ام ريم رجعت الحله ووصلت البيت عشان تشيل باقي هديماتا وتمشي بيت امها ولمن فتحت الباب لقت البيت مليان ضيوف وجوطه وكانو في عيزومه او مناسبة وقبل ماتدخل كويس شافت بت الجيران ونادت عليها تعالي يابت في شنو الجوطه دي ...؟
البت: دا عرس عمو ميرغني وسعاد !!!!
ام ريم: وعرس كمان سعاد ؟؟؟؟؟ ومن الصدمه دخلت البيت طوالي وبتكورك سعاد صحبتي تعرس راجلي الليله يا انا يا انتي في الدنيا دي.....
ولمن خشت الصالون لقت الجماعة كلهم متلمين نظام قعدة والعرسان قاعدين مع بعض والعصير قدامهن والتورطه وجمبها شوكه وسكين..
وبدون اي مقدمات وبدون تردد شالت ام ريم...
🤗🤗🤗
كدا خلوهم شوية نمشي ونجيهم راجعين نشوف
ام ريم عملت شنو ....ربنا يلطف بس.......
بيت سوسو:
طبعا بعد حسنية وسوسو اتعشو حسنية كانت متشوقة عشان تعرف قصه الولد مع سوسو ومشت المطبخ عملت جبنة ظريفة وجات اتحكرت يلا ياسوسو حبيبتي عملت ليك جبنتك المفضله !!!!
سوسو: كسرتي فيها كم حبه ؟؟؟
حسنية: برى ها نص حبه بس مابتعمل حاجه....!!
سوسو: كويس لانو الليله الجرعة كترتها شوية كلو عشان الولد ...
حسنية : انا صبري نفس احكي لي سريع ....
سوسو: انتي شكلك قفلتي علي الولد ....
حسنية : اديك الصراحه قفله معرج بس ....
سوسو : لكين لقيتك ماهينه ....
حسنية : ما تلميذتك المطيعة ....
سوسو: مابغلا عليك انا لمن اخلص منو بشوتو ليك وانتي علي كيفك ....
حسنية :كلك زوق يلا احكي لي القصه...
سوسو : بس الموضوع يكون سر بيناتنا ....
حسنية: دا كلامك يبقي سر وسر السر ...
سوسو : الولد دا اسمو هيثم واتعرفت عليهو قبل اسبوع في الكوافير ، ماتستقربي هو جا مع اختو للكوافير وانتظرها في الاستقبال وانا لمن شفتو بصراحه عجبني شديد وما انا بس البنات الجن داخلات كلهن يشيلا ويتبسمن ليهو وهو شكلو من النوع المرتاح وفكرت سريع وقلت دا زبون مابتفوت واكيد حا استفيد منو وطوالي مشيت عليهو وسلمت عليهو وجبت ليهو مويه وعصير وبقيت اضحك معاهو وادردش وهو لمن اتخلع ومن خلال الونسة عرفت منو هو شهادة عربية واهلو برة السودان ومرطبين ترطيبة جد وهو جا مع اختو للكوافير عندهم عرس بت خالتهم في صاله العمر وهو بدرس في جامعه خاصه في المستوي التاني وساكن مع اصحابو في شقة مفروشة تبع العمارة حقت امو ....
المهم الموضوع باختصار وفي اقل من ثلاثة ايام خليت ليك هيثومي خاتم في اصبعي وطبعا مشيت معاهو العرس وكنت نجمه العرس واول مرة اعرف نفسي سمحه بنظرة الاولاد لي بس الدنيا حرفتنا ومشينا في الطريق الغلط وطريق المخدرات والدمار الابدي ،وهيثومي بقي بحبني شديد وانا علي الخباثة حقتي بقيت كل ما اقابلو بعمل جرعه حبوب في الجبنه واسع حاليا يوميا بجيني في البيت وتخيلي طلب يتزوجني وانا اقنعتو انو انا اكبر منو واهلو مابوافقو علي زواجنا ووووو وخلينا كدا احسن ،
واسع لينا اسبوع مما اتعرفنا علي بعض وعلمتو البلع والخرشة والشمومة وحاجات كتيرة ولحدي اسع طالعه منو باكتر من 20 الف جنيه في اسبوع بس .
حسنية مع مفعول الجبنه عمل عمايل :اسع مالك خارجتيهو كان تخليهو يقعد وعلي الاقل من جاه الملوك نلوك.
سوسو: لمن ارطب انا اول وبعد داك بدردقو ليك وانا خارجتو لانو هو خواف رجافه ومما سمع صوت التلفون بقي مارق وحتي الحبوب الجاي ليها نساها من الخوف.
حسنية : خلاص انا مفلسه ادعميني .
سوسو : هههه قالت مفلسه وين قروش البضاعه حقت يومتا .
حسنية : انت من زمنا انتي بمناسبة البضاعه انا دايرة باقي البضاعه عندي زباين جداد.
سوسو : واسع انا بحكي ليك في شنو ما الزبون الجديد كمل كل البضاعه ومافضل معاي اي حاجه الا الكم شريط النساهم ديل بس
حسنية : خلاص جيبيهم احسن من العدم.
سوسو : هاك وكمان شيليهم مجان قصرت معاك.
حسنية : مايقصر الملح ....
يلا انا نعست دايرة انوم بكرة عندي جامعه ومحاضرات مهمه شديد...
سوسو : هههه ضحكتيني ليك كم سنه وبتقولي الكلام دا ومتمنية اسمع بيك يوم اتخرجتي من الجامعه ....
حسنية : ههههه لو اتخرجت الشغل بقيف تاني نقبل علي وين الا اخش جامعه جديدة .
المهم الونسة جرت لحدي الساعة 3 صباحا ولمن دايرين ينومو ...
تلفون سوسو ضرب 📱
والمتصل ابو الهول .....
يلا نخليكم للحلقة الجاية عشان نشوف ابو الهول ما لو ضارب لي سوسو في الوقت التأخر دا وداير بيها شنو ؟؟؟؟؟
يتبع.....
