والده ريم اصرت وقررت تسافر مع ريم وتسجل ليها في الجامعه وقبل ماتمشي شالت هدومها وحاجاتها في البيت ومشت علي ابو ريم وقالت ليهو انا مسافرة واحسن طلقني طوالي عشان لمن ارجع امشي بيت امي طوالي ...
*(معلومه: ريم بنت وحيدة و محترمه و جملية جدا ذات قوام رشيق وجذاب في العقد السابع عشر من عمرها بس المشكله الكبيرة امها مدلعاها دلع شديد البايخ داك يعني لو جاتنا نزله ساي تتجرس وتوديها المستشفي)
المهم انو ابو ريم قال ليها انا كمان اوريكم الغتاته علي اصولها ..انا مابطلقك وعشان ماتعمليها لي نفقة وكلام فاضي ولمن ترجعي امشي بيت امك وماعندي ليك اي حاجه ولمن تجي عندي ليك مفاجأة سارة ...😊
ام ريم : من الزعله ماقدرت تقول اي حاجه ..وقالت ليهو الله ينتقم منك ، ومازادت اي كلمه وطلعت مشت مع بتها ريم وسافرو طوالي ...
امام احد الكوافير :
ابوالهول ضرب تلفون للزبونه : الو
الزبونه :اهلين كيف
ابوالهول: انا قدام الكوفير .
الزبونه: تعال داخل الكوفير عشان اديك المفتاح....
ابوالهول : حاضر
ودخل الكوفير ولقي بت جميلة قاعدة في الاستقبال ...
ابوالهول : السلام عليكم ..
البت:وعليكم السلام
انت الميكانيكي ؟
ابوالهول : ايوة وين مفتاح العربية ؟
البت: هاك العربية التوسان الواقفة باليمين وراجع معاك الفرامل فيها صوت ...
ابوالهول: امرك ياجميل ربع ساعة بس وتكون جاهزة...
بعد ربع ساعة ابوالهول رجع الكوفير وسلم البت المفتاح وقال ليها تمام العربية جاهزة وراجعت الفرامل وبقت عروس بس..
البت: هههه الله يجيب العرسان....اها حسابك كم؟
ابوالهول: دي اول مرة نتعامل عشان كد جيبي 350 بس..
البت: كيف الكلام دا اصلو ماممكن وانا جيتك عشان سعرك رخيص ...
ابوالهول: انتي ماشفت الزيادات والاسبيرات بقت نار واي حاجه غلت وانا جاملتك عشان اول مرة ..
البت : خير مامشكله لمن اختبر العربية بعد داك بحكم...هاك دي 300بس والمرة الجاية مابقصر معاك
ابوالهول: عصرت علي شديد بس مامشكله عشان سماحتك دي بس والجايات اكتر من الرايحات...
البت: بدلع....شكر ليك
ابوالهول: مااتعرفت عليك؟
البت: ههههه يعني الاسم مهم انا سوسن واسم الدلع سوسو.....
ابوالهول : اتشرفنا يا سوسو ...
الداخلية :
ريم سجلت في احدي الداخليات الخاصه و نزلت في غرفه ومعاها ثلاثة بنات (مها ، حسنية ، راوية) وامها رجعت الحله بعد ان اتطمأنت علي ريم ..
سجن الهدى :
تدخل عربه المساجين من امام البوابه وبداخلها عدد من المحكومين ومن ضمنهم ( ممدوح موسي ، وهو صديق شكروتا وابوالهول ونبله وتم القبض عليه بحيازة 50 راس بنقو من قبل مكافحه المخدرات وتمت محاكمته بالسجن 3 سنوات مع الغرامه) وكان في انتظارهم مأمور السجن الصول ود الباشا وهو في قمة الحماس لاستلام المساجين الجدد ..
ومن المعتاد ان يقوم بعد أستلامهم بتصنيفهم كل علي حسب الجريمة التي ارتكبها (مخدرات -شيكات-سرقة -قتل) ويقوم بتسليمهم الي حكمدرات العنابر ،وهو عرف يتبع داخل السجن وليس قاعدة اساسية ،
واشتهر ممدوح بالذكاء والخداع حيث انضم الي عنبر الشيكات وكان متفق مع نبله انو قبل مايودوهو السجن يشتري ليهو جلابية جديدة وسجادة وسبحه اصليه ،ودا كلو عشان يوهم ناس السجن انو من ناس الشيكات....
والوهمه مشت علي الصول ود الباشا وانضم الي عنبر الشيكات..
كولومبيا :
*معلومه(هي منطقة مشهورة ببيع المخدرات وسميت كولومبيا تماشيا مع كولومبيا الاصلية)
يقف المعلم نبله امام احد الاشجار
وفي انتظار .......
من هو ذلك الشخص الذي ينتظره نبله ؟
وماذا يريد منه ؟
هذا ما سوف نعرفه في الحلقة القادمة ...
تابعونا لاتذهبو بعيدا.......
يتبع.....
