نهوه عباس(عشقي نهوتي)

البارت الثاني والعشرون

#نهوه-عباس(عشقي نهوتي)
#اماني-ياسر

ليش رحتي؟
وآنة ناذرلچ وطن ..
بي ريحة أمي وصوُت أبوي ومستحايّ .♥

تركني جسد بلا روح لبس الدشداشة گعد يمي ..
باس راسي..
- مبروك حبيبتي
لميت روحي وغمضت عيوني گتله عباس وخر مني
مسح على راسي وگال غزال ليش تسوين هيچ؟

وخررت ايده وكمت بسرعه لزمني... وين رايحه ؟؟
عفته ورحت جريت دشداشة لبستها واحس الوجع گطعني
تگطع..
فتحت الباب صارت فرح بوجهي مبين عليها خايفة
- غززل ليش تصرخين ؟؟
بچيت عفتهاومشيت واسمع عمتي تصيح من جوى
-شبيها هاي المگروصه ؟؟

دخلت للحمام رفعت دشداشتي شفت الدم ينزل على رجليه
غسلته ورجع نزل خفت حيل فوگ الوجع الدم مجاي يوكف

فتحت الباب وصحت فرح اجتني تركض شافت الدم
تخبلت گتلها خابري امي هسه..
فرح-ياا شلوون عييب امشي امشي ناخذچ للمستشفى
صحت بيها فرح خابري امي بسرعة..
دفع الباب عباس ودخل گتله اطلع

-فرح روحي مسحي الدم بلگاع
هيه راحت ركض..
ردت اطلع لزمني رفع دشداشتي
وگال خليني اشووف..
دفعته حيل والك عين..وخر مني وخر لا تلزمني بعد
عباس-حبيبتي بس خليني اشوفچ متأذيه؟؟
گتلك عوفني وخر ماريدك خابر امي بسرعة خابرها
عباس-عيب اخابره هسه شيگولون علينة
بچيت وگتله اذا لزمتني اسوي بروحي شي والله
عباس-لا حول ولا قوة الا بالله صار مالزمچ بس خليني
اشوفچ خاف متأذية
عوفني مابيه شي
عباس-دمشي بلغرفة نحچي ياروحي امشي..

فتحت الباب ورجعت والدم بعده ينزل والوجع احسه
بگلبي بس ماريده يشوفني متوجعه ويجي يمي ..
كارهته ماريد اشوفه..

رجعت فرح وگالت غزل تردين شي ؟
هزيت راسي لا نزلت
هوه سد الباب گمت وگتله افتحها..
عباس-ليش
افتحها اذا تسده روح اطلع ماريدك
عباس-دتمددي ورتاحي راح انزل جوه شويه واجيج

خليته طلع قفلت الباب گعدت بلگاع من الوجع جريت
تلفوني وخابرت امي..
گتله الحگيلي راح اموووت حتى ماسديته شمرته بلگاع
وره دقايق سمعت صياح جوى..
انوب اندگ الباب كمت على حيلي
والدم ترس الگاع فتحته گووه لگيت امي وبنين من شافتني
گالت يمة غزززل شبيچ؟؟

يمة راح امووت يمه الحگيلي
عباس بلباب واگف ويه احمد واثنينهم مصدومين من الدم
امي-ولك عباس شمسوي بيها
ركضت بنين جرت عباتي وخلته على چتافي وگومتني
وجسمي يرجف..
لزمتني البارده من النزف شافني ارجف راد يشيلني صرخت
بيه لاااا..

ولزمت امي حيل اجه احمد شالني ونزلني جوى
بسرعه طلعني اسمع امي بقت تدعي وتحچي جوه وياهم
ركضت بنين ورانه صعدني احمد وهيه عدلتني اجت امي
صعدت وعباس صعد بسيارته ورانه ٣ مستشفيات رحنه
نريد دكتوره ماكووو اخر شي امي وصفت لاحمد القابله
الچانت تجيبها واخذنه..