نهوه عباس(عشقي نهوتي)

البارت الثاني

#نهوه-عباس(عشقي نهوتي)
#اماني-ياسر

ومتانيك ...💔
ومتاني المحنه البيك تچهبني
ضل ابعيد ومجافيني بس حبني.

سلمت عليه وخطيه ترجف من التوتر والخوف
بنين-وج غزوله راح اموت وربي الخوف مسيطر عليه
هههه سلامه گلبچ عليمن هلخوف راح تنجمعين بحبيب
الگلب بعد
بنين-هههههه لعد اني ليش خايفه
هااا اخوي يخوف؟؟
بنين-هه لا ولج ..اوف ماعرف شلون اشرحلج يجي يوم
تعيشين نفس الشعور
الله يبعدنا
بنين-ههههه يي بكيفج مو

رحت گعدت يم شيماء وطبعا لازم تحچي
شيماء -اگلچ مو چن مكياجه هواي
لا بلعكس كلش حلو ونازك
شيماء-لا والله ملطخه تملطخ عبالك شخابيط المفروض
تخلي شي بسيط
شومه اترجاج اطلعي من السالفه البنيه عايشه ومتعوده
على هيج شي لا تضلن انتي وامي كل شويه ناطات
وتمللنها عيشتها

شيماء-اي عيني بعد وبعد عشنا وشفنا بعدهاماجت وصفيتي
وياها
لاصفيت وياهه ولا عليها بس الحق ينگال وماينزعل منه
شيماء-اوو صايره ماتتحاجين اعوذ بالله
چاا شكوو تحجين وياي
شمياء-حسبالي كبرتي وعقلتي ..اهمداج

باوعتله وهزيت ايدي ..
طبعا محد سكتت من عماتي ولا باقي گرايبي الحيايه
وحده دكول طويله والثانية دكول سمينه وذيج دكول
خشمه شكبره وجيب اليسكتهن ..
والبنيه تخبل چنه لعابه ملامحها نازكه شلوناتها
بسس شلوون اخخ بويه

وره شويه ...گالو قروا الفاتحه والسيد يريد يعقد
خلن عله راسها العبايه واخذنها لغير غرفه واشتغل الحش
بصوت اعله مااستحن من حبايبها الكاعدات ..

من رجعت ولا كأن مسويات شي استلمنه مباوس ومحاضن
ويهوسن يمها گمت باركتله وباوستها گالتلي يوم الألچ
وتغمزلي خيبه حتى انتي امده حضي..

ضيفونا الكيك والعصاير واكييد محد بيهن عجبها
رغم التقديم والترتيب شي كلش حلوو..
وره ساعه تقريبا طلعنه ....ورجعنه للبيت شغلن الديجي
واخذنالنه ساعه نهز لحد ما وگعن متوني ورجليه صارن خيوط
من الركص ..صعدت بدلت ولبست گلابيه يسمونه مغربيه
لونه ازرگ ومطرزع بذهبي ومسحت مكياجي خليت ذهبي
ونزلت

ام ناصر-ياا يعمه عدج عرض ازياء
ايي عمي بس بدال مااعرض عله المسرح اعرض يمجن
ام جاسم -ايي يبعد گلبي اعرضي البسي وتكشخي مايلوگ
البس بس الج
اووي اروحلج فُـٍـٍّــٍّـّدوه يعمه
ام ناصر-چاا وانه ماتروحيلي فدوه
اروحلچ فدوه ليش لا چم ام ناصر عندي
ام ناصر-ولج گولي عمه
ام جاسم-هههه خيه دعوفي البت حطيتي گورچ من گورها

عفتهن يحجن ومشيت عمتي ام ناصر ضبم من الله شغلها
بس تحش وتغتاب بلناس وماعاجبها العجب ..
نفس عمتي ام عباس سبحان الله اطلع منهن بس عمتي
ام جاسم مره فقيره من اهل الله..
تطي لثوب العليها