نهوه عباس(عشقي نهوتي)

ج٢-البارت الثاني

اماني-ياسر
نهوه عباس(عشقي نهوتي)

‏شلت ايدي من عندك بعد
سوي التريده مهَنة
اگعد ونام ويا الغرب
ولساني اگصه وداعتك لو وّن عليك وغنه
💔💔💔💔💔💔💔💔💔

صاح بصوت عالي
-فتحي الباب بسرعة
تچفيت الشر وفتحته ورجعت لمكاني اطبطب على فضل

سحبه مني وشالة
-دجيبي موتي للطفل شبيچ؟؟
ماتشوفينه يبچي مايريد اينام لو خبالچ عماچ!؟

خزرته وكمت افتر الم منا ومنا اريد شي اتهرب منه بي..

گال بصوت عالي
-دكافي عااد تعاي احاچيج شوي
جاوبته واني منطيته ضهري عباس عوفني بحالي
-ايبااا وليش بله؟؟
تعرف كلش زين ليش اني عقلي مو براسي وكلامي يغثك
وانتَ عصبي ودوم بهيچ مواقف نوصل لنهاية اأذيك وتأذيني

اخذ فضل وطلع ماگال شي
رديت الباب وراه وتمددت بلكي انام وراسي يهده شويه موتني
يدگ..

اقل الساعة وانفتح الباب وانشال مني الغطة رفعت راسي فريحة
حضنتني وباستني
-الف الف مبررك خيه والله فرحتلچ

گمت على حيل الله يبارك بيچ حب يوم الالچ وافرح بيچ
-يجوز هسه انه حامل وماتدرين
گالتها بخجل مستحيه عود..

گتلها كلشي اتوقع منچ ويمكن انتي مغتصبه اخوي
-ههههههه لا ولچ مو لهدرجة

المهم گومي اكليلچ لكمة هسه اصعدلچ الصينية
رادت تروح لزمتها ماريد فروحة
-ماكو هيچ حچي مرة حبلة يرادلچ قذاء قذااااء

والله ما اشتهي ولعبانة نفس حييل..
-خاب ماتسكتين ماتشتهي هيه ،اذا ماتعشيتي عباس مايزوجني لخوچ
ياااا! يعني ماجبتي العشا حباً بيه؟

-لا اصلاً چنت اخابر رجلي ورجلچ سوه هجوم كاسح علينه
لااحساس ولاضمير مادگولون ناس بيها تصحرعايشة بالقدرة
يومية متكافشين وطلايبكم گايمة واحنى مخبوصين بيكم وتالي
تصالحون وتخلصونها امح امح واحنى نطلع بوجه الگباحة

هيه تحچي واني صافنه عليها فاتحة حلگي شگد لغت وگرگت
-هااا شبيچ تبحلگين العباس عليچ مچذبه؟؟
والله انتي ماتستحين امشي ولي مني احسلچ ووووولييي

رجعت تمددت وتغطين اخذت الغطا كله وشمرته بالگاع
صحت بيها شترديييين؟
-اهوو غزل دگومي يمعودة عليچ الله مامليتي ماجزعتي من
المعارك وي عباس يومية نفس السالفة يومية نفس القصة
هوه مايتحاچه اعصابه بخشمة وانتي ماتردين وراسچ يابس

گعدت وتربعت وگعدت هيه گدامي
اني التعبت ومليت والله احبه وما اگدر بدونه بس هوه مايتفاهم
على كلشي يصيح ويتعارك صح يجي يصالحني بس بعديش بعد
مايكسر بداخلي شي بعد مايكسر خاطري بكلامة وغلطه

-واليوم شبيكم اثنينكم مطنگرين؟؟
اني لو هوه ماتدرين شسوى وشگال بس لأن تلفوني مغلق وماادري
بي