XVI.
NARITO kami ni Terrence sa apartment dahil day off namin at sina Mrs. Hestia ang nasa cafe ngayon para magbantay. Nahihilo na ako sa ginagawa ng lalaking 'to.
"Ayun pa!" Itinuro ko ang bandang sulok ng salas.
"Fuck, Keeshia. Kanina pa ako pabalik balik."
"Iyon na nga e. Kanina ka pa panalik balik pero may naiiwan ka pa ring dumi. Ayusin mo kasi. Feeling mo kasi naglalaro ka diyan."
Inutusan ko siyang maglinis ng apartment. Maigi na iyon para maturuan ko siya. Tulad ng sabi ni Mrs. Palermo, puro pasarap lang sa buhay ang alam ni Terrence. Sa mga simpleng bagay tulad nito, marututo siya kahit papaano.
"It would be better if I'm doing this with a kiss. I mean, pagkaka mop ko papunta doon tapos babalik ako, sasalubungin mo ako ng kiss. Damn it. Mas sisipagin ako kapag gano'n."
Inirapan ko siya. "Maglinis ka. Hindi puro kabastusan ang naiisip mo."
"Kabastusan na ba iyong gusto kitang halikan, Keeshia. Fuck that."
Hindi na ako sumagot. Tumayo na ako para magluto ng lunch namin tutal puno naman ang refrigerator ng mga stocks ng pagkain. Sa susunod, tuturuan ko namang magluto si Terrence.
Ang ganda ganda na sana ng lakad ko pero nanlaki ang mga mata ko nang makayapak ako sa basang sahig dahilan para madulas ako. Mariin akong napapikit. Inihanda ko na ang sarili ko kung bumagsak man ako sa sahig pero naramdaman ko nalang ang malambot na katawan na sumalo sa akin.
Nagmulat ako ng mata. Nakahiga lang naman si Terrence sa sahig at sa katawan niya ako bumagsak.
"Got you." Aniya saka kumindat. "I'm always ready to catch you when you fall."
Bakit kumabog ang dibdib ko?
Mabilis akong tumayo. "Bakit kasi basa 'to!" Reklamo ko.
"You asked me to mop the floor. Seriously, Keeshia? You should thank me."
"Thank you. Saya ka na?" Sarkastikong sabi ko.
"Nope. Kulang pa." Aniya.
Hindi na ako nakapalag nang hilahin niya ako sa braso at halikan ako sa labi ko.
"Damn it, kulang pa rin."
Nanlaki ang mga mata ko nang muli niya akong halikan.
"Still not enough."
Sa pangatlong pagkakataon, hinalikan niya ulit ako.
"Fuck, Keeshia, ikama na kaya kita para solve na?"
Hinampas ko siya. "Bwisit ka! Argh! Anong karapatan mong halikan ako! Tatlong beses pa! Nakakarami ka na! Nasasanay ka nang hahalikan mo ako kung kelan mo gusto!"
"Of course. You're my girl, Keeshia."
"Hindi nga sabi!"
"Fuck, ano pa ba ang gusto mong gawin ko? Patayin ko na kaya ang ex mo para wala ng sagabal?!"
"Hindi 'yon! Huwag kasing idaan palagi sa mga ganyang trip mo."
"Tangina, Keeshia palagi nalang bang ganyan ang tingin mo sa akin? Nangti-trip, nanggagago at hindi seryoso."
Huminga ako ng malalim. Sino ba naman kasing maniniwala na gusto niya ako? Ano bang special sa akin? Wala naman. Kaya napaka-imposible rin na ang isang tulad ni Terrence, gugustuhing maging girlfriend ako. Ni hindi nga ako nagsusuot ng sexy na damit. Madalas pa ang plain lang ang suot ko. Hindi rin ako nag aayos masyado at hindi ako mahilig sa make up. Ang layo ng itsura ko doon sa babae niya or ex ba niya 'yon or girlfriend na si Honey.
