بعد الونسة جرت تلفون سوسو ضرب والمتصل ابو الهول :
سوسو : الو اهلين .
ابوالهول: اسفين علي الازعاج ومانكون صحيناك
سوسو: مافي ازعاج ولا حاجه ولسع مانمت وانت كلامك مالو بعيد ومشربك انت كويس
ابوالهول: انا عملت حادث بالموتر و.....و...كلام متقطع والصوت ماواضح .
سوسو : الو ...الو ....ياابوالهول مالك الحصل شنو....
انت وين ؟؟في البيت انا جاية عليك
طوالي سوسو غيرت هدوما وقالت لي حسنية :
ابوالهول شكلو عمل حادث وانا ماشة عليهو في البيت
حسنية : ابوالهول دا منو ؟
سوسو : مابتعرفيو لمن تجي فرصه حااكي ليك عنو وبعرفك بيهو اسع انا طالعه
حسنية : في الليل دا ..! اسع الساعة كم ؟وحاتمشي كيف وهو ساكين وين ؟
سوسو : انا بتصرف وبضرب لي هيثومي ،وانتي نومي وخلي بالك من البيت والصباح لمن تطلعي قفلي البيت وختي المفتاح في المزهرية الجنب الباب .
حسنية : خلاص ما اجي معاك ارفقك .
سوسو : لا مافي داعي انتي نومي وشكلك تعبانه وكترتي في الخرشه.
وسوسو ضربت لي هيثومي وقالت ليهو اخوي عامل حادث وتعال وديني ليهو وبعد خمس دقائق ضرب ليها البوري وطلعت طوالي ومشت علي بيت ابوالهول .
الحله :
في الحله لمن ام ريم دخلت لقت العرسان قاعدين في الصالون وقدامهن العصير والتورطه ،طوالي شالت العصير من قدام ميرغني وزوجتو الجديدة سعاد وشربت العصير (قرطع قرطع ) وشربت الكبايتين وشالت من التورطه بالسكين ..وطوالي قبلت على العرسال وقالت ليهم الف الف مبروك ..وطلعت قروش من المضبقة وادتهم لي سعاد وقالت ليها ديل قروش الفقدة وطلعت طوالي.
وهنا ميرغني وسعاد وباقي الجماعة محتارين في الشى العملتو ام ريم وقاصدة شنو واكيد عندها راي (ان كيدهن عظيم ) مانسبق الحوادث اكيد حانعرف الرصه شنو والقصة شنو.
بيت ابوالهول :
سوسو وهيثومي وصلو والكلام دا ماشى علي الساعة اربعة صباحا ولقو الباب فاتح وقبل مايدخلو سوسو قالت لي هيثومي انت اتخارج وانا بدخل براي عشان اخوي مايشوفك معاى وتحصل مشكله وهو زول عصبي شديد ودخلت وهيثومي اتخارج طوالى .
وابوالهول راقد في السرير ملفلف كرعينو و مامعاهو زول وشكلو ناس نبله وشكروتا ماعارفين بالحادث . وسلمت عليهو وكفرت ليهو وقالت ليهو سلامتك الحاصل شنو...؟
ابوالهول: كنت سايق الموتر حقي وجاي علي البيت ومن السطله القوية وانا في الكبري وقعت من الكبري وانا نسيت انو انا سايق في الكبري وماكنت عارف انا سايق والا ماشى كداري واتعوقت من العادم ورجلي اتحرقت وشكلها اتكسرت برضو والموتر اتلجن ومابقدر امشي المستشفي لانو انا مسطول وبفحصو لي ...
سوسو :انت جادي انك وقعت من الكبري وكسرت رجلك بس ولسع فيك روح ....
ابوالهول: انا ما هو قدامك شحم ولحم وهرشك ماتسحريني
سوسو : اصلو مابصدق انك وقت من الكبري .
واسع كدي النشوف محل الكسر والحريق .
ولمن شافت الجرح قالت ليهو :
لازم تمشى الدكتور لانو الحريق دا خطر ولازم يدخلوك عملية سريع وكراعك دي مكسورة كسر مركب وبحتاج عملية مستعجله وطوالي شالت التلفون واتصلت علي هيثومي وقالت ليهو تعال راجع اخوي خالتو خطرة....
ابوالهول : اخوك منو؟
سوسو : انت ما اخوي ...!؟
ابوالهول: اخوك وابوك واي حاجه ...!!
سوسو: بحكي ليك لمن تبقي كويس واسع انت اخوي قدام هيثم ....
ابوالهول : خير مامشكله بس المستشفي بدخلوني وانا بي حالتي دي ومسطول واكيد بقولو دايرين اورنيك وكلام كتير.
سوسو : كدي قوم نمشي والبحصل يحصل .
يلا للحلقة الجاية نشوف الحصل شنو في المستشفي وهل دخلوهم والا الحكاية شنو؟
يتبع.....
