أضعُ كَفاي وَسط قَلبي ، راجِياً أَن أَعيش بِخير.
...
خالد تفاجئ من حركة شهآب ، و دار في باله صورة وحيد .. إيهاب متفاجئ بعد من قوة شهآب الي نزلت عليه فجاءه ، مو قادر يدافع عن نفسه كأن في أحد مثبته بالأرض وحاس بثقل على انفاسه.
شهآب صب كل تعبه على إيهاب كأنه سبب كله هذا الي يصير له ، وإيهاب كان دايخ خصوصاً أن اللكمات كان تجي بوجهه .. لين وقف شهآب.
خشم إيهاب يصب دم وفمه دم كان يحاول يقوم بس شهآب بكل وحشية ركل بطنه ، ما انتهى من الضرب كان بيدعس وجه إيهاب برجوله لو ما بعده خالد بقوة
خالد صرخ عليه: مجنون ! الولد بيموت..
قاطعة شهآب: خله يموت وش يهمني
خالد وقف بينه وبين إيهاب: اكيد ما بيهمك ، لأنك مريض
شهآب ببرود: بعد عشان ما اذبحك معاه
خالد: شدخلك بينا ، انت مو حبيبي جاي تضربه على اي اساس .؟
شهآب: بعد
خالد: اوه الحين صرت تغار ، والله انك كلب ولا تسوى .. انا مو مقيد بحياتك المريضة تفهم ..
شهآب: خالد قلت لك بعد عنه
خالد: ما ابيك ما احبك ، انا مليت منك وما برجع لك الي بينا منتهي شهآب وصرت بالنسبة لي ماضي وبعديه.
شهآب صرخ عليه: مسوي كل هالدراما عشان تعيش معاه ، تتركني عشان تقعد مع إيهاب.
خالد: ايه هذا انت تركتني ورحت لـ ماجد ، المفروض ما اثق فيك اصلاً واقول انك تغيرت .
شهآب: ماجد.!
تفاجئ شهآب أن خالد يعرف بسالفة ماجد.
فكر مين بيقول لـ خالد هالسالفة وهل وجود إيهاب له معنى بينهم ووسط أفكاره .. خالد لا شعورياً عطاه كف وقعد يناظره بحقد
خالد: انا اكرهك شهآب ، خالد الي تعرفه مات بسببك وما راح يرجع لك ابد ، افهم واتركني اعيش الباقي من حياتي لأني ضيعتها مع شخص واطي مثلك.
خالد ساعد إيهاب وخذاه داخل و شهآب لا زال بصدمته ، يناظر يدينه يحاول يستوعب الكف الي جاه .. وسط كل هذا ضحك متعب وجلس على الكرسي
متعب: هذي الحلقة الاخيرة من المسلسل
رائد: لا تصير زبالة انت بعد
متعب: قايل لكم الحب قرف
رائد قلب عيونه: خلاص انت صح مرتاح
شهآب: خالد..
متعب: لا تقول لي ان الكف خلاك ترجع لعقلك.
رائد مسك يد شهآب: شهآب خلنا نروح الغرفة ترتاح شوي ، اكيد تعبت من ضربك لإيهاب.
متعب: اي اي ارجع ، راجع نفسك وحياتك وتزوج.
رائد: على الاقل احسن من شخص مهووس بشغله شوي ويتعبده.
متعب ابتسم بسخرية: على الاقل اشتغل
