نهوه عباس(عشقي نهوتي)

ج٢-البارت التاسع

اماني-ياسر
نهوه عباس(عشقي نهوتي)

ادري گلوبكم نار عليهم ..تستاهلون بارت 😘❤️
بس هاااا هذا حصة الباچر يعني باچر مفيششش اوك
واحلى شي توقعاتكم .. الي كلامها طلع صح تتفضل على المنصه
نسلمها الهدية😁

يگوللها:
اذا شفتينـــي متغير..
تــعاي بحضينـــي نسينـــي التعـــب كله..

طلع من المنطقة ..
تقريباً ساعة يسوق واثنينا ساكتين
بس بداخلي نار من عملته..

الجهال ضاجوا ممتعودين على هيچ جو عشق تريد تنام
هزيتها بحضني تسكت شوية وترجع تبچي وفضل يريد عم..

وگف السيارة يم محل اخذه ونزل قفل السيارة
رضعتهاا ونامت بسرعة ،تأخريلة رجع

بيدة علاگة صعد فضل ورى وصعد بالصدر
قرب العلاگه يمي ..
باوعتله ودرت وجهي  ..

حرك السيارة
-شبيچ؟!

اني الشبيه لو انتَ  هاي سوايه تسويهااا؟؟

-شمسوي ردت جهالي كفرت؟!

لا بس تاخذهم بهيچ وضع وبهليل تزوهم اكو عاقل ايسويها

خزرني

يعني برأيك تصرفك صح ، تدري هسه ابوي گلب البيت عليهم

ماحچه شي يموتني بهذا بروده

صارت ساعة ٧ ونص يعني تقريباً اربع ساعات بالطريق
والجو ثلج وعشق كسرتني تكسر ..

شافني احوس منا ومنا
- جيبيها بحضني وتمددي بالكشن الورى
ميحتاج..

وگف السيارة..
-جيبيها بعد الطريق طويل
لاااا گلتها بصوت عالي
-بكيفچ

جعت حيل وراسي وجعني وروحي صارت بخشمي
والتفكير بأهلي يزيدني توتر وخوف..وهوه ولا يمة ولا عبالك مسوي شي

خليت راسي على الجامة وعلى الهزهزه غفيت..
حسيت بي سحبها مني بهدوء بس ما فتحت عيني
باسهااا ويحچي وياهاا..

-افيشششش بوسة من عشقي تسوى الدنيا واهلها

شغل المسجل وطلع اغنية نصرت البدر احضني وبيه تغزل..
بصوت عالي

رفعت راسي وعدلت گعدتي ..
انوب وجعي راسي زاد لو منايمة احسن ..

استسلمت وسحبت العلاگه اخذت منها عصير وشربتة

الى ان وصلنا اني اعصابي انتهت
رفع ايده وأشر لگدام باوعت قوس ومكتوب بي
بغداد ترحب بكم..
تلقائياً ابتسمت ..

عبالي رايحين لكربلاء
-مطلوب زيارة لأبو الجوادين صار هواي
دخيل اسمة

اخذنا للكاظمية ونزلنا بفندق قريب على الأمامين
شال عشق ولزم فضل ودخلنا
وكف بالرسبشن طلع مستمسكات
الي لفت نضري عقد زواجنا ولبطاقات الموحدة مالاتنا
شجابهن عنده؟؟
صدمني بس هو اكو شي يصعب عليه..