بارت 30
#للقدر_رائي_اخر
اخذ تلفوني وطلع وقفل الباب ظليت ابجي وجهي صار ازرك اثار الحزام خرب هيج حياة ياربي اخذني ماريدة ولا اريد ابنة ولا اريد هيج عمام مابيهم خير اوووف شدعي عليك يامحمد من جبرتني علية ضليت ابجي شوية واندكت الباب نهى
نهى : لج ريتاج شكو شبيكم
ريتاج : نهى انطيني تلفونج
نهى : لج شكو شبيكم ليش حيدر عصبي
ريتاج : لج نهى مابيه احجي انطيني تلفونج
نهى : اوك هاج شتسوين بي
ريتاج : اخذت التلفون منهه كتبت رقم خالو دك شوية وجاوب
جرجيس : الو
ريتاج : الو
جرجيس : لج ريتاج شبيج خالو
ريتاج : الله يوفقك تعال اخذني والرب راح اموت
جرجيس : اوكفي شوية شوية شبيج خالو ليش تبجين شصاير
ريتاج : والله راح اموت نفسي ماطيق هالعيشة بعد تجي تاخذني لو هسة اشرب ادوية واكطع شرياني والله معاد تهمني هالحياة
جرجيس : اوكفي جايج والرب اجي بس فهميني شصاير متعاركة وي رجلج
ريتاج : من ساعة السودة الصار بيها رجلي
جرجيس : اي غير دافتهم
ريتاج : خالو تعال وتفتهم كلهم اجيت اشوفهه وتعال منتظرتك
جرجيس : اوك جايج مسافة الطريق
ريتاج : سديتة منة وانطيتهيا بطني تأذيني ودايخة باوعت ع الساعة ب7 اوووف شنو هاي من حياة شسويت وهيج رب العالمين يعاقبني رب تعبت مصارلنة شهر متزوجين وهيج لا ماعيش ويا ولا ارجعلة ضليت ابجي وماحسيت على نفسي من نمت الدوخة كتلتني بس حسيت الباب دينفتح طب هوة شافني ودنك
حيدر : حبيبتي
ريتاج :عوفني عوفني لتلزمني لا حبيبتك ولا شي وخر عني بالله هسة اموت نفسي
حيدر : يعني يصير الكلام الي كلتي اكو وحدة هيج تكول لرجلهه
ريتاج : سديت اذاني وقلصت نفسي ماعرف شحجة بس شافني هيج اخذ نفس وكام واندكت الباب
حيدر : منو
نهى : حيدر خال ريتاج اجة وبابا يريدك جوة
حيدر : منين خابرتي !
ريتاج : ماخابرتة
حيدر : بسيطة اني الج
ريتاج : عاف الباب مفتوح سديتهه وكمت لبست واخذت شال ونزلت شافوني هيج تفاجئو وجهي ازرك وامة كالت لطبين طبيت جوة شفت خالي حظنتة وضليت ابجي وهوة متفاجئ كعدني يمة وعمو حسين اندار علية وجهه كلامة الية وكال
حسين : شكو يابة فهمونة شنو السالفة شصاير
ريتاج : ضل يباوع علية سكتت ماحجيت شي اندار على حيدر وسئلة
حيدر : ماكو شي مشكلة بيناتنة
جرجيس : وهيج مورم وجهه لك انتة هم حاسبيك ع الزلم
حجة هيج وحيدر كام وخالو صارت هوسة وصياح وعياط دخت وبطني تأذيني كمت ماشوف صحت خالو وبعد ماحسيت كعدت بالمستشفى ايدي بيهه كانونة مغذي يالله ليش هالعذاب اخذني كافي والله ماريد هاي الحياة لزمت بطني دخلت خالتي علية باستني وتحمدتلي بالسلامة وام حيدر وابو واختة وخالو اجتي الممرضة وخرتهه وكالت لازم راحة تامة حملج مهدد بالاسقاط اي حركة متتحركين خالو ترخص من عمو وكلة خليهه يمنة باوع علية كال ترحين كتلة اي عمو تعبانة كال براحتج كومتني خالتي وطلعنة شفتة واكف ابو اخذة وهم سوة هوسة بالمستشفى ماقبل اروح عاد عمو كلة اني انطيتهم كلمة يومين ونجيبهه اقتنع وراح وياهم رجعت لبيت خالي اووف هالبيت عشت بي طفولتي خالتي اخذتني لغرفتي وعدي كم لبسة هنا بدلتلي وطفت الضوة بقة بس ضوة الانارة خفيف بجيت لحد ماتعبت ياربي ساعدني اني بشنو غلطانة اوووف باوعت الساعة ب9 نمت جريتهه لثاني يوم كعدت على صوت تلفون وهوة يدك يا هذا تلفوني شجابة حيدر ديخابر رفضتة الساعة ب10 الصبح اوووو شكد نمت رجع يدك رفضتة وخليتة صامت نزلت جوة بس بيبي بستهه وطلعت بالحديقة اووو هوة نضيف حيدر ميخليني اطلع هناك ضليت اتنفس لزمت بطني ابني الحلو انتة احلى شي راح تصير بحياتي يجوز جنت كارهه الحمل بس من صار صدك لا حيجيني بيبي ههههه اوووي فدووا ضليت اسولف وي نفسي ههه طبيت جوة سويت ريوك فنكر وببسي رجعت يم بيبي ضلت تسولفلي نمت ع التخم ماكعدت الة على صوت خالو يكومني
جرجيس : رتوجة بابا كومي ميصير هالشكل ليش هيج نايمة
ريتاج : ها خالو اجيت
جرجيس : اي كومي لتنامين هيج تتكسرين
ريتاج : بيش الساعة
جرجيس : ب1 ونص
ريتاج : خالة وين
جرجيس : فوك دتبدل
ريتاج : اوك
صعدت فوك لخالتي فتحت الباب على كيف لكيتهه مندارة وتكلب بالتلفون طبيت وتخصرت وكتلهه شدسوين هية اخترعت وكالت
ليليان : حيوانة انتي بس فهميني شوكت تعلقين هبطتيني
ريتاج : ويامن كاعد تحجين لكفتج
ليليان : مو لاكفتني جايبة واحد للبيت امشي ولي عابت
ريتاج : والله ياليلو مو بعيدة عليج
كلت هيج وطفرت وهية ضلت تركض رحت ورة خالو
جرجيس : الله الله شبيجن
ريتاج : صيح بيهه تكلي من تجيبين اخذ ابنج مو حرام شنو هاي
ليليان : عززززة اني كلت هيج
ريتاج : لعد شكلتي ليش تلحكين وراية
جرجيس : اي تلكين ابو الخبل كلش راح يسلمهياة مبتسم
ريتاج : احم ترا ماقبل تحجي على رجلي كبالي
جرجيس : دطيري انتي ورجلج
ريتاج : نننننن تغارون من عدنة مضغوطين😌
جرجيس : تعاي سولفيلي شنو الصار
ريتاج : شنو
جرجيس : احجيلي الصار بالتفصيل حتة خاف يجون اعرف شاحجي
سولفت كلشي لخالو سكت وبعدين كال
جرجيس : ريتاج ماكلج حيدر غلط من مد ايدة عليج بس الصراحة حقة اكو مرة توكف بوجه رجلهه وتكلة ماريدك وين صايرة هاي حقج وميصير يضربج بس ياخالو ترا السويتي غلط ارجع اكلج حقج ميجوز يضربج بس هم ميجوز تكليلة هيج مثل ما الج حق يمة هوة الة حقوق ومن اهم هاي الحقوق متهيني سواء كدام اهلة او كدامة او حتة كدامج متقللين من قيمتة انتي من تشوفي عصبي لتحاجي تشوفي يهدى اروح واكلة يابة هيج وهيج عود بذاك الوكت اذا ضربج طالبي بحقج ماكلج من يضربج تسكتين لا بالعكس هيج يتعود احجي ودافعي عن حقج بس خوما هوة اعصابة براسة وتجين تكليلة ماريدك مو بس هوة لا اي رجال ميقبلهه
ريتاج : خالو والله ماطيقة ماريد ارجع حباب لترجعني خلي هوة يشوف طريقة ماريدة والرب تعبت
جرجيس : لج خالو انتي على عيني وعلى راسي هذا بيتج واحنة الخطار بس الزواج ترا مو لعبة ومن اول مشكلة تعال نطلك لا الزواج عيشة ع المرة والحلوة دفتهمين ع المرة اول وبعدين الحلوة انتي مو من مشكلة بسيطة خلي يشوف طريقة لا خالو انتي حامل وتوج متزوجة وتجاوزوهه ان شاء الله وتصير سوالف اني مااوكف ضدج ولا راح ارضاله ع الي سواة بس انتي هم هالله هالله مو حجاية والثانية ماريدك لو مليت لا ابوية ميصير هيج
ريتاج : الله كريم
جرجيس : ان شاء الله يصير خير بنيتي لتضوجين نفسج وتنعزلين الرب هوة يحلهه واليوم نروح للكنيسة
ريتاج : الله صار هواي مرايحة اريد اروح كلش مشتاقة
جرجيس : هههه ان شاء الله نروح
ريتاج : رحت للمطبخ لكيت خالتي دتطبخ
ريتاج : اكول ام الحب شدطبخين
ليليان : دولمة
ريتاج : الله مشتهيتهه
ليليان : هو سويتهه علمودج حامضة ولاجعه هسة شوية وتستوي
ريتاج : عاشت ايدج عمي طباخة
جرجيس : بدت اللواكة هوة جدر دولمة
ليليان : لعد متاكل مدام هوة جدر دولمة
ريتاج : ههههه هيج احسنلك
جرجيس : دطيرن اني ابو البيت هسة اجيبلجن ابو بريص وارد اشوف شلون مااكل
ريتاج : ايع لتلعب نفسنة
جرجيس : لج شايفتة من ينوكل وهوة عايش اويلي يخبل وتحطين علية ليمون اطيب من ماهوة ميت
ليليان : اوووع كافي
ريتاج : ايييي كافي مو هيج هسة تنسد نفسي
جرجيس : ديلا عيني برنسيسة تنسد نفسج حقج ماكلة الاخضر واليابس لج طلي انتي حتة حشيش الحديقة ماكلتة
ريتاج : يا يا شنو صرت جيجو ومادري بنفسي
جرجيس : لج حيوانة اني طلي
ريتاج : والله رحم الله امرء عرف قدر نفسة😌
كام علية صرت ورة ليليان ويريد بس يلزمني كالت كافي خل اصب بس لعبت نفسي ورحت ذبيت من راسي شأكلت خطية انهبطو وبس كتلهم اريد لبن خالو راح جابلي بطلين كبار شربت كلاص تعدلت معدتي تغدينة وشربت شوية حتة نفسي لتلعب صعدت تمددت ونمت كعدت على صوت خالتي وهية تكعدني نروح للكنيسة كمت مو مال بنطرون اختنك منة لبست فستان طويل اسود وبي جاكة صفح طويلة ويا سترة كابوي وترانشوز وشال اسود بس هيج لفيتة الحلقة بايدي يلا عادي نزلت وتفاجئو بالحجاب ولو هوة مو كلش خالتي لبست نفسي بالضبط بس بدون شال هية ممحجبة اصلا لان مسيحية رحنة صلينة ودعيت والدموع ماوكفو فتحت شمعة لامنا العذراء ودعيت الرب يوفقني ويحميني ويهدي حيدر علية رب مطالبة شي بس تعبانة لاتحملني ما لاطاقة لي به فعلا ارتاحيت كملنة وطلعنة تعشينة ورجعت تعبانة كبل تمددت اجتي علية خالتي كالت فلم حلو كتلهه ماكدر اكعد بطني توجعني كالت تعاي افرشلج وتمددي وباعي كتلهه اوك نزلت وفرشتلي وضلينة نباوع وشامية وجباسة وحب فلم يخرب ضحك ل12 خلص ضليت بمكاني وبيبي نايمة وخالتي هم جابت فراش ونامت كعدت على كيفي ب12 اووو شنو هاي شكد انام صدك جذب كمت لكيت خالتي معزلة وبيبي برة كاعدة ع الشمس رحت بستهه واشاقيت وياهه واكلت نستلة وعصير ورة شوية اندكت الباب محد بالبيت طلعت كلت منو صوت حيدر يا شجابة فتحت الباب هوة طب وعصبي ياربي شبي شوكت ماشوفة عاوج خلقتة وطب وراة عمو حسين وامة وهيام سلمت عليهم وطبو جوة صعدت فوك خابرت على خالو كال اخذ زمنية واجي وخالتي هم قدمتلهم عصير وسئلو علية شوية وحيدر كلي وين الحمام كمت داودي جرني وسد الباب
ريتاج : شنو شكو شبيك وخر
حيدر : عاجبج الوضع
ريتاج : عوفني الله يوفقك ولتكرهني بيك اكثر
حيدر : ليش هسة انتي كارهتني
ريتاج : اي
حيدر : هاا
ريتاج : اي وخر
جرني وباسني ورفعني الة شوية وبعد عني ظل يتنفس
حيدر : اسف حبيبتي شكد متصورين ندمان بس ساعة عصبية وانتي ماقصرتي انتي بنيتي وحبيبتي ومرتي وتاج راسي واروحلج فدوة صدكيني غلطة ومتنعاد ترا ماكدر على فراكج انتي روحي من هالدنيا فدوة كافي مشاكل وتعاي وياية ونبدي من جديد احبج وتحبيني بس لتعوفيني بهالطريقة انتي مالتي والية وحدي ومحد ياخذج مني كافي فراك
ريتاج : حيدر وخر انتة غلطت بحقي شيصير لو كعدتني وحجيت وياية هيج من البداية لو الكلام الميعجبك تضربني
حيدر : حقج علية واسف وغلطت وهاي داعتذر منج شتردين بعد
ريتاج : حيدر شوية خلي اطلع
اخذ نفس وكال براحتج
طلعت يمهم شوية واجة خالي وراة بكم دقيقة اجتي خالتي سولفو شوية وعمو حسين طب بالموضوع وهم حجو وخالو وصاة وحجة وياية يوصيني ويكلي ماكلج هوة ماغلطان بس انتي سبب رئيسي بهذا الغلط ميجوز تحاجي هيج وهذا رجلج وابو بيتج هم اسطوانة وتفقو يرجعوني واني كاعدة بيناتهم ولا عبالك موجودة بكيفهم قررو خليت وصعدت بجيت ياربي ماريدة ولا اريد ارجعلة كرهني بي اووووف شوية ونفتحت الباب هوة مسحت دموعي كعد ع الجرباية اخذ نفس وكال
حيدر : ليش لهاي الدرجة كارهتني ؟
ريتاج : انتة الي مانطيتني فرصة احبك
حيدر : هاهية يروحي تعاي ونبدي صفحة جديدة واوعدج ماائذيج بس ساعديني ماريد اشوف نظرات الخوف بعيونج اني مأمنج ماريد تخافين مني شيصير وياج كليلي من تشوفيني عصبي لتظلين ترادديني اكعدي على صفحة وتجفي شري واذا غلطت بحقج واني عصبي اهدى واجي اعتذر منج وابوس راسج بس حبيبتي ماكو نار بدون حطب اني من ضربتج مو بدون سبب مو تعيطين بوجهي وتكليلي ماريدك شتردين اسوي اكلج اني هم ماريدج وروحي مو طريقة هاي هاهية حبيبي؟
ريتاج : شنو الهاهية
حيدر : ترجعين وياية
ريتاج : هوة انتو بعد قررتو اني شنو
حيدر : حبيبي هاي حياتنة ومحد يقررهه غيرنة اني وياج
ريتاج : اوك
حيدر : يلا كومي
ريتاج : وين
حيدر : نروح البيتنة
ريتاج : ما جوعانة اتغدى يلا اروح
حيدر : هيلاو صايرة عظامة
ريتاج : اهو عظامة شنو غير حامل
حيدر : راح تذبهه براس الولد
ريتاج : يعني اموت من الجوع مااكل بعدين شمدريك ولد
حيدر : اني اكول ولد
ريتاج : واذا بنية
حيدر : اويلي وتشبهجج يمة صدقة لالله
ريتاج : واذا ولد
حيدر : هوة انتي حتجيبين ولد
ريتاج : يعني شمدريك
حيدر : اني اكلج واذا طلع مو ولد ماتسمة ابو نمر وجهالج كلهم تسميهم انتي
ريتاج : عود ليش ابو نمر ليش هالاسم
حيدر : سالفتة طويلة
ريتاج : اختصر
حيدر : من جنت زغير جنت دائما اروح وي ابوية للصيد ف بكل مرة اكلة اريد اصيد نمر ويكلي دور وتلكة ف مرة عاندت الة نمر وماقبت اكل ولا اشرب عاد صدك جابلي نمر زغير
ريتاج : عزززززة وربيتة
حيدر : اي اليف جان لان كبرتة ويانة
ريتاج : اي وين راح هسة
حيدر : هيج كم سنة وتمرض ومات
ريتاج : اوووي خطية ليش
حيدر : ماعرف تمرض فجأة ومات
ريتاج : وجان بيتكم
حيدر : مسويلة بيت جنت ورة البيت ولحد الان موجود
ريتاج : ومن جانو يجوكم خطار
حيدر : كلها تخاف منة بس اني وامي وابوي نوكلة
ريتاج : وتريد تسمي ابني نمر
حيدر : ابني حبيبتي
ريتاج : مو انتة الي راح تخلي بطنك 9 اشهر ويشكون بطنك
حيدر : يولي بيش مفاولة يشكون بطنج
ريتاج : الله كريم بس اذا اجتي بنية اني اسميهه
حيدر : نفتح القرآن ونسميهه
ريتاج : يووووو
بهالاثناء اندكت الباب خالتي كالت تعالو نزلو صبينة غدة نزلنة اكلنة وكملنة وعمو كال هم يالله هم حجو شوية لبست الجبة والشال طلعنة وبس سيارة حيدر صعد عمو بصفة وامة وهيام واني نجعصت هنة سمان☹ وظل الطريق كلة عين علية من الجامة وعين يسوق بيهه وصلنة وكبل للغرفة نعسانة طبيت لبست دشداشة كيمونة قصيرة سودة وبيهه احمر وتغطيت شوية واجة تمدد
حيدر : اميرتي
ريتاج : همم
حيدر : مشتاقلج
ريتاج : هوة يوم واحد
حيدر : لو نص يوم اشتاقيتلج
ريتاج : حيدر والله نعسانة شوية
حيدر : اششششش ماشبعتي نوم
ريتاج : لا
حيدر : شوكت كعدتي
ريتاج : ب12
حيدر : ونعسانة ولج اني شاكول من ال6 وعلى هاي كعدتي
ريتاج : متنام منو لازمك
حيدر : تعاي نامي بحضني لتنامين هيج
ريتاج : انداريت علية حضني ونمنة ماحسيت الة وهوة يكوم وصوت التلفون يوذن طفة التلفون وكام لبس وتوضا الساعة ب6
وللحكاية بقية
