هَا قَد أنهيتُ كِتابي أخيراً ،
سَأشتاقٌ حَقاً كونِي شِهآب.
...
أخذ مفاتيح السيارة وهو يناظر ربعه ألي أتجهوا للسيارة الثانية ، أبتسم و صرخ بصوت عالي.
إيدان: اشوفكم بعدين
بدر: ما عليك بنرجع نبثرك
عبيد: انتبه لنفسك
فيصل: اشوفك بكرة.
ركبوا السيارة و راحو تاركين إيدان واقف لحاله ، تنهد اول ما شافهم مشوا و فتح باب البيت .. كان هدوء والاضاءات طافيه استغرب وتوقعهم طالعين او شي.
بس لما تعمق بالبيت وصار بوسط الصالة ، شافهم جالسين يتابعون التلفزيون ، ألتفت خالد اول ما شاف ظل شخص ولما شاف أنه إيدان أبتسم.
خالد: مساء الخير
إيدان: مساء النور.
خالد: كيف الطلعة.؟
إيدان قرب وحط مفتاح شهآب على الطاولة ، وقبل ما يتكلم شاف نظرات شهآب له و لـ خالد.
شهآب: معطيه مفتاح سيارتي
إيدان: كنا طالعين انا و....
شاف خالد يأشر له بعيونه انه ما يقول ، إيدان ارتبك واخترع كذبة.
إيدان: انا و فيصل نتمشى
شهآب: ووين فيصل.؟
إيدان: راح
شهآب ضيق عيونه: شلون راح
إيدان: بـ .. بـ أوبر
شهآب: بسألك مرة ثانية ولو كذبت مو أطيب لك
خالد: أنا الي معطيه المفتاح
شهآب: بدون أذني .؟
خالد: تراها سيارة وهي أقدم سياراتك بعد
شهآب: حتى لو شي يخصني تاخذه بأذني أعتقد مو جديده عليك القواعد.
خالد: قواعدك هي سبب الطفش الي انا فيه الحين.
إيدان تنهد من هواش اهله المستمر والي ما ينتهي ، هذا هو جو الشياب .؟ كله حلطمه.؟ .. قرب و باس راس شهآب بأدب.
إيدان: اسف ثاني مرة راح أستأذن منك ..
راح إيدان يم الدرج و خالد حس أن ولده زعلان ، قرر يكلمه بس إيدان سبقه وكأنه يدري أن خالد بيتكلم.
إيدان: ببدل و بجي أبثركم.
ألتفت خالد لـ شهآب و خزه: وش بيضرك لو اخذ سيارتك بالاخير هو ولدك.
شهآب: انا مو معصب منه ، انا معصب من الي عطاه المفتاح
خالد: لين متى بتظل الشخص الي يصدر الاوامر ، انا متأكد ان سيارتك ما تضررت ولا صار لها شي .. بس تحب تهاوش طبعاً كيف بتفوت يوم كامل بدون هواش.
صد عنه شهآب وقعد يتابع الفيلم الي واضح ولا واحد فيهم يبيه بس حاطينه كذا ، شهآب كنسل الطلعة بمجرد ان مزاجه قرر يتقفل و خالد انزعج من هالحركة وكلهم متزاعلين الحين.
