للقدر رأيي اخر
بارت 20
حيدر : ريتتتتتتتاااااج كلت بجبة وشال لتعاندين ترة مالي خلك
ريتاج : اي افتهمت هاهية
راح ورجعت نمت تعبانة ماكعدت الة لل10 بليل هوسة نزلت عالم ماعرفهم بوسني وكعدت طلعن خوات ايناس شوية ودك تلفوني حيدر ترخص منهم وجاوبت
حيدر : الو
ريتاج : هلاو
حيدر : هلا شلونج
ريتاج : تمام وانتة
حيدر : الحمدلله وين جنتي
ريتاج : نايمة
حيدر : خرب يومج على هالقابلية
ريتاج : ليش
حيدر : شكد تنامين
ريتاج : حسدتني
حيدر : ههههه لا
ريتاج : ضلينة نسولف تعرفنة حجالي كومة شغلات شغلة وحياتة واسلوبة وكلشي عنة وسئلني كم سؤال جاوبتهن شوية وكتلة اريد انام ضجت مااعرف ليش ماريدة ليش هيج داسوي احس مخنوكة وكلهم عبالهم اني اقتنعت بس اني مقتنعت ولو هسة يسئلوني تكملين لو لا اكول لا ماريدة زين اذا تزوجنة شلون راح اتقبلة واعيش ويا لامستحيل يارب ساعدني لو بابا عايش اكيد مراح يقبل بهاي المهزلة ضليت ابجي اختنكت محد يعرف البداخلي شنو اوووف ماعرف لشكد ضليت ابجي بس اتذكر لبست دشداشة خفيفة مال نوم ونمت وثاني يوم كعدت ع صوت حيدر
حيدر : كعدت الصبح نشاط ب٨:٠٠ ليوم راح تصير اميرتي بأسمي الية وحدي طبيت للحمام غسلت وجهي بدلت ونزلت جوة امي هلهلت ضحكت بست راسهه تريكت وكعدت شوية بالديوان يم عمامي وجدي صارت ب٩ البنات كالو الضهر نجي للمركز اخذت بس هيام وياية ماكدر اعوفهه وحدهه رحت لبيت محمد مرتة مخبوصة كالت فدوة كعدتهه متقبل كتلهه اني اصعد اكعدهه صعدت على كيفي فتحت الباب جانت نايمة ع الجرباية شعرهه نازل على وجهه جانت لابسة دشداشة كيمونة كصيرة اول مرة مرة انتبهه شعرهه على شكار بيضة حيل وبياضهه شفاف خشمهه زغير شفايفهه الورديات عدهه شامات بوجهه وبركبتهه ضليت صافن بوجهه هالجمال كلة الية وحدي محد بعد يشوف منة شي ولا يشاركني بي اخذت نفس وكعدتهه دارت وجهه
حيدر : كومي تأخرنة كسلانة
ريتاج : امممممم عوفوني نعسانة
حيدر : كومي ريتاج
ريتاج : حيدر
كعدت بعد مانتبهت صوتة انصدمت وانداريت نسيت نفسي شلابسة بعدين دفعتة وطلعتة برة اخذت نفس لبست تراكسود رياضي وطلعتلة
حيدر : يلا لبسي دنروح لتأخريني كومة شغل عدي
ريتاج : ماعدي جبة نسيت اكلك😐
حيدر : صدك تحجين وهسة جاي تكولين خرب بيج
ريتاج : اي اني شعلية شبيك نسيت
حيدر : امشي فضيني خ نشوف وين توصل وياج
ريتاج : ابدل ؟
حيدر : لا نرجع على بيتنة اخذي من البنات
ريتاج : اوك دقايق
اخذت كم غرض وتلفوني وطلعت اخذت شال من ايناس سلمت على اختة وطلعنة لبيتهم اخذت من نهى جبة ام الطباكات لبستهه ولفيت شال وطلعت بالطريق خابرتني خالتي كالت اني وصلت كتلهه بالطريق راح نوصل وصلنة ووصة اختة وخالتي وسلم راح صعدنة للقسم النسائي اول مبدت خيط لوجهي بس كبل تحسس وصار احمر حطتلي كريم احسن صار وراهه تنضيف بشرة وقناعات اشكال والوان وتنضيف قدم طلعت جديدة بالباكيت هههههه وحيدر كل شوية يخابر شكو ماكو خوما طب رجال ويحلف اختة و شوية واجني البنات واجتي الماكيرا طلعتلهه الفستان كتلهه ماريد شي طوخ اريد خفيف ونازك وماريد التركيز ع العيون كالت انتي اصلا يلوكلج المكياج الهادئ والتركيز ع الحمرة لان عيونج حلوات وكبار سوتليا طلع حلو حيل وحمرة ماروني سوت بشعري تسريحة بسيطة مو عالية شوي نازلة مو هواي وخالتي واختة والبنات سوو مكياج بسيط بس مهى وحوراء شلعن كلبهه تحطلهن مكياج ويكللهه بعد😂 حطي دتشتغل بشعري وخابر حيدر ب4 انطيتة لاختة ميصير اتحرك كال اني جوة كالتة كملنة لبست الفستان والكعب وفوكاهه جبة وشمرت الشال بس خليتة علمود متتخربط اجة شافني وظل صافن 😂 جان مزين لحيتة ومحددهه ولابس القاط والمناظر والساعة طالع يجنن هيبة مشاني للسيارة صعدت ليورة مقبل اكعد ليكدام يكول الجاي والرايح يباوع عليج😂 رحنة للمصور طبينة للحديقة كادر نسائي نزعت الجبة وهوة ظل صافن خجلني حيل بنظراتة اخذنة لقطات ورجعنة للبيت نزلني كومة زلم وهوة بس يريد يخفيني منهم طبينة واشتغلت الهلاهل والجكليت كعدت والعالم داير مدايري دخت وايناس صاحت حبايب انتن مو غربة رجائا لحد تصور العريس ميقبل مأمني اعذرني بس امانة بركبتهه لتصور ميقبل اختة من الناس ماقبل تصورهه فدوة اروحلجن ذبن التلفونات واشتغل الديجي اباوع كلهم فرحانين يصفكن ويركصن المفروض افرح بهيج يوم افترت الدنيا بية اووف ياربي وكلتك امري ساعدني
حيدر : ذبيتهه ورحت كملت كم شغلة تغديت ورحت زينت رجعت سبحت لبست القاط نشفت شعري ضربتة شسوار لبست ساعتي خابرت اختي كتلهه راح اجي كالت راح نكمل نزلت واشتغلت الهلاهل وامي كامت تبجي كالت واخيرا شفتك عريس يوم الي تملي البيت بجهالك بست راسهه وطلعت اتفقت وي ابوية يجيب الشيخ ومنا المشية صعدت بالسيارة وصلت خابرتهه طلعتلي اختي كالت راح نكمل شوية ونزلن هنة وياهن اميرتي شطالعة تجنن كيكة سحرتني واخذت كلبي وعقلي صعدتهه ليورة مترهم تكعد ليكدام
