في احدي ضواحي مدينة الخرطوم خرج هلال(ابوالهول) من منزله كعادته الي الجنبه (محل ست الشاي محاسن ) لشرب الجبنه و لملاقاة اصحابه نبيل (نبله)و شاكر (شكروتا) .
وبعد ماوصل ابوالهول لقي شكروتا قاعد في الجنبه وبشرب في شيشة ومعاهو ولد شكلو قريب واول مرة يشوفو مع شكروتا ..
سلم عليهم وجر البنبر وبقي يجر معاهم في الشيشة وكورك يا محاسن يامحاسن اعملي الجبنه سريع عندي مشوار ضروري واوعي تكون زي حقت امس البنها محروق ...
محاسن : اجي با ابو الهول معقوله محاسن تعمل جبنه محروقة انت امس شكلك كترت المحلبية شوية ...
وعشان تتأكد بعمل ليك من بن امس القلت محروق ...
ابو الهول : خلينا من تنظيرك الكتير دا واعملي الجبنه سريع انا مستعجل...
شكروتا : انت الليله مالك مستعجل كدا لاحق ليك زبون مقرش والا الفهم شنو ؟
ابوالهول: ما زبون زبونه يامعلم ....
شكروتا: زبونه عديل كدا ...!! دا تطور ملحوظ ..
ابو الهول: كدي خلينا من الرصه دي ماعرفتنا علي الشاب الوجيه دا ...
شكروتا: دا صبحي صاحب نبله رسلو لي قال داير خابورين (راسين بنقو)...
ابو الهول : انت متأكد ...
شكروتا: كيف يعني انا قلت ليك رسلو لي نبله ..
ابوالهول : ونبله الليله وين ماظاهر ...
شكروتا : مشي يجيب الامدادات من الرآس ...
* معلومه
(المعلم : هو التاجر الذي يوزع المخدرات في الاحياء )
(الرآس: هو التاجر الكبير الذي يستورد المخدرات من المناطق الطرفية ومن الخارج)
(الكييف:هو صاحب الكيف الذي يتناول المخدر ).
ابوالهول بعد شرب الجبنه طلع عشان يقابل الزبونه ويبرم الاتفاق..
شكروتا سلم صبحي الخابورين واستلم القروش وقال ليهو المرة الجاية مافي تسيلم مباشر انت اتصل علي وانا بوريك الفهم شنو....وصبحي شال الخابورين وطلع واتخارج (انبرم) ...
الحله :
ريم فتاة جميلة تسكن مع اسرتها في احدي القري تم قبولها في احدي جامعات الخرطوم وقررت السفر الي الخرطوم لتكمله إجراءات التسجيل والسكن بإحدي الداخليات ،لكن والد ريم رفض ذلك وحصل خلاف بين والد ريم وامها وادي ذلك لتدخل الجيران واصلحو بيناتهم .....
والده ريم معروف عنها انو مرة قوية وكانت مدلعه ريم شديد واصرت تسافر مع ريم للخرطوم لتكمله إجراءات التسجيل...
وابو ريم قال لام ريم لوسافرتي انتي طالق بالثلاثة وتاني ما اشوفك انتي وبتك في البيت دا.....
يلا نخليكم للحلقة الجاية نشوف الحصل شنو ؟
خليكم قريبين وماتمشو بعيد.....
يتبع....
