نهوه عباس(عشقي نهوتي)

البارت السادس

#نهوه-عباس(عشقي نهوتي)
#اماني-ياسر

حقةة الگمـــمر من يغار....خدودج بهذلن حالةةة ❤️

مدري شبيه صايره اشرب مي هواي واحس بدوخه على
طول بس ماحچي بس افتح حلگي راح اول وحده امي دگول
ماتاكلين اكل مثل الناس تنقشين تنقش حافضة هاي الاسطوانه
نمت وكعدت الصبح نزلت جوه لبنات اخواتي رايحات بس
احنى نزلت بنين وكالت صباح الخير

ياا صباح العسل ..شعندج نازله
بنين-ياا ليش
غير عروس
بنين-لا ولج صرت قديمه بعد
صددك
بنين-وداعتج كل عروس بس تعبر سبعته تصير قديمة
مووخووش سالفة
بنين-هههه حيل ...تريگتي
لا توني نزلت نتريگ سوه
بنين-يلا ماشي
حضرنه لريوك نزلت الاء حسبنه حسابه هيه وابنها وكعدنه
اثنينهن نفس الطبع حبابات وفقيرات والضحكة متنزل من
وجوهن عكس مريم واني اباوع الهن وافكر دخلت هيه

اذكر القط يجيك ينط
مريم-هاا لازم چنتن تحشن بيه
الاء-لا والله بس تعرفين غزل تحب تشاقه
مريم-ايي بس يمي تحب تلدغ
شقصدج يعني
مريم-ماقصدي شي
بنين-شنو القصه بنات صلو عله النبي
مريم-عليه افضل الصلاه والسلام
هزيت ايدي ورجعت اتريك
بهمس الاء-ضروري تحجين
لعد مجذبه اني
بنين-غزوله كافي مهما يكن اكبر منج
خلصنه وهنه بدن ينضفن بقيت كاعده يم الجهال هم عوزي
انضف وياهن عشيره وميكدرن
ابدلل للجهال وامشط الهم حيييل احب جهال اخوتي
طبت شيماء وراحت لغرفه امي شويه واجن يمي بصالة

شيماء-صباح الخيرر غزوله
صباح النور شوومه ليوم هناا
شيماء-ااييي والله كلت امر اشوف عروسكم شلونه مالونه
قصد اجيتي تشوفينه نزلت بعده ...اشتغلت لا
شيماء-ولج غزيله شوكت تلزمين لسانج
چاا مچذبه
شيماء-لا مامجذبه بس اني اختج المفروض تصيرين وياي
والله تعرفيني كلش زين لا اخت ولا عم ولاخال يوگف بعيني
من اشوف شي غلط ومايعجبني لساني من وحده يحچي
شيماء-اييي تربيه عباس
باوعتله وشبيهه تربيه عباس؟؟
شيماء-هههههه هاا اشوفچ مارضيتي لان حجيت عليه
رجعت امشط لزنوبه ...هوه منو اصلاً وحته مارضه تحچين
علينه يطبچ حمس انتي ويا
ضربتني عله راسي وگالت طايحة الحظ احترمي
اخخخخ شبيچ
شيماء-مررض
خلصت وكمت لميت الهوسه وملابس الجهال واخذتهن لغرف امهاتهم دخلت اخذت تلفوني ولكيت عباس متصل هذا شيريد
شويه وخابرت فرح جاوبته هاا فروحه

عباس-لازم ميعجبج تحجين ويااي وماجاوبتي
هااا ؟...لا مو هيج بس جنت جوى
عباس-اييي مبين المهم وين انتي
بلبيت يعني وين...ليش
عباس-مو شغلج وسده بوجهي
يااا الحمدلله والشكر ربي كمت بدلت ومشطت شعري تعطرت ونزلت

لكيته كدامي بلصالة يم امي وشيماء
شيماء-تره كلت لعباس عليج ههههههه
هاي شبيه عفتها ودخلت كعدت يم امي
شيماء-هااا اشوفج اخرسيتي
شوومه شخيرج
شيماء-كتله غزل ماقبلت احجي عليك
باوعت عليه فاتحه حلكي فلشج يشيماء على هاي السالفه
هسه يلطش وعباله صدك ردت اكوم جرتني امي كالت كعدي
عباس عنده حجايه وياج عافني وطلعن
درت وجهي للتلفزيون

عباس-غزل
ماجاوبته
عباس-غزززززل باوعيلي
احجي اسمعك
عباس-باوعيلي كتلج وين احترامج تحجين وضهرج اليه
عدلت كعدتي اله بس عيني للكاع ماباوعت بوجهه
عباس-رفعي عينج
توجعني
عباس-هاا ....شبيج بلى اشوف مد ايده
وخرت وجهي منه ...مابيها شي بس شويه مضوجتني
عباس-دباوعيلي اشوفها
رفعت عيني بعينه جان طابك حواجبه ...ابتسم وكال اروح فدوه
لهلعيون
نصدمت اول مره اسمع كلمة براسه خير منه
عباس-هااا شبيج
ممصدگه؟
عباس-شنوو ولج
انته تعرف تحجي كلام حلووو
ضربني براجدي خفيف وگال امده حضج عله هلحجايه
هسه شكوو ضربتني
عباس-يعجيني
بس اني مايعجبني
عباس-وشيعجيج بله كليلي حتى اعرف
وليش اگلك ؟
عباس-غير مرتي واريد اعرف شتحبين وتكرهين
مرتك؟من شوكت شومادري
عباس-نسيتي بعد جم يوم نتزوج
هزيت ايدي ودرت وجهي رجع گال بعدج زعلانه مني
ليش ؟؟
عباس-ضربتج هواي
باوعتله بطرف عيني ورجعت درت وجهي ...لا لان تعودت
على كفخاتك
عباس-غير انتي ولسانج المترين اطول منج
عبااااس؟؟
-يفداچ .... أمريني
صددك تريد تزوجني ؟'
عباس-لا اشاقه وياج لعد خابص روحي صار شكد شسوي العب
زين ليش ؟؟
صفن بوجهي شويه وجر باكيته من جيبه ورث جگاره وجر نفس
وطلعه ويه النفس ذب حسره وحسيت بيها كومه حجي
عباس-اذا احجي منا لباجر ماسكت
هيج ضام بگلبك عليه
عباس-واكثر بعد والله لو تعرفين شكوو هنا ويضرب على كلبه
گتله شكوووو
عباس-مو مهم ﺷٍّــــٍّْــكوٍّ المهم حضري روحج الجمعه نعقد
من كال هيج تكهربت كمت على حيلي وصحت شنووووو ؟
عباس- وجعوو بكلبي صوتج لا ادفنجً هنااا
انت شتحجي ؟؟
عباس-سمعتيني زين اصلاً اجيت اطيج خبر حته لا تنصدمين
يعني ماجاي اخذ رئيچ