An ink for words

Kwento Ng Aking Buhay

KWENTO NG AKING BUHAY

Isang tao ngunit marami-raming kwento

Kwentong nais ipahayag sa mundo

Nagbabakasakaling ako'y maintindihan niyo

Ito ay kwento ko tungkol sa buhay na ito.

Ako'y ipinanganak at ito'y pinasasalamatan ko

Pagka't namulat ako sa magaganda na hatid ng mundo

Ngunit sa paglipas ng panahon, ang mabuhay ay kinamumuhian ko

Sapagka't sakit at pighati ang naging hatid rin nito.

Ako'y hindi pinalad, magkaroon ng buhay na kahit nalalapit lamang sa perpekto

Ito ay kakaiba sa buhay na gustong-gusto ko

Itong buhay na ito ay punong-puno ng gulo

Ilang beses ko nang gustong takasan ang lahat ng ito.

Away, pagsisihan, iyakan, sigawan ay parating naririnig ko

Matatawag pa ba itong tahanan kung ito ay hindi dama ko?

Pamilya na sanang sumbungan mo sa lahat ng sakit na nadarama mo galing sa labas na mundo

Ngunit sa lugar ko, ito ay hindi ganito.

Ang pamilya ko mismo ang nakapagdama sa akin ng sakit na labis na ininda ko

Kaya ang mga pighati at sakit na nadama ko ay nananatiling nasa loob ko

Walang masabihan sapagka't sila ay may kanya-kanya ring mga hinaing na parating rinig ko

Kaya sinong makikinig sa kwentong ihahatid ko?

Ako rin ay natatakot na baka kapag ito'y isatinig ko

Hindi ako maiintindihan ng mga tao

Sasabihan na wala akong karapatan na makaramdam ng ganito

Na sobra lang ang mga nararamdaman ko.

Pinanganak rin ako sa isang estado na ang mga tinig namin ay hindi pinapahalagahan ng ibang tao

Sapagka't ako'y hindi mayaman, lumaking isang mahirap lamang ako

Binansagang mababa ng lipunang ginagalawan ko

Kaya kahit anong mga nararamdaman at hinaing ko

Ako'y wala ring karapatan para rito.

-Syrill 🖤