نهوه عباس(عشقي نهوتي)

ج٢-البارت السادس

اماني-ياسر
نهوه عباس(عشقي نهوتي)

مساء الورد 🌹
مثل مگتلكم حبايب مشيت بالقصة اشهر
اصحاب التعليقات السلبية برااااا بليز 😌

....
ماگلتلي من البدايه!!
الحب ضلاله ..
الشوگ لعنه...
حته لاأكفر وأحبك ...
وماگلتلي!!
عيونك الحلوات
مابيهن قرار!!!
وماگلتلي!!
الليل شيّع كل محطات الضوه
وصارت مگابر
حته ماتاني القطار....
وليش ترسمني شبابيچ إنتظار
وتخنگ خيوط الشمس....
ويذوب وي روحي الوعد...
وليش تصلبني عله بابك؟؟
وأنت تدري الشمس ماتت!!....
الصبح مايطلع بعد؟
....

گال الدكتور فوتي دخلت وطبگت الباب حيل من الخوف
مشيت وسلمت ردوا اثنينهم..

-شلونچ شلونها الدراسة ان شاء الله مرتاحة
تسلم دكتور كلشي تمام
-الحمدلله
باوع لعباس وگال
-ابو فضل جاي خطار علينا وعليچ مخصوص تستقبلين خطارچ؟؟
رفعت چتفي يعني ما ادري..

ترخص وطلع واني واگفه بمكاني دايخة هذا شجابه هناا؟؟
وشعرفه بهذا الدكتور؟؟

-ليش واگفه استريحي
نبهني صوته
لا ميحتاج
-گعدي عندي وياچ حچي
تقدمت وگعدت صرت گدامة،خايفة من ردة فعلة متوتر جسمي
يرجف من شوفتة اوضاعي كلها تخربطت

-ايي شلونچ
احم ..زينة
-شبيچ ليش هيچ ترجفين وچنچ مسوية مكسوره
رفعت راسي تلاگت عيني وي عينه
منو گال؟!
-كلشي بيچ يگول
لا غلطان بس يمكن خايفة شوي
-من شنهوو
من تدخلاتك وتسلطك جيتك هنا وراها شي

-هسه صرت متدخل ومتسلط؟؟الله يازمن
چذب يعني

-حشاچ من الجذب،بس اذا چنتي تشوفين حبي گبل واهتمامي
وخوفي عليچ تسلط وتدخل هذا شي مايهمني بعد

شتريد جاي هناا؟؟
-اجيت احاجيچ وافهم لشوكت ناوية تظلين تلعبين مثل المزعطه
نعمممم؟؟

-ينعم الله عليچ اذا اروحن لبيت عمي ماراح تطلعين اعرفنچ
اجيت هنااا اتختل واطلب شوفتچ مثل المسوي مكسوره بعد
وين تاخذيني وشتسوين بيه

اتوقع مالك حق تدخل بحياتي انتَ طلگتني وكل واحد شاف
طريق ومشا بي

-ومنو گالچ انه ميت على حياتچ وجاي اتدخل بيهااا

يعني شنووو؟!
- يعني انه جاي هناا بصفتي اب خايف على اطفالة،دوامچ
هذا راح يشتت جهالي اكثر من گبل خاف چنت مأمن عليهم
يمچ شوي هسه كل امأن مالهم عندچ،اليوم كلية باچر طلعات
وطبات وراها حبيت وعشگت والجهال مصيرهم شنوو؟؟

درت وجهي وعضيت شفتي بقهر وغل من كلامة المستفز
اداوم اطلع اطب احب اتمعششششگ هالشي ميخصك تدري
لولا ، يعني حلال عليك وحرام علية

- القصد؟؟
يعني يا ابن عمي مثل ماشفت حياتك خليني اشوف حياتي
والجهال مثل ماانت ابوهم اني امهم وما أعتقد مصلحتهم تهمك
اكثر مني