بارت 25
ريتاج : نزلنة وجان حاط ايدة على جتفي باوعولنة وابتسمو وضلو يحجون ويكولون عصافير الحب والعالم تعاركت من وراكم ضحك حيدر وكال
غير رويحتي هاي شلون ازعلهه وباسني كدامهم عزة شكد استحيت وكلهم ضحكو وشوية وترخصو راحو وطبيت اباوع الساعة 12 ونص صعدت كبل نمت كعدت ع صوت حيدر يكعد بية
حيدر : كومي عاد
ريتاج : اوي شنو شكو
حيدر : كومي داحجي وياج
ريتاج : كمت واني مطفية وكلشي ممفتهمة باوعت الساعة 7 كتلة شنو شكو من الصبح
حيدر : انطيني الجنسية مالتج
ريتاج : ليش
حيدر : اريد اقدم ع المحكمة حتة نعقد
ريتاج : شلون يصير واني ابوية متوفي وامي هم
حيدر : عمج ولي امرج
ريتاج : ومنو راح يكون وليي امري
حيدر : محمد
ريتاج : مادري وين حاطتهن
حيدر : يلا لتعطليني
ريتاج : كمت دورت لكيتهه اطيتهياه باسني وراح رجعت نمت كعدت ب12 ايناس تكعدني نزلت دااغسل لكيت حيدر كتلة بس ابدل كال على راحتج غسلت وجهي ولبست واني كلشي مقارية بس حضرت الجدول نزلت كال يلا صعدنة
ريتاج : اكول وين نهى
حيدر : هسة راح امر عليهه
ريتاج : ليش وين جنت
حيدر : بالدوام اخذت زمنية
ريتاج : هاا وك
حيدر : جبتلج ملازم مال كل المواد بالصندوك اليوم اجيبلجياهن والكتب عكب باجر يجيبولياهن
ريتاج : اييييي همزين شكرا
وصلنة لبيتهم دك هورن صعدت سلمت علية وكعد يوصي بينة لان خط ومن المدرسة للخط وعينجن مترفعنهه وع البس وهواي حجة وكلامة موجهه الية وصلنة ونزلت هم دروس واجبات بالفرصة الثانية اجتي علية طالبة من الصف ظلت تحجي واني ساكتة وتسولف مدري منو كايللهه عرفينة وسئلتني
اكول انتي يامواليد
ريتاج : 2000
وين بيتكم
نهى : ليش شتريدين بيتهم
لا هيج اسئل حبيتهه حيل حلوة
ريتاج : تسلمين عيونج الحلوات
ضلت تحجي ونهى كالتلهه من رخصتج وجرتني وكالت اوي شكد لزكه ضحكت ضلينة نتمشى وراهه دك الجرص ودروس باخر درس اجتي المعاونة
وين ريتاج مهند ونهى حسين
رفعت ايدي كالت اليوم ترجعون وي خط ابو محمد
ريتاج : ست ياهوة منعرفة
البنات كالو احنة نوديج علية اكو بالشعبة ويا حيدر مسجلنة ويا دك الجرص لفيت الشال وطلعنة صعدنة اخر شي اني ونهى وكال هذا مكانكم لتغيرو رجال جبير بالاربعينات وحباب وصل نهى لان بيتهم بداية الشارع وذبني وكال قبل لا اجي الكاج متحضرة حتة الحذاء لابستة ماريد تأخير هزيت راسي ونزلت جان ولد واكف بصف بابنة يمكن جيرانة وامة دترش الباب دنكت راسي ومشيت بدلت وباوعت ع التلفون او 35 مكالمة خابرتة رفضة وخابر
حيدر : هلا بعصفورتي شلونج
ريتاج : بخير وانتة
حيدر : الحمدلله شخبار الدراسة
ريتاج : زينة حلوة المدرسة
حيدر : ها وصادقتي بنات
ريتاج : لا بس وي نهى
حيدر : ههههه ليش
ريتاج : ماريد
حيدر : براحتج شكو ماكو
ريتاج : ماكو سلامتك
حيدر : اكلج صدك
ريتاج : ها
حيدر : وعلا شوكت توبين من هاي الها مالتج
ريتاج : كول عيني
حيدر : ماكو حبيبي حياتي صخام بعينج
ريتاج : يعني ماكدر بعدني ممتعودة شتريد اجذب ؟
حيدر : وشوكت تتعودين خانم
ريتاج : مادري
حيدر : ميخالف عمي جذبي
ريتاج : ماعرف اجذب
حيدر : ريتااااج وتاليهه
ريتاج : شنو
حيدر : ماكو سلامتج باجر كعدي من وكت اجيج ب7
ريتاج : ليش مو سجلنة خط
حيدر : لا باباتي نروح نعقد محكمة
ريتاج : باااجر!
حيدر : اي
ريتاج : لا والله
حيدر : وعيونج
ريتاج : ليش
حيدر : شنو ليش بابا شبيج
ريتاج : ماكو بس مو دتستعجل
حيدر : لا علواة هسة لو يمي وانتي تكعديني واكابلج واكل وانومج بحظني
ريتاج : بس اني ماريد هسة عبالي بالعطلة
حيدر : هههههه ترديني اصبر للعطلة
ريتاج : اي
حيدر : لا حبيبي عفت الصبر الج
ريتاج : اوك شوكت تجيبلي لملازم اريد اقرة
حيدر : ورة صلاة العشة
ريتاج : اي وشوكت صلاةالعشة
حيدر : ب8 الا عشرة تعاي ليش انتي متصلين
ريتاج : لا
حيدر : لا حبيبي التزمي بصلاتج متاخذ من وقتج غير ل5 دقايق
ريتاج : ضليت ساكتة كال
حيدر : يلا من نزوج التزمي بيه نصلي اني وياج
ريتاج : اوك
حيدر : يلا روحي خ اصلي واجي
ريتاج : اوك باي
حيدر : هلا
ريتاج : سديتة وتمددت وغفيت كعدت على صوتة وهو يكعدني
حيدر : ولج شبسرعة نمتي
ريتاج : نعسانة خل انام
حيدر : كومي عازمج على عشة
ريتاج : ماريد
حيدر : كومي انتي شباقي بيج باجر من نكمل نروح اسويلج تحاليل
ريتاج : ماريد نعسانة
جريت الغطا ماحسيت الة عظة بخدي كمزت وضليت افرك بخدي
ايييي هوة هيج شبيك
حيدر : هههههههه مشتهي تفاح
ريتاج : بلة اكو واحد هيج يكعدو من النوم
حيدر : ههههههه
ريتاج : نننننننن
حيدر : تعاي نوصي اكل
ريتاج : جرني الة وفتح تلفونة
حيدر : شمشتهية تاكلين
ريتاج : مادري كيفك
حيدر : معلاك زين الج
ريتاج : اييييع ماحبة
حيدر : لج لتكولين على نعمة الله هيج حرام
ريتاج : اي ماحبة نفسي تلعب منة
حيدر : راح اوصي لفات همبركر تمام
ريتاج : منين
حيدر : صديقي عدة مطعم نضيف وجبيرة الهبركر مالتة ومقبلات
ريتاج : ماشي
راسل صديقة وديكتبلة 4
ريتاج : اوكف المن
حيدر : الي والج
ريتاج : وشدعوة 4
حيدر : ها انتي تشبعين بوحدة
ريتاج : ويبقى منهه هم
حيدر : ههههه معدة لو عصفور ولج
ريتاج : خابرة وصة 3 ومقبلات كالو نص ساعة ويوصل تمدد ع جرباية وجرني بحضنة ضل يسولف وراهه خابرة ابو التوصيل طلع جابهن واجة اني اكلت مقبلات ونص لفة وشبعت وهوة اكل لفتين ومقبلات وانطيتة النص الثاني مالتي ماكال باطل ضليت هيج اباوعلة😐
حيدر : ها شبيج
ريتاج : انتة عظام😂
حيدر : اعوذ بالله حطيتي عينج لعد هاي الضخامة منين جاية من الجباسة والببسي
ريتاج : ههههههه
حيدر : شبعتي تردين اجيبلج شي
ريتاج : لا شبعانة ماريد
ضلينة نحجي واتفقنة ع ملابسي وكال خلي التلفون عام وراح داعزل الغرفة وخابر ضلينة نحجي وراهه كال تعالي نحجي ع الواتساب حجينة شوية
ريتاج : اكول حيدر صدك شخبار البوم الصور مال نيشان
حيدر : خابرتهم باجر اجيبه
ريتاج : يعني كمل؟
حيدر : اي كمل
ريتاج : سولفنة شوية وكال نامي حتة لتتأخرين نمت كعدت ع المنبة 6 نزلت غسلت وجهي صعدت خليت اساس ومصحح حاجب وهايلايتر وجريت لاينر طلع كلش حلو خليت باودر وخليت حمره بيجي حلوة هادئة بس عيوني برزن حلوات لبست قميص اوف وايت طولة زين مو كصير وبي كيبور اسود بس مبطن وبنطرون اسود وشال اسود وترانشوز اوف وايت والحجل والسوار والحلقة والمحبس الالماس خابرني كال ترا جاي كتلة اني مكملة اخذت فوني وجنطة سودة وصور خاف احتاج رحت لمحمد ديعدل بشعرة خابر حيدر كال وصلت كتلة طالعين طلع محمد قبلي عدلت الشال وطلعت صعدت ليورة ومحمد بصفة ليكدام اندار علية
حيدر : هاي شنو المكياج
ريتاج : شنو شبي
حيدر : شلاغي اني ع المكياج
محمد : يمعودين كولو يالله من الصبح تتعاركون هسة لوما انتة وياهه
حيدر : محمد لخاطر الله انتة متعرف هناك شلون يباوعون ياكلون الوحدة اكل حتلو لابسة عباية
محمد : والتالي هاي تظلون يومية معارك والعالم تتعارك من وراكم كافي عاد
حيدر : خوش يصير خير
ريتاج : ضل يسوق وهم اعصاب ويمشي سريع وازدحامات ولعبان نفس ب8 ونص يلا وصلنة نزلت دايخة طبينة مافتشونة بس اخذو التلفونات لان هنا كلة معارف حيدر لزم ايدي وطبينة كال راسج بالكاع وكل شوية جاي احد ومسلم علية وهالشي سهل علينة الاجراءات كعدنة ع الكراسي اني ومحمد وكال هسة اجي مدري وين راح شوية واجة كال
حيدر : عدج صور
ريتاج : اي طلعتهن خنزر علية
حيدر : ذني شوكت
ريتاج : بالعطلة اخذتهن
حيدر : ذني بدون شال
محمد : ديلة ياعيني هسة منو راح يشوفهن
حيدر : لا كومي ناخذ صور
ريتاج : مشينة طكينة صور فورية اخذهن وطلعنة احتاج محمد كال كومي متبقين وحدج رحت وياهم وهوة لازم ايدي كملنة كلشي طبينة للقاضي عقدنة جان ب ٢٠١٧/١٠/٥ وطلعنة
حيدر : يلا عازمكم على ريوك بمناسبة هاليوم الحلو
ريتاج : ابتسمتلة تريكنة ومحمد كال يلا لازم ارجع وليوم اجيب ايناس صعدنة بالسيارة رجعت راسي ليورة وغمضت عيوني نعسانة فتح اغنية حلوة
حيدر : اي مرتي وين عاجبج نروح
ريتاج : نعسانة اريد ارجع انام
حيدر : ههههههه ولج بعد ماكو نوم لازم نركض والعشة خباز
ريتاج : ههههههه ليش
حيدر : اول شي كملي جهازج وراهه نسوي الجناسي مالتنة ونشتري غرفة ونبدي نجهز بالعرس
ريتاج : حيدر شسالفة ليش هيج مستعجل
لزم ايدي وباسهه
حيدر : اريدج يمي ميصير؟
ريتاج : بس شدعوة هيج مستعجل
حيدر : لاحبيبي مامستعجل
وهسة وين عاجبج تروحين
ريتاج : وين
حيدر : اكول صدك انتي وي منو تجهزين
ريتاج : وي خالة
حيدر : ملابس الطلعة عوفيهن اني وياج نشتريهن
ريتاج : اوك قابل هسة
حيدر : اي اتفقي وي خالتج واني اوديكم
ريتاج : حيدر شنو بيوم وليلة
حيدر : لا حبيبي اخذي راحتج بس من تردين تطلعين اني اوصلكم وياريت هاليام مدام ماعدج امتحانات
ريتاج : بس عندي تحاضير يومية
حيدر : وعيونج ساعتين متطولين اذا تردين اني اقريج
ريتاج : لا اني اعرف اقرة
حيدر : وهسة نروح للمول تشترين شي؟
ريتاج : لا
حيدر : لعد وين نروح البيت فارغ مابقيج
ريتاج : خ نروح للزوراء😐
حيدر : هههههه والله خوش فكرة
ريتاج : صدك نروح ؟
حيدر : اي الجو حلو اليوم نروح ليش لا
ريتاج : الله صار هواي مرايحتلهه
لاف السيارة وصلنة كص باص طبينة تمشينة رحنة لحديقة الحيوانات اول واشترينة شعر بنات انطلقنة حيل اني ويا وضحك وسوالف بس لاتخلو من عدلي شالج نصي صوتج نزلي راسج شعرج طالع اووووو
بعدين رحنة للالعاب
ريتاج : اييييي حيدر خلي نصعد دسكفري
حيدر : شبيج مخبلة عاقلة لا تخوف
ريتاج : حباب حباب امشي
حيدر : لا ابوية انتي خطرة وانتي عاد منا متخافين هسة تخبصيني
ريتاج : ماخبصك حباب اريد اصعد امشي
حيدر : شوفيلج غير لعبة
ريتاج : لا حباب اريد هاي
ظل يكلي لا لحد ماعجز وكال امشي بس اذا صيحتي حظج اطيحة صعدنة وخلو الحزام لزمت ايدة قوي واول مبدت وعطت وهوة ظل يغلط
ويكلي سكتي واني خفت اني ثولة اكثر من مرة اصعد بيها واصيح ومن انزل اكوم ماخاف بس لعبت نفسي ودخت وتعبت من العياط اخر شي هدت العبة وحيدر يتوعدلي بس ننزل يطيح حظ حظي بس انفتحت الاحزمة دخت مكدرت اكوم اجة هوة ديجرني
حيدر : شبيج كومي شيوجعج
ريتاج : نفسي دتلعب مداشوف
حيدر : كومي تعاي ننزل يلا خلصنة
ريتاج : مااكدر
حيدر : كومي اني اسندج
ريتاج : نزلنة واني دايخة واريد اذب من راسي وهوة حاير ويكول هاي من لعبة وهيج ادري شجاج شبيج
ريتاج : اريد اروح للحمام
حيدر : ماشي امشي
ريتاج : اخذني وانطة فلوس احس اختنكت طبيت كبل زوعت شوية ارتاحيت واستقرت معدتي وراحت الدوخة غسلت وعدلت مكياجي رشيت عطر وطلعت
حيدر : ها حبيبي شلون صرتي شبيج نروح للمستشفى
ريتاج : لا صرت تمام امشي نلعب
حيدر : بالله نجبي ولتخليني اغلط على عمي تريد تلعب اني بعد اجيبج لمدينة العاب توبة
ريتاج : لا شبيك حباب غير جنت توني ماكلة ميصير هيج
حيدر : لا يصير وانجبي
ريتاج : اريد اركب مرجوحة😐
حيدر : اكلج انتي زغيرة
ريتاج : اي كل عمري 17 شنو من كبري
حيدر : ماكو مرجوحة
ريتاج : حباب والله بنفسي
حيدر : كافي يولي
ريتاج : اريد مرجوحة والله هسة اتربع هنا وابجي
حيدر : وين اكو مرجوحة
ريتاج : اكو ذيج
ركبت ودفعني😂 جد تونست واخذنة كومة صور وراهه تمشينة ورحنة ع المي وطكينة صور وتمشينة
ريتاج : الله حيدر مداعمات عليك الله نصعد
حيدر : نجبي
ريتاج : هاي شبيك والله حلوات
حيدر : انجبي
ريتاج : لاااا حباب شسالفة غير جايين نتونس ويوم حلو
حيدر : وتتخربطين علية
ريتاج : هنة سيارت ونسوقهن حباببب
حيدر : امشي فضيني
ريتاج : صعدنة سيارات وجهال شكد حلو كملنة واخذنة صورة وضلينة نفتر وراهه كعدنة بحديقة وبيهه ميوزة كبالنة جهال يلعبون بالزحليكات شكد حلوين ضليت صافنة عليهم
حيدر : ديري وجهج عليمن صافنة
ريتاج : شوف الجهال شكد حلوين
حيدر : هههه تحبيهم
ريتاج : الاطفال الهادئيين بس من توهم جايين للدنيا
حيدر : امممم واميرتي الحلوة شوكت عيد ميلادهه
ريتاج : ٢١/٢٨
حيدر : احلة يوم بالدنيا هالسنة نحتفل
ريتاج : لا طبعا
حيدر : ليش؟
ريتاج : يصادف وفاة امي
كلتهه وتلقائيا نزلت الدمعة من عيني وراهه شلال دموع كام ينزل ماعرف ليش وشبية اول مرة هيج حسيت بالضعف واشتياقي الهم صار هواي مزايرتهم
حيدر : لالالالاشبيج شسالفة توج تضحكين وتشاقين كافي ليش هالبجي يروحي اصيرلج ام واب فدوة لعينج كافي تبجين
ريتاج : ضليت ابجي جنت مخنوكة وهوة يسكت بية هديت ومسحت وجهي همزين ممصخم كال يلا امشي نطلع صارت دنيا العصر
ريتاج : بيش الساعة
حيدر : 3 الا عشرة امشي نطلع نتغدة
ريتاج : ماشي
طلعنة ورحنة المطعم كعدنة
حيدر : اي حبيبي شتحبين تاكلين
ريتاج : مادري بكيفك
حيدر : باجة
ريتاج : لا شسالفة
حيدر : هههههه لا اشاقة كباب؟
ريتاج : عادي
صاح ع العامل طلب نفرين كباب جابو المقبلا وراهه كباب بس شيش جبير حيل اكلنة وكمت غسلت اجيت كال بس اشرب جاي خابرني محمد سئلني وين كتلة دنتغدة كال خوش كمل حيدر حاسب وطلعنة صعدنة بالسيارة ومشة
ريتاج : اكول وين رايحين
حيدر : نسوي تحاليل مو الممرضة كالت سولهه تحاليل
ريتاج : ميحتاج لان جنت مماكلة
حيدر : لا ميصير لازم
ريتاج : اوك
نزلنة مختبر كالو سوي تحليل دم وادرار رحنة ع المحللين بس شباب وحيدر مقبل جرني
ريتاج : شنو شبيك غير يسحبون دم
حيدر : مدشوفيهم بس شباب تطلعيلهم ايدج
ريتاج : هسة واذا راح يباعون علية
حيدر : انجبي بلا
ريتاج : راح افتر المختبر ورجعنة لكينة بنية سحبت مني دم وكالت سوي تحليل مال ادرار وكالت انتظرو ربع ساعة وتطلع
كعدنة وربع ساعة وصاحو اسمي رجال بس جبير كال وين اهلهه
حيدر : اني رجلهه ليش
ابني بتحليل الدم عدهه فقر دم وهالشي ميصير لازم تاكل اكلات يزيدن دمهه ولا يصير عدهه فقر دم حاد وعدهه نقص فيتامين c ولازم تعوض ميصير والتحليل الثاني عدهه التهابات بالمجاري البولية و3 صلايب جراحة خلي تراجع دكتور اخصائي
حيدر : هاهية مشكور
ها ولج ليش متاكلين
ريتاج : والله اكل
حيدر : ميصير بعد لازم بين يوم ويوم معلاك وخضورات حتة يزيد دمج
ريتاج : ايع ماحبهن
حيدر : تاكليهن غصبا ماعليج بعدين ليش،صاير عدج التهابات
ريتاج : من الجبس
حيدر : خوش جبس هم ماكو بعد
ريتاج : اي ليش لا
حيدر : ول يابة طلعتي عطلات
ريتاج : وخرت منة ضحك وجرني وكال امشي مو مال زعل صعدنة بالسيارة ورجعنة كبل للغرفة نزعت ولبست دشداشة قصيرة ونمت ماكعدت الة لل10 نزلت سبحت وتعشيت حضرت الجدول وقريت ب12 كملت جريت التلفون حجيت ويا شوية ونمت لان صباحي كعدت ع صوت المنبة ب7 غسلت وجهي بدلت ولفيت الشال ونزلت شوية واجة الخط صعدت ورحت هم دروس ولعبان نفس رجعت للبيت نعسانة نمت كعدت ع صوت التلفون حيدر سولفنة شوية
تسريع للاحداث
مرت الايام عادي بين يوم ويوم اطلع واجهز
ملابس حيدر يوديني جهزت كومة ملابس للبيت جوة اشتريت تراكسودات طوال وصورتهن الة كال زينات وبرمودات ودشاديش قصيرة وتراكسودات للغرفة وملابس نوم كومة اخذت ومكياج وعطور وملابس طلعة كال اني وياج نشتري بس هم اخذت تيشرتات وقمصان كومة صارن وسوة البطاقات مالتنة وهم جهزنة ملابس طلعة وجنط وترانشوزات وجان يوم جمعة المفروض نروح يمهم بس كال نطلع نشتري الغرفة واجة علية ورحنة اشترينة غرفة بيضة وذهبي تجنن ملكية على ذوقي وكلهم حبوهه وغرفتة اخذهه عمار ثاني يوم رحنة اخذنة فراشات وفرشات وبطانيات وشراشف وبردات وتيبلامات اخذنة هواي وي كل فرشة تيبلام وبردات رجعت هلكانة نمت لثاني يوم داومت ورجعت وسوالف ومر اسبوع وحددنة يوم زواجنة ١٠/٢٢ رحنة مابقة اسبوع اليوم جمعة والجمعة الجاية العرس رحنة حجزنة قاعة بالمنصور ومختلط وكالو لازم ندرب ع الطبة والركصة كال حيدر لاجر نجيهم اتفقنة نسافر لتركيا ورحنة اجرنة بدلات جان بنفسي تصميم بدلة ولكيت منهه بس حيدر مقبل كال قاعة مختلط ميصير بس كال نأجرهه نطك بيهه صور وراهه تبدلين الردان اجرت وحدة صلوخ وعريض ونازل ع الزند ومنفوشة مال باربي لونهه اوف وايت ومن جوة بورد ناعم حيل نازكة والثانية كلة كيبور هم اوف وايت بس كوة قنعتة ناخذهه لان شفافة شوية ومال حنة اجرت وحدة بنفسجية كلش حلوة مابيهه ردان ومنفوشة واخذت ثانية تركوازي قصيرة وحجزنة عد الصالون نفسة مال نيشان وهم جلسة تصوير خارجية كلة بيوم واحد كلش تعبت وحيدر يركض وميلحك خطية بس اخوانة ابد ماعافو حتة مصطفى داومت عادي بس اخذت اجازة 14 يوم وبما انو المديرة تعرف حيدر كوة قبلت الاربعاء رجعت دوامي صباحي هوسة ولزمتني اختة هيام كوة قبلت استحي بس ظلت تشاقة وتضحك شلعتني شلع طبيت سبحت وخابرت حيدر كتلة اطيني اجازة تعبانة ضحك وكال براحتج نمت كعدت ثاني يوم الخميس رحت للمركز تقشير واقنعة ومكياج بسيط وهادئ وتسريحة حلوة حيدر مقبل اصبغ شعري ولا اكص منة اجة اخذني وهم ضل صافن هههههه رجعت هوسة واني متوترة وارجف شوية وكالو اجوي طب كعد باسني من راسي وكدامهم يباوع خجلني حيل شوية وكمت لبست البدلة القصيرة رجعت ابتسم وهم بس يباوع وكل شوية غزل ومشاورني وراهه كام وضلن يركصن وفرحانات ابتسمت كملنة وطبيت سبحت اوف احس نفسي ثكيلة بالمكياج اوي هاي شلون يحطنة يومية خابرني سولفنة شوية ونمت
وللحكاية بقية
غلسو ع السحك😁
