An ink for words

Taguan

TAGUAN

Bakit ba ang hilig nating magtago?

Magtago kung saan hindi nakikita ang totoo

Totoong nararamdaman para sa isang tao

Ano bang nakukuha natin dito?

Noon, hindi naman talaga ako naniniwala sa pag-ibig na totoo

Pinagdaanan ang naging dahilan upang ito'y limutin ko

Ang alam ko noon ay hindi lahat ng taong nagmamahalan ay magsasama ng habang buhay

Na kahit gaano niyo pa kamahal ang isa't-isa ay hindi naman ito nagtatagal

Simula noon, ito ay kinakatakutan na pagdaanan

Sino bang hindi matatakot, diba?

Kung lahat ng kwentong narinig ay merong 'sakit' na salita tungkol sa pag-ibig

At kung lahat din ng taong nasa paligid ay iniiyakan ang pag-ibig

Alam kong ito'y hindi madali

Ang sakit na kanilang nararamdaman ay hindi madali

Na paggising bukas ay napapawi

Ito'y umaabot ng kahit ilang taong pagkasawi

Bakit natutunang magtago?

Dahil sa mga kwentong nadidinig ko
Ito ay naghatid ng takot

Takot akong umamin dahil baka'y sakit lang ang dulot

Natatakot akong sumugal

Sumugal sa isang bagay na hindi sigurado

At mapaglaruan ang nararamdaman

Gamitin ito sa akin sa kahit kailan

Ngunit, akala ko ay iniwawaksi ko lamang ang sarili ko sa sakit

Matindi pala itong pagkakamali

Dahil sa pagtatagong ito ay mas nakakaramdam ako ng sakit

Sakit na hindi ko alam kung mapapawi

Tuwing siya ay nakikita

Nakikita na may kasamang iba

Parang tinutusok ang pusong sawi

Ang pagtatago ko bang ito ay mainam?

Isang pagkakataon na dapat ay sinabi ay hindi na maibabalik

Pagka't siya'y masaya na

Ang layo na ng narating niya

Wala naman sigurong magbabago diba?

Hindi masusuklian itong nararamdaman at ako'y maiiwan parin dito.

-Syrill 🖤