال رجال ياخذج تردين ذوولة المايعين البناطيرهم نازلة لج هذا رجل احبي ترا الرجال قليلو
ريتاج : هههههه
ليليان : اي دضحكي يمعودة شخسرانة يلا كومي وياية
ريتاج : وين
ليليان : اول شي نروح ناكل شي وراهه ديجي الولد نشتري ذهب ونروح نحجز ع مركز تجميل للنيشان وباجر نشتري فستان والوازم ورانة كومة شغل كومي اوي شلون راح يباوع بوجهج هيج
ريتاج : تباتين يمي ؟
ليليان : من رخصتج يعني
ريتاج : وخالو خطية
ليليان : شبي
ريتاج : متعارك وياهم
ليليان : لا تصالحو
ريتاج : شوكت هاي
ريتاج : اذا انتي نايمة ومتدرين بشي فضيني
نزلت جوة بس ايناس فرحت حيل محمد بالدوام ومصطفى طالع عندة واجب باجر يجي ايناس خابرت محمد وكالتلة راح يجي حيدر وامة نشتري ذهب من الكاضم كلهه روحو اكلت خالتي تجيب وتوكل نفختني نفخ دكول عوضي صار هواي مماكلة ميصير صعدت دابدل وخالتي يمي سمعت صوتة من سلم على ايناس اكدر اميز صوتة من بين اصوات العالم كلهم بي بحة خفيفة وعالي بس من يحجي بهمس يصير غير انسان لبست بنطرون نيلي قماش وتيشيرت بصلي ردان بس كصير للكمر عفت شعري مفتوح كعدت ع ميز او صار شكد ممباوعة بالمراية ضعفانة وعيوني ذبلانات صدك حطيت شوية باودر ومسكارة عدلت حواجبي بالقلم وبلاشر شوية وحمر بصلي اخذت جنطة نيلي اي هسة تمام حلوة هههه نزلت جوة سلمت على امة وسلمت علية بس سلام مخنزر شوكت يضحك والله مادري امة كالت يلا نروح
حيدر : دقيقة يمة تعاي ريتاج احجي وياج
ريتاج : راح للمطبخ رحت وراة
ها شبيك
حيدر : عرفتي وين راح نروح
ريتاج : نشتري ذهب
حيدر : اي منين
ريتاج : من الكاضم
حيدر : يعني مكان مقدس وامام خوفا من الله ومن الامام مفروض متلبسين هيج
ريتاج : مالك سلطة علية بعدك
حيدر : مو قصة سلطة ولا اجبرج بس لبسج غلط البسي فوكاة شي وخلي نتوكل
ريتاج : مالبس
حيدر : ميفيدج العناد داكلج مكان مقدس تطبين للكنيسة انتي بدون شال
ريتاج : لا
حيدر : لعد روحي البسي شي طويل
ريتاج : مالبس
حيدر : تكسرين كلامي يعني ؟
ريتاج : من يصير الك سلطة علية عود حاسبني
حيدر : خوش يصير خير
ريتاج : راح مشة عصبي طلع شغل السيارة امة ليكدام واني وايناس وخالتي ليورة صرت وراة اباوعلة من الجامة اعصابة بارزة حيل ذبينة جهال ايناس بيتهم ورحنة يمشي سريع
ليليان : اكلج هاي شحجيتي ويا
ريتاج : محجيت شي
ليليان : قبل شوية جان مثل الورد
ليش خليتي هيج عصبي
ريتاج : كلي على لبسي وكتلة من يصير الك سلطة علية عود حاسبني
ليليان : بلة انتي مخبلة عاقلة بدال متهدي تسوي عصبي شبيج ماما شحجينة
ريتاج : خالة والله مالي خلك كافي
باوعت ع المراية لكيتة يباوعلي مدري ليش منزلت عيوني ضليت اباوع وهوة يسوق ويباوع شوية خفت العصبية كام يسوق بهدوء ابتسمتلة ونزلت راسي وصلنة ذب السيارة بالكراج ومشينة شوي كراج وبي كوستر
الله نصعد كوستر حبابين عمري مصاعدتهه
حيدر : ريتاج
ريتاج : ها
حيدر : تعاي
ريتاج : اجيت يمة لزم ايدي
حيدر : عينج بالكاع وكلشي لتحجين
ريتاج : اوك
عالم هواي وكلهه تباوعلي تندمت لان عاندتة كلهن لابسات عبي والي مبدلة لابسة شي طويل وحجاب ستحيت حيل وكفنة وهوة ساحبني يمة صعدنة جرني ومشاني كدامة صعدن هنة خالتي وايناس وامة ماظل مجال ☹
حيدر : اتحركي كعدي شبيج
ريتاج : انداريت علية همست
لا حباب تريدني انجعص خل اكعد هنا ضحك وكال يلا كعدت يم الجامة وهوة كعد بصفي صعدنة ع الجسر اول مرة اجي للكاضم كلش حلو هالمكان نزلنة لزم ايدي
حيدر : اصبري خلي ينزلون
ريتاج : نزلو واحنة نزلنة تمشينة والعالم بس تباوع علينة اني الوحيدة ملابسة شال حتة خالتي اخدت من ايناس ولبست حيدر اعصابة نار عبالك راح ينفجر استسلمت وكتلة حيدر خلي اخذ جادر ايراني ومن نطلع انزعة كال اوكفي هنا بقيت بصف خالتي مشة جاب واححد واجة لبستة ومشينة شوي جان يوكف
حيدر : يمة تزورون اول شي مو
ام حيدر : اي يمة هسة اذا نشتري الذهب ينباك نزور ونصلي راح يأذن الضهر
باوع على خالتي
حيدر : تزورون عادي مو؟
ليليان : اي علوا مرايحين اول مرة شعدنة
حيدر : خوش روحو للتفتيش واول متطلعون منة انتظركم كبال التفتيش
ريتاج : اخذ التلفونات واجة علية
حيدر : تلفونج
ريتاج : ماعدي
عقج حاجبة
حيدر : ليش وينة تلفونج
ريتاج : محمد كسرة
حيدر : هاا يلا طبي وياهم مو تضيعين دير بالج ريتاج : طبينة مجان ازدحام لان دنيا الصبح فتشتني وطلعنة لكيناة منتظرنة جنت اعدل بالجادر ضوجني حيل اول مرة البسة ماعرف امشي بي شلتة بايدي من جوة مثل الايرانيات خنزر علية وصلنة كال نزلي المن لابستة نزلتة كال لامة يمة صلو وزورو وطلعو لتتأخرون انتظركم يم هاي المكتبة طبينة اول مرة اشوفة مكان جبير عالم دتزور عالم تبجي وتدعي عالم تصلي هنا اي هنا اني انتمي صح تربيت ع المبادئ المسيحية بس اني هنا مكاني هذا دين ابوية وحتة امي هية هم اسلمت دعيت من كل كلبي انو الرب يهديني ويوفقني ويصبرني زارو وحتة خالتي واني زرنة وكعدو يصلون اخذت كتاب واجتي عيني ع كيفية الصلاة كعدت قريتهه سهلة ميرادلهه شي الاذان واني حافضتة بحكم اني مسلمة بالجنسية بالمدرسة قريت اسلامية وحفظت الايات الي جانو عدي وسورة الفاتحة رحت على ام حيدر جانت تقرة الزيارة باوعت علية
ام حيدر : كولي يمة
ريتاج : يصير اصلي
ام حيدر : اكيد حبيبتي يصير تردين اعلمج
ريتاج : لا اعرف هسة قريت
ام حيدر : شنو رئيج اصلي وتوكفين بصفي وتقرين وراية علمود متخربطين
ريتاج : ياريت خالة شكرا
كامت وكفت وكفت بصفهه قرت بصوت عالي وقريت وياهه كملنة وخالتي ابتسمت وباستني صلينة صلاة كالت هاي ركعتين لوجه الله طلعنة اخدنة الاحدية لبسناهن مشينة وشفتة جان واكف لابس قميص زيتوني وبنطرون اسود ساعة فضي وجان يباوع ع الساعة رفع راسة وكبل باوع بعيوني ضليت امشي مانزلت عيني ولا هوة جان يباوع ومبتسم حلوة ضحكتة هههههه وصلنة وكال اتأخرتو
ام حيدر : غير صلينة ودعينة وكملنة وكمنة
حيدر : تقبل الله يلا امشو
وللحكاية بقية
