نهوه عباس(عشقي نهوتي)

البارت العاشر

#نهوه-عباس(عشقي نهوتي)
#اماني-ياسر

والله لو مآ احب فلآ يگدرلي ليل
و لآ بچيت و لآ بقيت مسآهره
و لآ طحت يمك مثل طيحة دخيل
و چآن فآرگت التتن المعآشره

طلعت فرح بقيت واگفه مكاني شال الصينيه وخلاهه على
الگاع..
وگال تعاي گعدي تقربت وگعدت مقابيله گام يشيل ويخلي
گدامي احس ضغطي بده ينزل لان ماماكله شي من البارحة
مديت ايدي واكلت هوه ابتسم ومد ايده بس ماحچه شي..

خلص وگام طلع من الثلاجه بارد وخلا يمي وهوه شرب
وطلع يغسل گمت وشلت الصينية..
طلعته صار بوجهي اخذهامني ونزل رحت غسلت واجيت
ضفرت شعري وجريت شال خليته على راسي احس روحي
عريانة دخل هوه وسد لباب وبيدي البدله اريد اعلگها مد ايده
ولزم گصيبتي

فزيت
عباس-لتخافين هذه انه
ادري انتَ
عباس-چا شبيچ فزيتي
علگت البدله بلزاوية انداريت مابقالي مجال افوت صار
قريب عليه حيل
عباس-راح نبقى هيچ ؟
شتريد
عباس-ماريد شي بس عااد باوعي بوجهي من احچي
رفعت عيني بعينه ابتسم وگال احترگوا اهلي
درت وجهي منه لزم حنچي بأيده ورفع وجهي تقرب راد
يبوسني دفعته

عباس-غززل وتالي
عباس لتتقرب مني
عباس-ولج شلون ماتقرب منچ
بچيت وگتله انته شتريد
عباس-غززل صار سنين منتظر هاي الليله وهسه تسأليني شريد
جرني من ايدي وصرت مقابيله گال هسه ليش تبچين غير افتهم
عباس والله خايفه
-حقج والله حقج بس يمي أمني ولا تخافين انتي روحي شايفه
بشر يأذي روحه انتي بنيتي تخافين يم كل الناس ويمي لا

كلامة حلوو بس اني عقلي ماستوعب الحچي الخوف ماليني
يمكن لو علاقتي بعباس بدت بطريقة صح بوقته ماراح ارفضه
بس لان ماشفت منه بس الخوف والسيطره فراحتي يمه شي
مستحيل بساعتها..

تعبانه واريد انام
عباس-هاااا ؟؟
گتلك تعبانه اريد انام صار يومين مانايمة واحس راسي راح
ينفجر..
مسح وجهه وگال لا حول ولا قوه الا بالله ....صار تدللين
راح ورفع الفرشة وگال تعاي نامي
وانت
عباس-شعليچ بيه
يعني ماتنام هناا
عباس-وين انام چااا
چاا ماريد انام
عباس-مانام عمي ماانام تعاي نامي ورتاحي انتي

تخيلت اذا رحت وتمددت يلزمني ويجبرني على شي ماريده
بقيت واگفه گال هااا ؟؟ ماتجين

وخر من الچربايه يله ..
عباس-صارررر عاف الفرشه وراح گعد عله الكرويته
وگام يدخن..
تمددت وتغطيت وغطيت حتى راسي يمكن ساعه كاملة
واني جامده ماتحركت وهوه هم مابدر منه حركه بعد غفيت ومادريت بشي اله الصبح ..
رفعت الغطه من وجهي باوعت ساعه ب٩ ونص
وعباس ماكوو گعدت ومددت اديه جسمي مكسر تكسر
دخل هوه ويفرك براسه چان بلحمام ابتسم وكال صباح الخير
صباح النورر
عباس-نمتي براحه
اي
عباس-الحمدلله