نهوه عباس(عشقي نهوتي)

ج٢-بارت الاول

اماني-ياسر
#نهوه-عباس(عشقي نهوتي)
مساء الحب والغرام..بارت تصبيري
لان احتاريت ناس تريد هسه انشر وناس تريد للعطلة

‎تذكرين
‎يلطولي عليج الحاف
‎اندل كل گطن متروك والعب بي
‎احب سوالف النداف
‎يالعذارء
‎افورج بيدي واتخدرين
‎واعيش اللحظه متجبجب
‎واظل اكل ندم بروح
‎اهي ساعه بليس شبيه متأدب

لازمة تلفوني واتصل عليه وهاي يمكن المرة الألف
بيني وبين الخبال الرسمي شعره ..
يوووومية احچي واگول ياابن الناس من اتصل
جااااااوب جاااوب

نسيت روحي وشمرت التلفون
من سمعت صوت الوگعه استوعبت السويته
ركضت عليه وشلته بس مابي شي الحمدلله ؟؟

واني صافنه عليه اتفقده دگ رقم عباس
ورجع البركان يغلي بداخلي ولو يمي اگطعه تگطع

عضيت اصبعي بقهر حتى اسيطر على روحي
لأن اذا اصيح بوجهه اتكفخ تالي

فتحت خط وبصوت يرجف من العصبيه
گلت.. الو عباس

عباس-اشتعل اصلچ واشتعل عباس وياچ
ها هاا بسم الله توگ حچيت
عباس-انه چم مره منبه عليچ من ادگين ومااجاوبچ لا تلحين هاااا؟؟

يحچي بصوت ناصي ومبين الغضب بي
جاوبته.. مو انت تبط الگلب بط
گول هاي المگموعة صار عليها شي ماتت
عاشت تريد شي محتاجه شي

عباس-شبيچ يعني شبيچ؟؟
شمحتاجه كلشي ماناقصچ و چنچ العافية
يمچ فريحه مسكول تجيج ركض بعد عليش هاللغوه الزايده!؟

حسيته غلبني وگلت افرها عليه
اي واذا؟؟
وبعدين ليش هيچ صوتك ناصي وين انتَ ؟؟
ومنو ويااك

ضحك بصوت عالي
-ليش يهمچ تعرفين انه وين وياهو وياي؟؟

حسيته بسمار
لا طبعاً ميهمني وگتلك وين متريد روح مايخصني ابد
بس هيچ فضول

-ايييي اي يبت گلبي بعد وبعد تعلي وتغلي بزود ابوچ الملفيچ بگلبه
من احترگ ابيچ روحي مني غزل ولا ادگين بعد يمي ناس شيوخ
عيب كل شويه طرن طرن

قبل لا احچي سد الخط بوجهي
غميت التلفون وشمرته على الميز
وعلى صوته فز فضل يبچي
يبوووو كملت هيه

شلته وخليته بحضني ارضعه رضع شويه ورفع راسة
يدور على ابوه..
متعود عباس كلما ارضعه يلعبة وتصير سولته بي
ومن يغص يگول توبه ويرجع ايعيدها
اووف يعباس مخلي بكل واحد بينه أثر

صفنت ورجع عقلي لقبل يومين

اجه من شغلة ملهووف والضحكة مالية وجهه
حضني وبادلتة الحضن باسني وبسته مجاملة
وخرت منه ورجع لحگني همس بأذني مشتاااگ

ابتسمت وابتعدت سحبني دفعت ايده بنتر بس بدون قصد
هوه استغرب باوعلي بغضب بس ماگال شي
تغدينا وهوه ساكت ماحچه شي ادري بي ضايج
بس مايريد يحچي ويتنازل بسؤالة