هُناك أَشخاصٌ ، لَم تَستطع أَيدينَا التَمسُك بِهم .. بَدو وكَأنهُم غيرُ مَرئيين لـ حَواسِنا.
...
خالد كان منسدح على السرير يتابع التلفزيون و شهآب حاط راسه على صدره ونايم .. دق جوال خالد ولما أخذه وشاف الاسم طلع عبدالعزيز.
خالد: هلا
عبدالعزيز: اهلين ، طمني عنك.؟
خالد: الحمدالله
عبدالعزيز: وينك.؟
خالد: في بيتي
عبدالعزيز: اها ، طيب ملاك تسأل عنك وعن إيدان مو حاب تجي وتطمنها.
خالد: إيدان مو عندي
عبدالعزيز: مو عندك.؟
خالد: مع اهله
عبدالعزيز: رجعته لأهله.؟
خالد: ايه ، يمكن ما يكون معاي اذا جيت.
عبدالعزيز: مو مشكلة حاول تلقى تصريفه اجل
خالد: طيب ، ما عندك شي ثاني.؟
عبدالعزيز: انت مع زوجك الحين.؟
خالد استحى: شدخلك ياخي
عبدالعزيز: اسألك
خالد: إيه
عبدالعزيز: نايم ولا صاحي
خالد: تبي منه شي يعني.؟
عبدالعزيز: لا مابي ، بس ماجد قال يبيه بكلمة
خالد عقد حواجبه: من متى ماجد يكلم شهآب
عبدالعزيز: خله يكلمه يمكن يرجع لعقله ويدرس بدال ما يطير هالسنين الي تعب فيها.
خالد: لو بيقول كذا كلمني
عبدالعزيز: شفيك خالد لا تطولها وهي قصيرة ، قول لـ شهآب وبس.
خالد: شنو أ...
دق جوال شهآب وخالد التفت له
خالد: لحظة عبدالعزيز
اخذ جوال شهآب وتنهد لما شافه أصيل (ابو شهآب)
خالد: اكلمك بعدين
عبدالعزيز: لا تنسى تقول له
خالد: مجود اذا عنده كلام يقوله لي ، شهآب مشغول
عبدالعزيز: تراه اخوك ماله داعي الغيرة وهالسوالف
خالد: اكلمك بعدين
قفل خالد وبدأ يصحي شهآب.
خالد: شهآب
شهآب: همممم
خالد: ابوك يدق
شهآب: بعدين
خالد: شنو بعدين ابوك ذا رد عليه
تأفأف شهآب واخذ جواله ، حط الجوال على اذنه وتركه كذا.
أصيل: نايم ولا صاحي
شهآب: نايم
أصيل: ابيك تمرني العصر نروح نعزي ابو ناصر ، صهيب مكلمني اليوم يقول توفى ولدهم وابيك تروح معي توجب الرجال حاضر عزا نورة الله يرحمها..
شهآب: طيب
أصيل: يله سلام
ما عطاه شهآب رد لانه نام أصلاً و خالد أخذ الجوال وقفله .. طفى التلفزيون والاضاءة الخفيفة ونام مع شهآب.
...
متعب: مو كنت رايح تشوف بنتك
رائد: اي بس سمعت الي صار و...
متعب: خلك معاها محد طلب منك تجي
رائد: انا جيت عشان اهتم فيك..
متعب قاطعة ببرود: ارجع الرياض انا مو بحاجتك ، ولا بحاجة واحد فيكم.
