An ink for words

Tula Para Kay Mama

My mother's day entry for my supermama. 💐

Tula para kay Mama 🌹

Sa pinakamamahal naming ina,

Hindi mo man parating marinig

Mga salitang pasasalamat mula sa aming bibig

Kaya'y sa halip na ito'y aking bigkasin.

Ito 'y aking isasatitik na lamang, nagbabasakaling ito ay iyong mabasa

At sana'y hindi kayang ikubli ng iyong mga mata ang hatid nitong tuwa at saya

Sapagka't akoy kilala mo, ako'y hindi palasalita

Ngunit ay nagbabasakali na ang pagmamahal ko parin sa iyo ay damang-dama.

Mama, apat na titik na syang nagmamay-ari ng hindi birong katapangan

Katapangan na ibuklod ang bawat miyembro ng pamilya sa ating tahanan

Isang tao, ngunit napakaraming karakter ang kayang gampanan

Maibigay lamang ang aming mga pangagailangan.

Mama, ako'y pinahanga mo sa mga sakripisyong iyong isinagawa

Sa pagbibigay gabay at pagmamahal ng walang sawa

Kaya sana'y iyong malaman na ang mga payo na iyong ibinigay

Asahan mong ito ay magiging at gagawin na gabay

Sa daang tatahakin sa pagkamit ng tagumpay.

Mama, ikaw ay tunay na karapatdapat na handugan ng ibang klaseng pagmamahal at saya

Sapagka't napakabuti ng iyong puso at kay lungkot lamang na ito'y hindi nakikita ng iba

Ako'y humanga sa iyong pang-unawang ibinibigay sa mga hindi naman karapatdapat

Ako'y humanga sa iyong katatagan, kahit ang hirap ng buhay na ating kinagisnan.

Mama, ikaw ay nanatiling matatag sa kabila ng hirap at sakit na pinagdaanan

Kahit ilang ulit kang binabato ng mga hindi kanais-nais na mga salita

Ikaw ay paulit-ulit na bumabangon, isa sa iyong mga maraming pang katangian na masyado kong hinahangaan.

Kaya Mama, maraming salamat sa pagbibigay inspirasyon.

Maraming Salamat dahil tinuruan mo akong bumangon,

Sa pagkalunod sa sarili kong mga emosyon

Tinuruan mo akong umunawa, magpatawad, maging matapang, at higit sa lahat ang magmahal ng walang hinihinging kondisyon.

Ang tulang ito ay para sa isang taong pinakamamahal ko

Mama, sana'y madama ng mga salitang ito ang nais kong ipararating sa puso mo.

Nais kong malaman mong hindi ko kayang mawala ka sapagka't ikaw ang pinakamagandang biyaya na dumating sa buhay ko

Muli, Mama, Ikaw ay mahal na mahal ko.

-Syrill 🖤