أَخبِرهُم بِقصتِنا التِّي لَا تَنتهِي.
...
قَبل ٤ ساعات.
إيدان كان مركب شريحته بجوال جراح ، وفجاءه صارت تجيه رسايل واجد على جواله .. رفع جواله يشوفه وشهآب كان مغمض عينه على السرير لأنه بدأ يحس بدوخه.
إيدان فتح الرسايل وكانت كلها من فيصل ، في هالوقت.!
" ايدان تعال جناحي تكفى "
" صار لي شي وابيك تساعدني "
" مقدر اكلم جراح او شهآب الموضوع قوي ومقدر اقوله الا لك "
" إيدان تكفى رد علي "
" الوووو "
" إيدان انا بموت تكفى تعال ساعدني "
" تكفى "
إيدان في نفسه: جراح قال لفيصل ان هذا رقمي.؟
خاف إيدان وأرسل لفيصل بس ما رد عليه ، ولما دق لقى جواله مقفل ، توتر وقام بيطلع بس وقفه شهآب
شهآب: وين.؟
إيدان: ا..احمم نسيت شاحن جوالي بروح اجيبه واجي
شهآب: شاحن جوالك.؟
إيدان: ايه ، وبنفس الوقت ببدل ملابسي مو مريحه.
شهآب: طيب لا تتأخر
إيدان: لا بس سريع وبرجع
طلع إيدان ركض من المستشفى ، ولما ألتفت شهآب لطاولة لقى شاحن إيدان موجود.
شهآب: اذا ما يبي يناوب عندي ، ليش يكذب.!
...
خالد: ماجد وين.؟
عبدالعزيز: طلع يشم هوى
خالد: من متى .؟
عبدالعزيز: مدري ١٢ بالليل او ١١
خالد: الحين الساعة ثنتين ونص
عبدالعزيز: خله يشم هوى هو ضايق مدري وش علته
خالد: طيب ما تدري وين راح.؟
عبدالعزيز: لا هو قال بيطلع وبس
تنهد خالد وطلع برا البيت يدور ماجد ، كان يدور حوله لين شاف ماجد جالس لحاله .. والاوراق والكتاب بيده.
راح له خالد ، الشارع هادي ومافيه احد ابد.!
خالد: ماجد
ماجد: هلا
خالد: شفيك جالس لحالك سرحان.
ماجد: خالد انت تحب شهآب.؟
خالد أستغرب: ليش هالسؤال.؟
ماجد: انا مابي ادخل ، بس كل إلي بقوله أن شهآب محتاجك تحتويه ، ح.حتى لو تأذيت منه انا متأكد انه .. ما يقصد إيذائك.
خالد: شقال لك شهآب.؟ من رحت للمقابلة وانت مو على بعضك.
ماجد: ما قال شي ، بس هو يحتاجك
خالد: مو خانك معاي.؟ اعتقد انه ما يحتاجني.
ماجد: لا ما خانك معاي ، انا ..انا الي اجبرته يلمسني.
خالد عصب: بطل تكذب انا مو بزر وأعرف شهآب حق المعرفة
ماجد: اذا تعرفه ، ليش تاركه الحين.؟ شمعنى الحين خالد !
خالد: لاني مليت منه
ماجد ضاق زيادة: انت خاينه بنص علاقتكم
