نهوه عباس(عشقي نهوتي)

ج-٢ البارت الثامن

اماني-ياسر
نهوه عباس(عشقي نهوتي)
مسائكم سعادة..💜

......
انه بلياك
مدري شبيه مابيه
زلف وبلايه ترچیه
نهر فاض وتبع ميه
رجع ..بس مالگاله جروف
وكون تشوف
روحي شخله بيها الخوف
.....

ولچ يمةةةة راح اخووووي
اسمع امي تلطم وتبچي وياهااا..
واني وكفت مكاني ولا گدرت اتحرك ماكو غيره.. عباس

نزل احمد بسرعة ما انتبهلي واگفة
طلع يركض ورا الولد وابوي

لا اگدر انزل وراهم اسألهم ولا اگدر اصعد على الدرج اشوف
شصاير ماتن رجليه گعدت بمكاني

عقلي صار يصورلي عباس والدم يغطي
غطيت عيوني بيدي امنع الصور تطلع براسي..

نزلت بسرعة دخلت يم جدتي وسديت الباب سألتني شصاير
ماجاوبتهااا صاحت ولا اهتميت..

اسمع حيدر ينزل فرح وهيه تبچي بصوت عالي امي
گالتله بس البس عباتي واجي من طلعوا للطرمة يلة.. لحگتهم

حيدر شكو حچيت بصوت ناصي
-عباس متصوب ويمكن مستشهد خابروا ومايدرون شهيد لومصوب

وفرح من سمعت كلامة گامت تملخ بنفسها وتلطم على وجها
طلعت امي اخذهن وراح

الجو بارد والباب ظل مفتوح والهوا قوي دنيا ليل وضلمة..
سحبتني بنين ادخلني جوا مشيت وياها بدون وعي ..
شنو الصار شنو الحصل ما اعرف..
الصدمة مااستوعبها عقلي شي بعمري ما تخيلت اعيشة..

مادريت شوكت طلع الصبح والجهال منو نومهم ..
كل البالي صورته وصوته ..

دگ تلفوني ركضت علية رقم عمتي فتحت خط بدون مااجاوب
گالت فرح وصوتها گوه ينسمع
-الوو غزل
ها فرح
-ها گاعدة ؟؟
اي
-نسيتچ والله هسه شفت تلفون امي گلت اخابرچ

فرح گلبي راح يوگف شصار منو مات عباس مات موو؟؟

احچي وياها بهدوء من سمعتني بچت
-لا ما مات بس حالتة موزينة، هاجمين عليهم
بليل وهمة بالخيم مايدرون منوا هواي شهداء ومصاويب
وهوه طلقة بصدر وبرجلة

فقدت القوة بجسمي نزلت ايدي وگع التلفون
غطيت وجهي وبچيت بصوت عالي
صوت چان محبوس بداخلي
دموع مصدرها گلبي وجرحه..
ضربت بأيدي على وجهي اكثر من مرة
بس ما حسيت بوجع لأن وجع هالخبر چان اقوى ..

لزمتني مريم تصيح علية وتحاچيني تخبلتي خوفتي جهالچ

محتاجه ابچي واصرخ والطم حتى موارتاح لا
بس حتى اأذي نفسي المريضة

تعبت وانفاسي صارت گوه تطلع گومتني للحمام
تغسل وجهي .. باوعت لوجهي بالمراية شفتي تجري دم
وخدي ازرگ وعيني بيها حمار قوي..
تغسل وجهي وترزل بيه ..