بارت 12 هدية لعيونكم😘
#للقدر_رائي_اخر
ابتسم واتقرب مني وكال
حيدر : والله لو بأيدي اسوي
ريتاج : افتح الباب
حيدر : واذا مفتحتهه
ريتاج : اكولك شنو هاي والله اكول لمحمد وعمو حسين
تقرب ولزم شعري
حيدر : متكوليلهم يلا صيحيهم
دنكت وهمستلهه بأذنهه اليحب ميخاف ياحلوة لو يوكف بوجه الموت
وجهه صار احمر من الخجل وضلت صافنة بعدهه مصدومة 😂
رحت فتحت الباب
حيدر : وين صفنتي
ريتاج : هاا يلا جاية
طلعت واحس وجهي صار احمر عزة شكد يخجل كمت اهفي على وجهي واحجي وي نفسي اي لو يموت ماقبل بي كل عقلة نزلت للمطبخ
ام حيدر : ها يمة بينتي وين جنتي
ريتاج : خالة جنت فوك متمددة لان نعسانة بس طارت نومت عيني مكدرت انام ونزلت
ام حيدر : ها زين
ريتاج : رحت للهول لكيت ولد عمتي كاعدين وبنات عمي ولد عمي والجهال هوسة اجتي يمي حوراء اخت حيدر
حوراء : ها رتوجة شلونج
ريتاج : هلاو حبيبتي بخير وانتي
حوراء : الحمدلله اكلج صدك حيدر خطبج
ريتاج : لا ماعرف بهيج موضوع منو كلج
حوراء : هسة قبل شوية جانو يحجون يلا هسة يكلولج
ريتاج : ماعرف بعد
حوراء : انتي شنو رأيج موافقة مو
ريتاج : هالشي راجع الية اني اقررة
حوراء : برة شكتلج اني من شوكت البنية ترفض اب عمهه
ريتاج : اني مرفضت لتفسرين كلامي بعدين مال ابن عمي تمشي عدكم هالعادات مو يمي من رخصتج حبيبتي
كمت واحس نفسي نار طلعت برة بالحديقة الخلفية كعدت ع المرجوحة تمددت وخليت ايدي جوة راسي ابجي واسئل نفسي واجاوب
معقولة اتزوج وكل طموحاتي تروح؟
لالا مستحيل ماريد اني اكرهه
زين اذا جبروني شلون ؟
ميجبروني شنو وين كاعدين
خليت ايدي على وجهي احس اختنكت يالله شوي وحسيت خيال كبالي
مصطفى : ها رتوجة شبيج ليش تبجين
ريتاج : ماكو ضايجة شوي
مصطفى : هممم رتوجة اريد احاجيج بموضوع
ريتاج : عمو زواج ماتزوج من الاخير اكلك
مصطفى : شبيج منو كلج؟
ريتاج : حوراء كالت وهالشي مو مهم الامهم قراري
اخذ نفس وكال
مصطفى : شنو عمو ليش متردي حيدر خوش ولد وحباب وملتزم وين تلكين مثلة
ريتاج : عمو الله يخلي لشبابة اني ماريد ازوج عدي طموح واريد اوصلة
مصطفى : باباتي اذا ع الدراسة يخليج تكملين هالشي اكيد
ريتاج : انداريت علية والدموع غصب عني تنزل
مصطفى تجبروني لو شنو داكلك ماريد اتزوج هالشي مو غصب هاي عمر كامل مو يوم ولا يومين يعني جبتوني حتة تزوجوني ؟
مصطفى : لا مو هيج لا غصب ولا شي بس اريد افتهم ليش رافضة احد بالج لو غير شي؟
ريتاج : مصطفى شنو شبيك متعرفني محد بالي اني محاطة بالي اتزوج وبس كافي عوفوني بحالي
رحت ع المغسلة اغسل احس اكو غصة بكلبي ائذتني حيل بركبتي ابجي ومدتروح تعبت واختنكت وحدي والدنيا افترت بية كوة لزمت نفسي
نهى : يلا رتوجة تعاي صبينة غدة
ريتاج : هسة شوي واجي بس اغسل
نهى : تمام حبي
ريتاج : غسلت وجهي بس عيوني وارمات مبين باجية اني بسرعة يبين علية رحت وكوة امشي مالي نفس اكل بس استحي رحت
حسين : تعاي رتوجة يمي اكعدي باباتي
ريتاج : اي عمو اجيت
كعدت اكل بس بالي ابد مو يم الاكل كوة لازمة نفسي الكل انتبهه لهل شي بس محد حجة شي شوي وكمت حتة ماتذكر شأكلت لو شنو جان الاكل غسلت وكعدت ع الدرج
حيدر : ريتاج ليش مااكلتي؟
ريتاج : باوعت علية ونزلت راسي مالي خلك اجاوبة
حيدر : مو احجي وياج
ريتاج : عفية عوفني بحالي والرب مالي خلك
حيدر : ليش اكو احد مضايقج متضايقة من شي
ريتاج : محد مضايقني عوفني بحالي
وكمت صعدت لغرفة نهى اريد ابجي مخنوكة صعدت وبجيت كومة تعبت حتة من البجي بس الخنكة مجاي تروح تعبت وماحسيت على نفسي شوكت نمت بس كعدت على باب الغرفة
نهى : شنو شبيج ريتاج ليش باجية شمسوية بنفسج
ريتاج : عوفيني بحاليييي ماريد احد
نهى : احجيلي بلكت اكدر اساعدج
ريتاج : متكدرين
نهى : بس لتبجين وفهميني حيدر شكال
ريتاج : اووف عفية كافي والله مخنوكة ماريد احجي
نهى : ولج والله حيدر حباب لتشوفي عصبي والله اول مرة يفتح موضوع الزواج شكد جنة نلح علية بس ميقبل
ريتاج : ياصخام هوة اني كلبي خلصان عفية روحي مني
نهى : يا ولي مو صوجج عندي بشارة الج تطيرين من الفرح بس ماكلج
ريتاج : اذا ع الخطوبة لتحجين
نهى : لا والله شغلة ثانية
ريتاج : كولي
نهى : عكب باجر ح نروح للنجف
ريتاج : عززززا لا والله
نهى : اوي وجع على كيفج
ريتاج : يعني اكيد نروح منو ومنو
نهى : اي اكيد نأجر كية ونروح احنة ومحمد ومرتة ومصطفى بس انتي مناخذج
ريتاج : ليش عود
نهى : بكيفي شعليج
ريتاج : يااا دولي عبالي صدك
نهى : لا لج والله نروح شبيج
ريتاج : اوي لج فد مشتاقتلهم كون نبات
نهى : واذا نبات قابل لليل تبقين بالمكبرة
ريتاج : ابقى عمري كلة هناك والله
نهى : ومتخافين عليج الله؟
ريتاج : لا طبعا اخاف بس نهى انتي امج وابوج كبالج الله يحفظهم ويطول بعمرهم انتي يمكن سبوع كامل بالهواي عايفتهم مو مثلي عمري كلة مشايفتهم وعود اروح بين فترة وفترة شاشبع
وللحكاية بقية..
هم كولو شوية😌
