نهوه عباس(عشقي نهوتي)

ج٢-البارت الثالث

اماني-ياسر
نهوه عباس( عشقي نهوتي)

مساء الحب تفاعلكم حيل محلو وابد ميسوي واهس
رجعوا للبارتات السابقة شوفوا الفرق بين المشاهدات
والتصويتات مراح تخسرون شي اذا ضغطتوا النجمة
بعد القراية واني مراح اربح شي غير حافز حتى اكمل كتابة
واستمر بالتنزيل...كسرتوا واهسي مع الاسف..
وقررت اختصرها واختمها كلها بارت واحد آخير وسلامتكم💕

.......
امشي ياكلبي نعوف العافنه
وبعد مانرجع ابدا للخانه
هوه لو حبنه صدك جان مافكر يخونه ايامنه💔
.......

عوفك من سبب زعلتي انتَ عليمن تحچي
مني هيه اليعوفها؟
-هيچ لا تهتمين

سكتت مالحيت عليه بس عقلي راح بعيييييد
ياخوفي الي ابالي صح؟؟ ياخوفي سبب اعصاب عباس مرة ثانية

وصلنا ودخلت لبيت أهلي سلمت عليهم وامي وجدتي بدن تحقيق
گتلهن من الحمل ضايجة من البيت

وجدتي تصيح حبالة تالي وكت عيارات
هاي عود جدتي..

دخلت لغرفة امي نومت فضل كمت ابدل واني انزع بعباتي سمعت
صياح

شمرتها وركضت واشوف عباس لازمة حيدر گوه يصيح ويهدد
واحمد واگف بعيد عنه ومخلي ادية بجيوب بنطرونه

من شافني چن شايف كتال ابوه هد عليه يريد يجرني گوه لزمته امي

وجهه محموق وأحمر عروگ رگبته بارزه حيل تريد تطگ

وهوه يدفع بحيدر صاح ولچچ اني شگايلچ؟؟؟
مو گتلچ طلعة ماكووووو تعاندين يغزل تعاااانديييين؟؟

گالت امي فلك صابچ يغزل شمسويه؟؟

حاولت ابين نفسي قوية لأن اكيد راح ينذب الصوچ براسي
مامسويه شي تعباانه واجيت ارتاح بيت اهلي بيهاا شي

-ولچچچ تعبااانه مووو تعبااانه من شني بلة هااااا؟؟
كلمة والثانية وگلتي تعبانه مالي خلگ عوفني بحالي اليسمعچ
يگول مشغلچ حمال لو حاطچ تحصدين الزرع

طلعت جدتي وگالتله تعال فوت جوه مايصيرهيچ صوتك جاب
الوادم علينة

-مشكوره جدتي عندي شغل ورايد اروح اجيت اخذ مرتي

جاوبه احمد مالك مرة يمنا روح
كلامة صدم الكل واولهم اني..

بس نظره عباس لاحمد چانت تحچي هواااي سكت
وماعرف يحچي شي

وخر من حيدر وگال
-مالي كلام وياك يبن عمي كلامي موجه لمرتي
رجع باوعلي ..ليش واگفه جيبي ابنچ وتعااي..

ماروح وياك عوفني چم يوم هناااا

صاحت امي امشي جيبي ابنچ رجلچ متانيچ ..تحركي بسرعة