للقدر رأيي اخر
بارت 21
حيدر : همممم جريتهه ودفعتني كمت مكاني شنو شبيج
ريتاج : وين جارني شنو شبيك
حيدر : شنو نسيتي انو انتي مرتي ؟
ريتاج : لا منسيت كافي
حيدر : شنو الكافي شسويتلج اني
ريتاج : حيدر عفية والله مالي خلك اتعارك
حيدر : جريتهه من ايدهه بالله اذا نعادت هاي الحركة لاكسر راسج دفعتهه ونزلت صعدت السيارة ورجعت سبحت ونمت
ريتاج : صك سنونة وكال أذا عدتيهه اكسر راسج وراح خفة وراحة شلون الي خلكة من الصبح ورة منزل نزلت جوة محد بالبيت اخذت عصير برتقال طبيعي وطلعت برة الجو حلو كعدت ع المرجوحة الله حلو الجو اخذت فوني حيدر ناشر صور الخطوبة مغير الشخصية وكاتب شعر حلو مسوي الحالة خاطب واسمي واختة مسويتلنة تاكات علقت وضليت اكلب راسلت نهى وجابت طاري بالرغم مسئلتهه كالت اجة عصبي سبح ونام حتة ماتغدة كتلهه مادري بعد ضلينة نحجي ع الدوام اجة محمد وياة ايناس هية معلمة بمدرسة ابتدائية سلمت وصعدت فوك دابدل ولكيت الحلقة مال حيدر اووو نسيت البسهياا يلا من يجي انطياهيا مر ليوم عادي تعشيت وصعدت فوك داكلب بالفون وخابرني جاوبت
ريتاج : الو
حيدر : ها شلونج
ريتاج : بخير وانتة
حيدر : الحمدلله ليش ماخابرتي؟
ريتاج : ...
حيدر : احجي وياج وينج
ريتاج : وياك
حيدر : شنو شبيج
ريتاج : ماكو
حيدر : لعد ليوم ليش وخرتيني صاير شي؟
ريتاج : مو هيج
حيدر : لعد شلون
ريتاج : لان بعدنة يعني لبارحة خطبنة انطيني فرصة اتعود عليك
حيدر : خوش تجون باجر؟
ريتاج : وين؟
حيدر : باجر جمعة شبيج
ريتاج : ها اي
حيدر : شراح تلبسين
ريتاج : مادري
حيدر : لبس مستور وطويل لا ايدج تطلع ولا جسمج الشال متذبي ابد حتلو ماكو احد بالبيت
ريتاج : لا والله؟
حيدر : اي والله
ريتاج : يعني شنو منا وجاي البس شال
حيدر : اي
ريتاج : لا عفية والله ملابستة بحياتي حتة شالات ماعدي
حيدر : اخذي من ايناس وحسبي حساب نتغدة ونطلع العصر عود اشتري ملابس طوال وشالات
ريتاج : زين بس باجر
حيدر : ريتاج لا يعني لا متخطين خطوة اذا مو شال واذا سمعت نازعتة كدام احد اطيح حظج
ريتاج : ليش تغلط
حيدر : شي من اكولة مرة وحدة يعني يتنفذ شكد متظلين تلحين بي كلامي ميصير ثنين
ريتاج : اي بس اني فعلا ممتعودة يعني تريدني هيج بيوم وليلة اتغير هم ميصير
حيدر : لا يصير
ريتاج : بس باجر
حيدر : ولا يوم
ريتاج : ترا ماصارت هاي
حيدر : لتعلين صوتج
ريتاج : اي يعني ميصير هيج
حيدر : كافي لتلحين
ريتاج : اهوووو انتة الكافي
حيدر : ريتاج اول واخر مرة اكلج لتجاوزين ولتعلين صوتج لا اسوي شي ميعجبج
ريتاج : اي زين افتهمت
حيدر : عفية بالشاطرة شكو ماكو
ريتاج : ماكو شي كلهم نامو
حيدر : كومي صوريلي شراح تلبسين باجر
ريتاج : بعدني ممقرة
حيدر : ضلي وياي ع الخط ودزيلي الصور
ريتاج : اوك
ضليت فاتحة خط وصورت تيشرتاتي كلهن دزيتلهيا
حيدر : بربج ماعدج غيرهن
ريتاج : شبيهن ليش مو اكو ردان
حيدر : كصار يمعودة
ريتاج : مو كلش
حيدر : يمعودة كلهن كصار شسالفة
ريتاج : اي هذا العدي شسوي
حيدر : ذني كلهن بعد مينلبسن
ريتاج : لعد شالبس
حيدر : باجر نروح ونشتري
ريتاج : وباجر شالبس
حيدر : هاي المصيبة
ريتاج : اي
حيدر : اجي عليج واجيبلج من نهى واحد
ريتاج : لالالا
حيدر : شكو شبيج
ريتاج : لا عفية ماريد
حيدر : ليش
ريتاج : ماريد
حيدر : بس باجر
ريتاج : لا عفية والله جسمي كلش حساس ماكدر
حيدر : استغفر الله ربي واتوب اليك ادري فهميني شلون لعد
ريتاج : هسة مو كم مرة جايتكم بيهن ومرتين طلعنة ولبست منهن هذا الزيتوني ردان وحتة مو خفيف والبس ويا شال
حيدر : كصير يمعودة البسي جواة بدي طويل
ريتاج : ليش مالبس عباية ؟
حيدر : الله تخبل عليج
ريتاج : لا بلة ترة ميصير هيج
حيدر : لا يصير يعجبج يعجبج ميعجبج ابقي بالببت
ريتاج : والله لوما اخاف جان بقيت
حيدر : هااا
ريتاج : اي والله
ضلينة نسولف وكوة قنعتة البس هذا القميص وجواة كيمونة طويلة ل2 وكتلة نعست كال اوك ونمت وب10 هيج شي ايناس كعدتني
ايناس : يلا عيني كومي
ريتاج : اممممم نعسانة
ايناس : دكومي عيني راح نروح يلا
ريتاج : اي كمت كمت
كمت غسلت وجهي ولبست حطيت مكياج خفيف اساس ومصحح حاجب ومسكارة اجيت دالف الشال محلو رحت ع ايناس اخذت منهه قراصة جبيرة لبستهه وهيج خليته شمرتة من صفحة وحدة فدوة لالله شون حلو علية ههههه اخذت فوني والحلقة حطيتهه بجيب البنطرون ونزلت شافوني اتفاجئو ومصطفى ظل يصنف بس كالولي كلش حلو عليج وصلنة وسلام وسوالف بس حيدر ماكو نهى كالت اصعدي كعدي بعدة نايم راح تصير الصلاة كتلهه شعلية اني كعدي انتي ضلت تلح صعدت فوك فتحت الباب ضلمة بس الانارة مال ميز تواليت مفتوحة والله غرفتة تسوي واهس للنوم داكعدة كتلة حيدر جان يعيط
حيدر : عوفوني مطمور
ريتاج : اوك براحتك
مااحس الة ايدي انجرت
حيدر : ول يابة شهالصباح الحلو المصبح بي على وجهج
ريتاج : حيدر شوية ايدي دتأذيني
وخر ايدة وباس ايدي وكام نسيت نفسي،خرب حظي جان لابس شورت اخذ منشفة وطب للحمام من اطب للغرفة هيج مثل الكليدور بي تخم وبلازمة وحمام عدلت الجرباية طلع ولاف الخاولي ع بطنة عاد اني هنا وجهي كام ينطي الوان كبل انداريت ضحك واني طلعت دامشي ع الدرج اووو نسيت تلفوني رجعت دكيت الباب صاح ادخل جان لابس تيشيرت نص ردان وبرمودة ديمشط بشعرة ابتسم وكال تعاي
ريتاج : نسيت تلفوني
حيدر : ها
ريتاج : اي حيدر هاي حلقتك نسيتهه بيوم الخطوبة
حيدر : هاا شلون عرفتي قياسي
ريتاج : على اصبع مصطفى
حيدر : تسلمين حبيبتي
ريتاج : الله يسلمك
حلقة فضة وبالداخل نبض وبالخط مال نبض حرفي وحرفة لبستهياة باس ايدي وباوع عليهه
حيدر : ليش ملابسة الخاتم
ريتاج : مو اخاف يضيع بي شوية كبر علية
حيدر : ها يلا نزغرة
ريتاج : اي
حيدر : ريتاج الحلقة لتنزعيهه نهائيا
ريتاج : ماشي
حيدر : شكلت من اكلج على شغلة ؟
ريتاج : صار
حيدر : عفية بالحبابة يلا تعاي ننزل
ريتاج : نزلنة جوة الانظار علينة ضجت راح هوة للديوان واني وي البنات بالمطبخ نزعت الشال اختنكت ضلينة نسولف شوية وصارت الصلاة ضليت كاعدة ع الميز اكلب بالفون همة راحو يصلون وفجأة خيال كبالي رفعت راسي حيدر
حيدر : يعني اني شكلت ليش متسمعين كلام والتالي وياج
ريتاج : شنو شبيك
حيدر : مو كتلج لتنزعين الشال وصيتج
ريتاج : محد بالبيت
حيدر : شلغيت البارحة مو كتلج حتة اذا محد بالبيت بعدين منو كلج محد هاي كلهه الولد هنا واخواني وفوكاهه كاعدة بالمطبخ
ريتاج : هاهية لبستة
حيدر : لفي عدل وضبي ولظلين كلساع شامرتة
ريتاج : اوك
حيدر : يلا لفي عدل
ريتاج : اي اي افتهمت
حيدر : عفتهه ورحت صليت وكملت كعدنة بالاستقبال عمامي والولد صبو الغدة دفعتهه نهى كالتلهه روحي كعدي يم رجلج هههه اجتي بس فد فاهية خرب يومهه انطيتهه لحم متاكل شلعت كلبي كلشي متاكل بعدين كامت كالت شبعت وهية ربع ماعون مااكلت كملت ورحت اغسل لكيتهه كاعدة
حيدر : ها شبيج
ريتاج : نعسانة
حيدر : هههههه تنبل مال نوم
ريتاج : والله كعدوني ب10
حيدر : روحي نامي
ريتاج : هوسة وين انام
حيدر : نامي بغرفتي هدوء
ريتاج : لا
حيدر : صعدي نامي محد يجي ماصعد اني راح اشرب جاي واظل كاعد يم الولد العصر نطلع
ريتاج : ماشي شكرا باي
حيدر : هههه خبلة
ريتاج : صعدت نمت فتحت السبلت نزعت الشال بلة شلون راح انام بذني الملابس نزعت القميص ضليت بس بالكيمونة تغطيت ونمت
حيدر : راحت نامت شربت جاي وضلينة سوالف وتحشيش ونركيلة صارت ب4 اخذت تلفوني والجكاير وصعدت اكعدهه حتة نرجع من وكت طبيت هدوء والغرفة ثلج طفيت السبلت اباوع هاي صايرة ثلج والخشم احمر اصابعهه زرك ولابسة كيمونة خرب يومج
وللحكاية بقية ...
