نهوه عباس(عشقي نهوتي)

ج٢-البارت الخامس

اماني-ياسر
نهوه عباس(عشقي نهوتي)
يامساء الحب شلونكم وعطلة ربيعية سعيدة مقدماً

البارت هذا للمتابعات الحلوات الي يعلقون برقي..
شگد حلو اكو تعليقات من اقراها النفسية ترتاح هواي
كاتبين صح منگدر ننتظر هلگد بس بنتج اهم ودعواتكم
التخبل تلامس القلب صراحة الله يحفظكم ويستر عليكم
حبيباتي انتوا .. وحتى الي ميعلقون وساكتين بوسات الكم
اما صاحبات التعليقات التخزي الي اقراها يومية بس فهموني
وتالي وياكم ..الكلمة الطيبة صدقة ترا
ماريد كلمة طيبة بس شوية لزموا لساناتكم تعذرت وگلت
امتحانات تجين تچفصين وتغلطين انتي وياها علمود قصة
ليششش عندچ عقل براسچ لولا فهميني؟!
منو احسن انتي والقصة لو بنتي ومستقبلها هااا؟!
مااجاوبكم لأن ماريد انزل لمستواكم فأحذف التعليق من اقرا

وهسه استمتعوا بالقرائة هذا البارت اسمة سوالف تالي اليل 😁
ع فكرة مشيت بالقصة اشهر ودخلت بالأحداث المهمة

...
هل يا تُرى ؟
لو مت انسى ماجرى ؟
هل يا تُرى ؟
لو كان عندي غيركم قلبي اليكم ما سرى ؟
هل يا تُرى ؟
يحتاج مني كرهكم قلباً قوياً ثائراً وتمرداً وتجمهرا ..
......

كمت حتى اطلع واسمعهااا گحت رجعت عليها واشوف..
الحليب تارسها ترس ويطلع من حلگها وخشمها..
مختنگه حيل كمت اصرخ والطم على وجهي والتموا علية كلهم
اخذوها مني وهيه تنازع وبس تسحب نفس بصوت عالي مثل
الغرگااان ماعرفنا شنسويلها ركض بيها حسين للمستشفى لوحدة
ولحگته امي والباقين..

مااخذوني وياهم خلوني وحدي الطم واملخ نفسي
احتاريت شسوي وين اروح المن التجأ..

اطلع ويرجعني البناات شفت الموت بعيني واني اتخيلها
تروح من ايدي وبعد مااشوفهااا..

عبرت الساعة اتصل حيدر على فرح اخذته منهااا
هاااا حيدر
-بس على كيفچ خبصتي الجو موو
بس گول شلونهااااا
-مابيها شي ان شاء الله..شوية وراجعين
حيدر امانة الله مابيها شي
-لتخافين لتخافين يلة راح اسد الخط

انطيت التلفون لفرح واحس راسي يريد ينفجر من البچي والعياط
خليت ايدي على عيني ماگدر بعد افتحهاا

اذا صاير بيها شي ويعرف ابوها يذبحني ويدفني
حقه استاهل اني ملتهيا بنفسي وعايفتها

اخذت فضل ورجعت لغرفة امي نومتة وسمعت صوت سيارتهم
طلعت اركض تلگيتهم امي شايلتهااا وعيونها مورمة وحمر..

اشم بيها وابوسها وهيه خانسه كل صوت ماللها
يمةةة شبيهاا
-خليني افوت شوي رجلي بعد ماتعيني
دخلت واني وراها گابتلها وگعدت وخليتها بحضني ولازمتها
بثنين ادية