بارت 32 والاخيييييررررر
#للقدر_رائي_اخر
ورجعنة للبيت ب12 وصلنة البيت ضلمة
حيدر : ياستار شكو تعاي
ريتاج : وين اخاف
حيدر : اي تعاي هاي فتحت لايت التلفون لزمي ايدي
ريتاج : طبينة هدوء بعدين طلع اخو احمد كلة الكهرباء عاطلة جرينة من التيل امبيرين ع الصوبة الكهربائية وكلنة راح نام بالاستقبال جيبو فراشكم وتعالو وحيدر كلة خوش صعدنة بدلت تراكسود وهوة لبس برمودة وتيشيرت نص ردان ونزلنة لكيناهم فارشيلنة بس همة نامو واحنة البنات ضلينة كاعدين ونسولف لصلاة الصبح كامو صلو رحت دانام هم كالب خلقتة وانطاني ضهرة هذا شبي
ريتاج : حيدر
حيدر : يا نعم شتردين
ريتاج : شنو شكو شبيك
حيدر : يعني شبية رايحة تكرطين سوالف مشبعانة منهن مو عبالك اليل والنهار يمهن
ريتاج : هيج ع الواهس
حيدر : والواهس ميجيجن الة بليل
ريتاج : هسة شنو شغلطت اني مفتهمت
حيدر : مدام اني موجود مترحين ولاتسولفين افتهمتي تبقين يمي بالله اذا عدتيهه لاهجم البيت فوك راسج
ريتاج : ماشي
حيدر : نامي عدل والشال مينزع
ريتاج : اوك
بلدة هذا صدك يحجي رجع نام ضل يحوص اخر شي جرني ونام وغطينة روسنة كعدنة وخر الغطا الساعة ب12 كمت دايخة وكوة امشي لميت الفراش وطلعنة هم مثل كل يوم مشت ايام عادية بس مستواية بالمدرسة نازل لان هواي واجبات مقارية فطلعت بدرسين مشت الامتحانات واجاباتي موشي بالعطلة قرر مصطفى يخطب ليليان بس لازم تصير مسلمة اول وهية هم اسلمت وخالي وياهه ع الواهس ههههه بيوم الحنة لبست فستان بصلي وسويت مكياج بسيط جانت الحفلة كلش حلوة وراهه ب اسبوع جان يوم عيد ميلادي صادف يوم خميس مااحتفلت اني كل سنة ماحتفل لان بنفس اليوم خسرت امي بس التهيت وي البنات وماخلوني اصعد تعشينة وحيدر كال يلا نصعد صعدت واول مطبيت الغرفة ضلمة فتحت الضوة ولكيتهه كلهه نفاخ ونشرات والفرشة مال عرس والميز الي بالكليدور علية كيكة عليهه صورة عرسنة وياهه وفواكة وكومة اكل عايدني
حيدر : هاليوم انولدت بي اميرتي الحلوة وكل سنة احتفل بي حتلو امج توفت بس انتي نولدتي وهالسبب كافي كل سنة وانتي مرتي وبنتي وحبيبتي
ريتاج : اجوي اهلة كعدو وقطعنة الكيك وطكينة صور وزعتلهم كيك وببسي وشوية ونزلو بقت نص الكيكة خليتهه بالثلاجة حيدر كال راح اطب اسبح عزلت بسرعة ورحت حطيت مكياج خفيف وحمرة ماروني وسيت ماروني كملت داعدل بشعري وهوة طب
حيدر : البزونة شدتسوي
ريتاج : اتقرب وظل يتغزل ووووو كمل وجرني لحضنة وكال خلي نام عود الفجر نسبح نمنة وماكعدنة ع صلاة الفجر حيدر ناسي يوقت التلفون ومحد كعدنة وراهه ب3 ايام صار عيد راس السنة قررو يسون حفلة بالبيت العصر وبليل نطلع نفتر واتحضرنة ومحمد وايناس وحتة مصطفى وخالتي اجوي كلش اتونسنة وطلعنة باليل للكرادة رجعنة متأخرين كبل نمنة مشت الايام وامتحنت امتحانات نص السنة كملت السنة وطلعت دور ثاني اصلا توقعت لان مستواية مو شي حملي جان صعب بس مو خطر دائما تعبانة وعدي خمول ومصطفى وخالتي تزوجو قبل رمضان عرسهم جان يجنن جنت حامل 7اشهر وبطني زينة لبست فستان سمائي بالحنة وفستان اوف وايت وبي ذهبي بالعرس يعني ردان وطويل خلص العرس وراهه خالو قرر يخطب صبا بت عمة الحيدر وحاجاهم كالولة موافقين ونتشرف بس ورة رمضان و بلش رمضان وتقريبا ورة اسبوع العصر كاعدين بالمطبخ دنحظر فطور وجنة عازمين مصطفى وخالتي والولد كاعدين ويانة يشاقون ويحششون وراهه مصطفى استلمني تحشيش ويكلي شكد تاكلين وميبين بيج وبطنج عاد طب حيدر جان يجيب عصاير ولبن شاف مصطفى يحجي علية ضحك وكال
حيدر : لك عوفهه لضوجهه بالله اطيح حظة ليحاجيهه
ريتاج : ها هيج احسلك😂
مصطفى : اهو عاد هوة محد طلع عينج غيرة بعدين تعال حيوان شلون تطيح حظي مو اكوم اعلكم بالبنكة ثنينكم
حيدر : اوكف هاي منو الحيوان
مصطفى : انتة
حيدر : عبالي
مصطفى : وغصبا ماعليك
حيدر : راح اخذك على كد عقلك عيب من مرتك
ضلينة نضحك شوية واجة اتصال لحيدر غير كل معاليم وجهه كالة اوك هسة وسدة
حيدر : ريتاج كومي بيبيتج تعبانة وناقليهه مستشفى لبست فستان ع السريع اسود وبي ورد ناعم احمر صار كدامي وجريتة ولبست شال شلون مجان اخذنة حيدر ومصطفى وليليان راحو كدامنة وصلت للمستشفى وشفت خالي حاضن خالتي ويبجون انهد حيلي واريد الكلمة تطلع مني اكلهم شبيهه احس لساني ثكل وحيدر كأنو جان يعرف حضن خالو وكلة البقية بحياتكم اذني انسدت ورة هاي الكلمة لا ياربي ليش تاخذ الاحبهم هية الربتني هاي امي شلون تاخذهه ليش تيتمني مرة ثانية جانت وفاتهه ثاني كسره انكسرهه بعد وفاة اهلي كعدت بالكاع وراهه ماعرف شصار كعدت كانونة بايدي جان اكو ساعة كبالي ب9 معقولة حلم باوعت حيدر بصفي
حيدر : هاحبيبي حمدلله على سلامتج
ريتاج : حيدر جذب مو؟
حيدر : يروحي..
ريتاج : حيدر جذب جذب والله ذولة مو خوش دكاترة يجذبون بيبي متموت متعوفني والله متعوفني اكيد جانت نوبة يلة كوم نشوفهه اشتاقيتلهه
ردت اكوم جرني وحضني
ملخت نفسي اريد اشوفهه وهوة جارني الممرضة اجتي على صوتي وكالت ميصير هاي مستشفى اخذني حيدر وطلعني واني روحي طالعة رحنة لبيت خالي وكومة عالم واغلبهم عمامي وبنات عمي ونسوان عمي عمو حسين مخابرهم وكايللهم تعالو طبيت للنسوان واني حيلي مهدود اجتي ايناس صعدتني فوك لغرفتهه ضليت ابجي والطم ليش الاحبهم ميدومولي ليش يكسروني شنو ممكتوبلي اعيش وي اهلي مثل باقي البنات اصيح وصوتي انبح مر اسبوع مثل السم بس بجي وكلشي مااكل كوة يوكلوني بسكت وعصير جنت انام بغرفتهه على جربايتهه واحجي وي نفسي على وفاة اهلي جنت زغيرة وماحزنت وملحكت اشوف بس بيبي انتي ربيتيني ليش تعوفيني لان تزوجت وعفتج والله ارجع اعيش يمج بس ارجعي بيبي الكبر محلو يوصخج وانتي تضوجين من التراب يخربج والرب زين هوة بشنو احسن من عدنة وعفتيني ياربي اووووووف ابجي وطب حيدر باس راسي وكمبص كبالي
حيدر : شلونهه جكليتي
ضليت ساكتة وبس دموعي ينزلن مسح وجهي
حيدر : كافي لتحركين كلبي عليج كافي اروحلج فدوة كلنة على هالطريق وهية ارتاحت راحت لدار حقهه
ريتاج : حيدر كافي مراح تفتهمني مخاسرلك احد عوفني بحالي
حيدر : يكلبي فاهمج والله زين بس باعيلي تريديهه تفرح وتشوفج؟
ريتاج : اي
حيدر : صليلهه اقريهه قران ادعيلهه الميت يحب احد يسويله حسنات بس البجي راح يعذبهه وهذا امر رب العالمين شنو نعترض
ضل يحجي وكال يلا كومي نرجع البيتنة اصلا اني بس جسد طلعنة ودعت خالو ورحنة للبيت كارهه روحي وصلنة سلمو علية وكالو البقية بحياتج صعدت فوك حتة مابية ابدل اجة
حيدر : ها حبيبي ابدلج
ريتاج : هزيت راسي بمعنى لا
حيدر : اجيبلج هدوم؟
ريتاج : اي
كام طلعلي دشداشة سودة قصيرة ماعرف منين نص ردان
ريتاج : هاي مو مالتي
حيدر : اي اني اشتريتهه الج واشتريت غيرهه هم حتة تلبسيهن
ريتاج : هزيت راسي اصلا مابية احجي واناقش اخذتهه وبدلت ورجعت نمت كعدت على صوتة وهوة يكعدني
حيدر : يروحي كومي
ريتاج : وين
حيدر : صلي العصر ورجعي نامي لتفوتين صلاتج ولتركيهه واذا بيج حيل صلي لبيبيتج
كمت توضيت وصليت وصليتلهه ركعتين وفتح حيدر القران نمت على رجلة اسمع ودموعي ينزلن بهدوء صدق وكال كافي تبجين كمت ع الجرباية حضني وكال
حيدر : حبيبي
ريتاج : ها
حيدر : باجر اني خفر
ريتاج : ليش
حيدر : عدنة هواي شغل
ريتاج : اوك
نمنة وكعدت على صوتة يكعدني ع الفطور كتلة ماريد ماشتهي وضل يلح وانتي حامل وابنج وميصير ماقبلت عاد اقتنع نزل ورة شوية صعد بيدة صينية شوربة وتشريب وتمن ولبن وعصير كوة وكلني شوربة ماشتهي مالي نفس كمت صليت ورجعت حيدر جان ع الجرباية كاعد يكلب بفونة كلي كافي نوم تعاي باعي وياية ضل يكلب واني بس اباوع لحد مانعست ونمت كعدت لكيتة نفس كعدتة بس مرجع راسة ونايم يا خطية هسة ركبتة نكسرت كعدتة كتلة نام عدل جان بين النايم والكاعد نام ع المخدة كمت فتحت الكنتور جايبلي دشاديش طويلة سودة اخذت وحدة ردان وطبيت سبحت طلعت جان هوة يفز كعد وكال تعاي امشطلجياة مشطة وفتحت الشسوار نشفتة وضفرة باسني وكال عكب باجر نروح للمدرسة نشوف شوكت امتحاناتج كتلة اوك نزلنة جوة وجانو كاعدين كالو مسوين ثواب لبيبي ام ابوية عكب باجر السنة مالتة وحيجيبون كباب ويجون عمامي
حيدر : شوف والله نسيت راحت من بالي اكول يابة نروح للنجف
حسين : اي اكيد نأجر سيارة ونطلع ورة صلاة الصبح
حيدر : اني باجر خفر
حسين :اخذ اجازة
حيدر : الله كريم اشوف
ريتاج : راحو البنات للمطبخ ورحت اني هم وحيدر وعمو والولد كعدو يتناقشون بالسياسة رحت كعدت ع الميز
نور : اكول رتوجة مارحتي لدكتورة ماحددتلج طبيعي لو عملية
ريتاج : لا كالت تعاي الشهر الجاي يعني من اطب بشهر الثامن نحدد
نور : تكومين بالسلامة حبيبتي
ريتاج : تسلمين شكرا
ضلو يحظرون شوربة وزلاطة وفنكر وكبة شوية واجوي بيت عمو علي اجتي مرتة وصبا اخذو من خاطري وانطوني فضل خطية راحت امة وضلت صبا تحجي بس عرفتهه تريد توصل لخالو تطمن علية خطية ههههه اذن فطرنة لبن وتمر وصلينة وراهه صبو الفطور فطرنة ورة يوم تحضرنة والكل بات يمنة لان السيارة تنطلق الفجر بالرغم من انو بيتهم كل جبير بس البنات كلهم تجمعو بغرفة عمتي ام حيدر وضلينة نسولف ب2 هيج شي حيدر دزلي رسالة كاتب تصعدين لو اجي اني اصعدج؟ كمت صعدت فتحت الباب لكيتة متمدد وخال ايدة على عينة
حيدر : يعني انتي وتالي وياج
ريتاج : شنو
حيدر : هاي كل ماتصير لمة الة ادز عليج شنو
ريتاج : هيج والله كاعدين سوالف
حيدر : اي وشكو مشبعانة سوالف ماصعدتي شنو عايفتني هناااااااا
ريتاج : حيدر بس صوتك هسة واذا مبقيت شوية
حيدر : متنزلين كم مرة اعيدهه وقتج كلة الية مدام اني موجود يعني انتي وياية متنزلين افتهمتتتتييي
ريتاج : ماشي
حيدر : اخر مرة واحذرج مو كل مرة ماشي وافتهمت وكلشي ماكو
ريتاج : ماشي
حيدر : حضرتيلي الدشداشة كويتيهه؟
ريتاج : اي كويتهه وعلكتهه بالكنتور
حيدر : وانتي شراح تلبسين؟
ريتاج : الفستان الاسود الطويل
حيدر : لا ضيك
ريتاج : لا مو هذا الاشتريناة الثاني الوصيتة بالعكس كلش عريض وهوة مال حوامل
حيدر : ننزل من السيارة تلبسين العباية
ريتاج : مااكدر اتبهذل هو الفستان حالة حال الجبة اظل اتعثر
حيدر : يولي
ريتاج : هاا
حيدر : اني شلون بية والاسود يلوكلج واحلى لون عليج
ريتاج : شلون لعد البس برتقالي
حيدر : ههههههه لج خبلة بالله حلو عليج يبرز على عيونج شوفي تمشين وياية لا وي هاي ولا وي ذيج ولا وي اي وحدة افتهمتي بالله اطيح حظج اذا ماشفتج يمي
ريتاج : اي هوة وياك اخاف اضيع لان ازدحام
حيدر : حبيبي
ريتاج : هاحبيبي
حيدر : مشتاقلج
ووووووو كمل كام سبح ونام طبيت سبحت ونمت كعدت ورة ساعة هيج شي ع المنبة كعد وهوة وياية تسحرنة وصلينة وصعدنة بدل حيدر يالله شكد تلوكلة الدشداشة شكد جنت قبل ممتقبلتة هسة اريدة واحبة اكثر لان هوة اكثر شخص بهالعالم كلة يحبني ويخاف علية مو من خلال كلامة بس انما من افعالة ابتسمت
حيدر : هاشبيج
ريتاج : طالع حلو ههههه
حيدر : وجع شكو تضحكين
ريتاج : هههههههههههههههه
حيدر : خبلة شكو شبيهه
ريتاج : والله حلوة عليك
حيدر : لعد شكو تضحكين
ريتاج : اتذكرت قبل من جنت ماحبك هههههههه
حيدر : وتحجيهه بوجهي؟
ريتاج : ههههههههه
حيدر : تعاي اني اعلمج
ريتاج : لالا اشاقة كافي خل ابدل
باسني وكال اوك نازل جوة اشوفهم
لبست فستان كلة اسود والحلقة والمحبس والسوار صعد ظل صافن واجة
حيدر : لج مالكو غير اللون الاسود للحزن
ريتاج : شبي
حيدر : لج شطالعة تخبلين ولج وردايتي
ريتاج : شكرا
حيدر : مو صوجج صوج اليغازلج
ريتاج : ههههههه
حيدر : يلا ننزل
ريتاج : دقيقة البس الشال
صعدت خالتي دتبدل يمي وهوة نزل
ليليان : اكلج ريتاج وين مكياجج
ريتاج : بالمجر ليش تحطين
ليليان : كلش خفيف بس اعدل وجهي هيج اساس واعدل حاجبي ومسكارة
ريتاج : اي بالمجر حطي
ليليان : ها شنو متحطين
ريتاج : هوة من نطلع ميخليني احط واذا حطيت يكلبهه علية
ليليان : هههههههه والله صاكرج
ريتاج : لا غير يحبني ويغارعلية 😌
ليليان : ههههههه قنعي بيهه نفسج
ريتاج : لا انطيني شوية قبل ليجي
ليليان : متكدرين على نفسج والله 😂😂
خليت كلش خفيف ممبين بس المسكارة برزت عيوني لان رموشي طوال بس كثفتهم طب هوة شاف خالتي دنك وخالتي كالت يلا راح انزل كملت مو تتأخرين باوع على وجهي
حيدر : يولي شنو هاي المكياج
ريتاج : بس مسكارة
حيدر : والاساس
ريتاج : بس جوة عيوني لان حمر
حيدر : امشي مسحي المسكارة
ريتاج : حيدر والله ممبينة هسة شصار اذا خليت صار كومة محاطة شي بوجهي اي كافي من كلشي حارمني ماصارت هاي
حيدر : اني حارمج من كلشي
ريتاج : اي كافي والله هسة اكوم ابجي
ظل فاتح حلكة علية ضحكت وجرني وكال
حيدر : يولي بالله خبلة انتي
ريتاج : ههههههه
اخذت كم غرض بالجنطة وخليت العباية لفيت الشال ونزلنة جوة لكيناهم ديطلعون لبست ترانشور ابيض ورحت لزمني حيدر وكال اوكفي وراهه صعدني كعدت بصف الجامة وهوة بصفي كملو كلهم وطلعنة وعمو كال اقرو الفاتحة وصلو ع النبي طريق جان جدا متعب وصلنة لاستراحة ونزلنة كبل تقيأت عمو كال فطري يابة انتي متتحملين جنت دايخة وجوعانة كلش بس مافطرت وحيدر هم كلي فطري بس مقبلت نزلو غسلو همة عدهم عادة انو الجهال يصوموهم للضهر ويفطرون يكولون حتة يتعلمون والجهال يشوفون شيسون الكبار يقلدوهم كلش حلو هالشي غسلت وجهي وخليت مي على ركبتي جانت حارة طلعت لكيت حيدر كبل لزمتة جنت دايخة وردت اوكع صعدني وهم كلي فطري
ريتاج : حيدر ماريد كافي ماريد
حيدر : مو تتتأذين خاف توكعين
ريتاج : لا اكدر اصبر والله اتحمل
حيدر : حبيبي والله علمودج
ريتاج : ماريد والله الي قابلية بعدين ضامتة للفطور اريد كببببباب
حيدر : هههههه جنج على كباب تدللين
ريتاج : صعدو وكملنة كالو اول شي نروح للمقبرة وراهه نزور الامام نزلنة بالمقبرة اخاف امشي وحدي مشيت وي حيدر وهوة معاف ايدي وصلت كبرهم ودموعي لا اراديا نزلو وكف يمي وكعدت بصفهم شالني وكتله عوفني احاجيهم هد ايدي وكعدت
بابا ماماتي شوفو اني تزوجت وحامل كل ماانجح ويسولي حفلة ومتجون اتزوجت وانتو مو وياية ليش مترجعون ارجعو يوم واحد يعني ليش عفتوني ثنينكم سوة واني صغيرة وبيبي هم راحت زين ليش مااخذتوني وياكم يعني شنو التراب احسن مني كافي نوم اكعدو محتاجتكم هيج التراب والمكابر حلت بعيونكم كافي ماتحمل بعد والله العيشة محلوة هنا وتخوف كومو وياية كمت اصيح وابجي واكول كومو حرام عليكم كافي وابجي وكلهم جانو يباعون علية ويبجون من احجي وياهم كومني حيدر وجرني غصب كعدني بالسيارة كال ارتاحي كافي حتة هوة دموعة نزلو علية
