ام ريم وصلت بيت سعاد اللهو بيتا القديم وشايلة معاها عمود وصبارة شاي ودخلت ولقت ميرغني قاعد والبيت مرتب ومنظم وقربت تقول دا ما البيت الكنت قاعده وعايشة فيهو سنين ودخلت اتونست تمام وجابو ليها عصير منقه واتغدو مع بعض وشربو الشاي الجابياهو معاها والغربية انو ماحصلت اي حاجه ماياها وسعاد وام ريم كانو بتونسو مع بعض وكانهم ماضرات وغايتو حكاية غريبة خالص وبعد الغدا والجبنه ام ريم طلعت وسعاد غسلت العمود وملتو ليها سكر وحب شاي وخبيز وهشار من باقي العرس ...
غايتو الجماعه ديل حيرونا معاهم ومافهمنا اي حاجه مع انو ميرغني كان متوعد ام ريم وطلع كلامو بيش ساي وام ريم افتكرنا انو تعمل حاجه لضرتها سعاد عشان تندمها انو عرست ميرغني بس دا كلو ماحصل كدي مانستعجل والايام بتظهر لينا الحقيقة والسر وراء القصه دي شنو.
نخليهم شوية ونرجع ليهم تاني
السوق :
شكروتا دخل السوق وشايل معاهو باكو ترامدول ودخل حمامات السوق وهو عندو كل اسبوع بجي اشتغل بيملا الاباريق والليله يوم الشغل وصاحب الحمامات ماجايب خبر وبدي شكروتا 70ج حق اليومية المساء وشكروتا استلم الشغل وبداء يملا في الاباريق وهو متفق مع الزباين انو يجوهو جوة في المستراح وبقوم بسلمهم وبستلم القروش وزول جايب خبر مافي ونهاية اليوم بكون بعاع الباكو في حساب الشريط ب100ج وبصفي في اليوم حسابات دسيسة
وبعد يخلص بشيل حق اليومية وبمشي بتعشي بيها كوارع وقروش الحبوب بصبنها تمام في الخرتاية بتاعتو وعندو حفرتين في البيت واحده بدفن فيها القروش والتانية بدفن فيها الينقو والحبوب وكدا بكون يوم شكروتا خلص والمساء بمشي الجنبه وبلاقي نبله وصبحي وابوالهول مرات بجي عليهم لانو بعد الحادث مرقتو بقت صعبه وبجيبو وبرجعو هيثومي و اليومين ديل بقي مركلس مع ابوالهول وماعارفين الحكاية شنو البخلي هيثومي متعلق بابوالهول شنو.....
شارع النيل :
سوسو قاعدة جنب برج الاتصالات وخالطه معاها ولدين من اولاد ميكي وسلمتهم شريطين الواحد طالع ب500ج شوفو الفرقة وجماعتك الفارات ماصدقو شالو الشريطين وفرحانين فرحه عدوك
وسوسو جاها اتصال من هيثومي :
سوسو : الو... اهلين هيثومي .
هيثم : كيفك ياروحي.
سوسو : شوووووق كميات .
هيثم : هههه ماعلي انا انتي رافعة القزاز مننا اليومين ديل.
سوسو : معقوله ارفع القزاز عليك ياحياتي .
هيثومي : انتي اخوك هلال مابتسألي منو يعني حاتسألي عني انا.
سوسو : هلال اخوي وانت حبيبي شفت الفرق شاسع كيف.
هيثم : كدى لمن اجيك ونتفاهم وانتي قبل كم يوم قلتي عندك بضاعه جديده اول مرة تنزل السوق
سوسو : انت وين حاليا.
هيثم : انا طالع من ابوالهول وماشي الشقة .
سوسو : انا في شارع النيل تعال لي جنب برج الاتصالات عازماك مسكافي عجيب .
هيثم : شارع النيل عديك كد!! اكيد مابراك و بتكوني خالطه !!!
سوسو : ههههه مالازم نغير جو شوية .....
هيثم : يلا ياروحي مسافه السكه بس واكون معاك وماتكتري الجرعه لانو الليله جربت البقنو ومصدع بي شديد .
سوسو : انا منتظراك ...
وسوسو قبلت علي الولدين اها انتو لسع قاعدين يلا اتخارجو ولمن تكملو الكروسين ادوني رنه .تمام .
واولاد ميكي اتخارجو .
صبحي :
قاعد في الكبري ومعاهو نفرين وبجرو في سجارة خدرا وضاربين الهنبريب ومسطولين سطله من امها وماجايبين للدنيا خبر وعايشين في عالم تاني واثناء ماهم بتسامرو وبجرو في السجارة كبسوهم ليك ناس المكافحه ورفعوهم في العربية وودوهم تيكا للقسم.......
يتبع....
