An ink for words

Dating Kaibigan

I dedicate this poem to my childhood bestfriend. Please know that I will forever treasure what we had and hoping we could reunite again soon.

DATING KAIBIGAN

Hindi ko kayang malimutan

Lahat ng alaala nating pinagsamahan

Ikaw ang kasama mula bata hanggang sa ako'y namulat

Tila napakaraming pahina ang nagawa na nating ibuklat.

Hindi na matandaan paano nagsimula ang samahan

Ngunit, ang nadamang pasasalamat ay hinding-hindi mawakli sa isipan

Ikaw ay aking kasama sa pagtuklas ng mga bagong karanasan

Karanasang kahit kailan ay hinding-hindi ko pinagsisihan.

Ang iba man ay hindi magaganda

Lalo na sa mga panahong pareho tayong natutong magsinungaling na

Makasama lamang ang isa't-isa at gumala

Ngunit gaano man iyon kasama sa mata ng iba,

May hatid itong aral na hanggang ngayon ay nagbibigay gabay sa akin saan man ako magpunta

Ako'y nagpapasalamat sapagka't ikaw ay aking nakilala

Mga alaala nating dalawa na magkasama ay isa sa mga bagay na matuturing kong maganda

At asahan mong ito ay babaunin hanggang sa ating pagtanda.

Kaibigan, ang samahan natin ay natatangi sa iba

Sapagka't ikaw ay hindi katulad nang iba

Naalala ko noong nagsasatinig tayo ng mga problema

Ibinabahagi natin ang ating mga nadarama,

Kahit kailan ay hindi mo ito itinuring na mababa

Nakikisimpatya ka sa aking mga nadama

Hanggang sa umabot sa puntong hindi na natin namalayan ang sabay na pagkahulog ng ating mga luha

Kaya kaibigan, maraming salamat sa lahat ng ating magagandang memorya.

Isapuso mo na lahat ng nangyari ay may dahilan

Ang pagkabuwag natin ay totoong nagbigay daan

Para makilala ang mga taong makakasama magpakailanman

At para maatim natin ang buhay natin sa kasalukuyan.

Kaibigan, ako'y narito lamang kapag ako ay iyong kailangan

Handa paring makinig at maging iyong sandalan

Kaya'y lagi mo lang tandaan na ang ating samahan ma'y hindi na magkatulad

Ikaw parin ang itinuturing kong kaibigan na walang katulad.

-Syrill 🖤