22
حيدر : راحت نامت شربت جاي وضلينة سوالف وتحشيش ونركيلة صارت ب4 اخذت تلفوني والجكاير وصعدت اكعدهه حتة نرجع من وكت طبيت هدوء والغرفة ثلج طفيت السبلت اباوع هاي صايرة ثلج والخشم احمر اصابعهه زرك ولابسة كيمونة خرب يومج كعدتهه كوة كعدت بدلت كتلها بين مابدل الكاج مبدلة كالت اوك
ريتاج : كعدني بدلت رحت لغرفة مرت اخو نور استأذنت منها خليت مكياج لاك لوجهي حيل بالرغم انوماحبة كلش بس عجبني احط
نور : الله ريتاج هاي شلون لاكلج عفية علميني
ريتاج : ههههه تدللين سهل
نور : دزوجي حتة يومية تمكيجيلي
ريتاج : هههههه لا بعد وكت
نور : ربي يسعدكم حبي
ريتاج : تسلمين عيوني
لبست قراصة ولفيت الشال اخذت فوني خالتي مراسلتني مشيت واني لازمة التلفون الطخت بي مدري شجابة كدامي رفعت راسي رفعلي حاجبة
حيدر : شنو هاي
ريتاج : شنو
حيدر : رايحين حفلة شنو هالمكياج
ريتاج : اي واذا حطيت شكو بيه
حيدر : يلا امشي مسحي
ريتاج : ليش امسحة
حيدر : لتناقشين وروحي مسحي
ريتاج : اي ليش شنو مسوية شي غلط
حيدر : ريتتتتتاااج
ريتاج : ما ماسحة
حيدر : اويلي يالله حبيبي روحي مسحي وبلة هاي الدوخة
ريتاج : اي ليش يعني اريد افتهم شنو وحد اني
حيدر : من شوكت تحطين مكياج حتة ليوم تحطين؟ريتاج : منو كلك ماحط هاي مرات ماحط شسالفة هوة خفيف
حيدر : لا خفيف ولا هواي لتعاندين اكثر
ريتاج : ما
حيدر : شلون يعني تردين تمشين كلمتج علية لو شنو ؟
ريتاج : مو هيج بس لو جارة عيوني وحاطة شي صارخ اكلك اي هوة شوية مسكارة وحمرة
حيدر : اي مسحيهه
ريتاج : حيدر وال قاطعني وكال
حيدر : بالنبي هاي اخر مرة اكلج روحي مسحيهه
ريتاج : اخذت نفس وكتلة اوك خففتها ونزلت كلبت وجهي علية صعدنة بالسيارة فتح اغنية حلوة وظل يدندن وياهه صوتة حلو وبي بحة ضليت دايرة وجهي ع الجامة اباوع الدنيا شكد حلوة يسولف بس اني مو يمة هواي افكار ابالي وصلنة للكراج ذب السيارة وطبينة للمول اشتريت ملابس كلة على ذوقة حلو ذوقة ونازك بس كلة اخذهن فوك الركبة واكبر من قياسي والبناطير هم اخذ كم واحد يسئلني واهز راسي دخت وكتلة كافي خلي نكعد ضل لازمني وخايف صعدنة لاخر طابق مال اكل كعدت يمكن ضغطي هبط هوة كعد بصفي ومخبوص حيل
حيدر : اميرتي شبيج جاوبيني فهميني نروح للمستشفى نرجع تردين شي
ريتاج : لا دايخة شوية
حيدر : ليش شجاج شبيج شيوجعج
ريتاج : ماكو حيدر بس اريد مي
حيدر : هاي راح اجيب منا راسج مترفعي ولترحين لمكان افتهمتي
ريتاج : وين اروح مثلا مدتشوفني ماكدر اكوم
حيدر : ريتااج
ريتاج : ماتت انشالله
حيدر : لج حيوانة اذا عدتيهه بالنبي اطيح حظج اسم الله شهالحجي كافي تلغين ضلي ساكتة احسن يلا رايح
ريتاج : والله بطران هذا رفعت راسي جانو شباب كدامنة غلست ورجعت نزلتة بس يمكن توهم اجوي مشافو حيدر شوية وحسيت خيال كبالي عبالي حيدر انصدمت شفت ولد
مساء الخير ياحلوة ممكن اكعد
ريتاج : ضليت ساكتة لزمني خوف موطبيعي عزة والله ليوم نهايتي اريد احجي الكلمة متطلع مني
: احجي سمعينة صوتج الحلو من فدوة لهل العيون اروح ريتاج : بووم جان ينجر من ياختة عزة بعيني حيدر ضربة وكعة بالكاع طلع من خشمة الولد دم راد يكوم هجم علية دك بوكسيات خفت من المنظر مو بس خفت ارتعبت شكلة وهوة عصبي يخوف حيل كمت ابجي ودموعي ينزلن كوة العالم جرو منة اجوي الامن كاللهم اني ضابط شوفهم هويتة وكاللهم تحارش بمرتي جاب تلفوني والعلاليك واجة بهدوء بس بعدهه الدوخة لازمتني
ريتاج : حيدر
حيدر : كلمة زايدة وجهج افلشة امشي
ريتاج : جرني من ايدي واني كوة امشي دايخة ماتريكت والغدة خاشوكتين وكمت مشيت لحد ماوكفت الدنيا صارت سودة غمضت عيني
حيدر : شبيج ريتاج
ريتاج : مجاوبتة دايخة مالي طاقة اوكف
حيدر : جريتهه اكو هيج مثل المطعم بس مال كيك وهالسوالف كعدتهه شربت مي ترجف
حيدر : شبيج حبيبي شسالفة
ريتاج : راسي يوجعني
حيدر : دكدرين تمشين ؟
ريتاج : وين
حيدر : كيفج نتعشى هنا لو برة
ريتاج : مادري بكيفك
حيدر : تعاي نصعد فوك مبين مابيج حيل تطلعين برة
ريتاج : اوك
صعدنة ونبه علية مااتحرك وكف على الكاشير لكبالي وظل يباوعلي كص من الكاشير واجة
حيدر : ربع ساعة ويجهز
ريتاج : شنو شطلبت
حيدر : بيتزا وكنتاكي وفنكر ومقبلات وببسي تردين غير شي؟
ريتاج : مو هواي ؟
حيدر : ههههه عود اذا بقة اخذي دلفري
ريتاج : لا
حيدر : ماخذتي جنطة للمدرسة
ريتاج : اي دخت
حيدر : يلا نكمل وشوفي انتي اصلا بالج مجان يمي من اخذنة الهدوم
ريتاج : جاب اكل اكلت قطعة بيتزا وشوية فنكر ومقبلات وببسي
حيدر : بربج هذا اكل شبيج فاهية
ريتاج : شنو
حيدر : خاف متحبيهن اجيبلج غير شي ؟
ريتاج : لا ماريد دااكل
حيدر : براحتج يابة عود من نطلع ناخذ
ريتاج : ظل ياكل قابلية عندة للاكل بس مو اي مكان يستنضف منة بقيت بيتزا هواي وكنتاكي كومة وفنكر لان جايب وجبة عائلية
وهواي بيهه جاب علاكة خليتهن وكمنة اشتريت جنطة وترانشوزين وشالات ابيض واسود ونيلي للمدرسة رجعنة وصلني وكال جوعان هههه طلعتهن وكعدنة ناكل نسفنة كلشي كمل وراح ثاني يوم عادي هم مخابرات وكال باجر اني اجيب نهى واجي عليج و ارجعجن جان دوام ضهري كعدت ب11 غسلت وبدلت خليت لمسة مال مكياج بس مسكارة وجهي مرتب اجة علية لفيت الشال ولبست الحذاء وطلعت خنزر بوجهي كعدت ليكدام وصلنة وكومة وصاني وووو اصطوانة انطاني فلوس ونزلت داومنة اطوني كتب قديمات ونصهن مشككات وعندي نقص كم كتاب رجعنة سئلني ع الدوام وشلونهه الاوضاع والتدريس اني مختلطت باحد بس وي نهى عرفتني ع صديقاتهه بس ضلت كل الوقت وياي رجعت تعبانة كبل نمت مكعدت غير ب9 مكالمات ورسايل توني داافتح الرمز وخابرني كتلة نايمة ضل يسولف كال اقري وتعاي
ريتاج : اكلك حيدر صدك كتب انطونياهن كلهن مشككات
حيدر : لا ليش
ريتاج : مدري يكولون ماكو كتب
حيدر : يعني دكدرين تقرين بيهن لو لا
ريتاج : كلهن شخابيط قديمات عدي كتب طبعات من ٢٠٠٩
حيدر : اجيبلج ملازم اقري بيهن بين مادبرلج من التربية
ريتاج : زين ماشي
حيدر : اي انسة ليش ملابسة الحلقة اليوم
ريتاج : نسيتها من غسلت وجهي
حيدر : بعد لتنسيها
ريتاج : ماشي
حيدر : يلا روحي اقري من تكملين رمشيلي
ريتاج : ماشي عيني بيباي
حيدر : هلا
ريتاج : ضليت اسوي دفاتر مو واجبات بس كتابة طبيت سبحت نشفت شعري بالشسوار اوو ارتاحيت دامشطة وخابر خالي سئل علية وع الخطوبة وشلونة وياية وخوما احد مضايقني ضلينة نسولف وتحشيش وخالتي يمة كاعدة وتتشاقة ماحس الة الباب اندفرت ضليت ساكتة والتلفون وكع مني انهبطت
ريتاج : حيدر شنو شبيك
حيدر : ساعة كاملة اخابر مشغول وي كواد لاهية وتكليلي اريد اقرة
ريتاج : شنو شبيك شهالحجي
ضل يغلط ويسب ويكفر واني بس اريد اسكتة الخط مفتوح اجة مصطفى وحيدر اعصابة نار اني من ثولي سكتت هداة مصطفى وكلة افتهم شبيك شنو السالفة ضليت ابجي خفت من ردة فعلة عصبي حيل مثل البركان اليثور وبعدين ينفجر ويدمر الحوالية هوة هيج اذاني بالحجي واني مكرن وكاعدة تطكين سوالف وعايفتني ضليت ساكتة معرفت شحجي اجاني مصطفى كلي عمو وي منو تحجين
ريتاج : وي خالي
مصطفى : لعد ليش ماحجيتي من البداية
ريتاج : ماانطاني مجال
حسيتة هدة شوية شلت التلفون وشمرتة علية كتلة ماريد تلفونك ولا منيتك اخذة رحت لغرفة مصطفى ابجي وقفلت الباب ضل يدك عبالك يريد يكسرهه شوية ومحمد اجة بس الي صدمني رزل حيدر وطردة واتعارك ويا حيدر يكول مرتي وحر بيهه ومحمد يكول عيب الي سويتة تشك بيهه تعالت اصواتهم واني ع الجرباية ارجف ياربي وين جنت مو هاي حياتي احس اختنكت حيل وينك بابا المن عفتني شوف شلون يعاملوني تقبلهه مليت اني اريد اجي يمكم اريد تحضنوني انتو ولا مرة حاضنيني اريد انام بنصكم انحرمت من كل شي واني صغيرة ضليت ابجي تعبت حيل مو حياة هاي شوي وصار هدوء واندكت الباب
محمد : ريتاج بابا فتحي الباب اريد احاجيج
ريتاج : ماريد ماريد عوفوني بحالي عوفني بلكي اموت واخلص منكم ومن هالقفص الخليتوني بي لك اكرهككككككككم اكرهكم من اجيت لحد الان واني مثل الحيوانة ابتليييييت صرت بت اخوكم كرهت نفسي من وراكم عوووووووووفوووني كافي والله اسوي شي بنفسي وارتاح منكم كافي شنو من بشر انتو
محمد : باباتي فتحي الباب بس احجي وياج
ريتاج : لتحجي وياية ولتكول باباتي انتة ووينك وين بابا ابوية لو عايش ميقبل بالي ديصير يخليني اعيش حياتي مو مثلكم اول ماجيت وعلكتوني براس رجال كافي عوفوني شتردون مني
مصطفى : ريتاج بس افتحي الباب اني وحدي اطب احجي وياج
ريتاج : ماريد
مصطفى : يلا عيني ميصير هالشكل غير نفتهم سبب الخلاف
ريتاج : اسئلة هوة اجة وتهجم علية عبالك داخابر واحد
حيدر : لج الزمي السانج لااطيح حظج
محمد : حيييييييييدر
مصطفى : افتحيهه وعد بس اني اطب
ريتاج : اخذت نفس وكمت فتحتهه صار كبالي كاعد ع التخم عيونة حمر اعصابة بارزة حيل طب مصطفى وعاف الباب مفتوح اجة كعد يمي
مصطفى : شصار ريتاج شنو السالفة ؟
ريتاج : مادري والله مادري اني ممفتهمة
مصطفى : اوك شصار من اجة حيدر؟
ريتاج : جنت كاعدة خالو خابرني وليليان يمة وضل يسولف وياية ويشاقة وسوالف ع المدرسة مسوي خدمة وضلينة نسولف ونضحك اجة ودفر الباب وغلط وسب على شنو مادري
مصطفى : هاهية حبيبتي
ريتاج : كام باس راسي وطلع ظلو يحجون وعلة صوتهم محمد يكلة تشك بيهه وحيدر يكلة لو اشك بيهه ولو قطرة ماخليهه على ذمتي بس اني ساعة كاملة اخابر وادز وهية مشغول اجيت واسمعهه تضحك وتشاقة وي ولد يعني حط نفسك مكاني اسئلهه تبجي وترجف ضلو يحجون ماعرف شنو سديت اذاناتي ويكولون ليش متردي يالله هاي لو لازمني صدك اخابر جان شسوة انفتحت الباب جنت نايمة ع الجرباية ودايرة وجهي ودموعي تنزل بهدوء
حيدر : ريتاج
ريتاج : سديت اذاني وقلصت نفسي غمضت عيوني
وللحكاية بقية
