نهوه عباس(عشقي نهوتي)

ج٢-البارت الرابع

اماني-ياسر
نهوه عباس(عشقي نهوتي)
بارت تصبيرة ومابي احداث قوية لأن اعرف صدمة
البارت السابق لهسه مأثره عليكم..احبكمممم 😘❤️

حبايب معلومة على السريع للتوعيه بعيداً عن القصة
اغلب الي قروا البارت السابق گالوا طلاقهم باطل لأنها حامل..
وهالشي خطأ مع احترامي الكم..
الدين اله فروع ولازم نتعمق بيها ونفهم عنها..
والطلاق انواع واله شروط من ضمنهن طلاق الحامل ..
الحامل يجوز ان تتطلق عادي والها عدة وعدتها تنتهي..
بوضع حملها يعني اذا تطلقت وثاني يوم ولدت تنتهي عدتها..
ويحق الها تتزوج، هذا الكلام مو اني اگوله لا مراجعنا
الكريمة هيه الي افتت بي ...فحتى ليكون عدكم اشكال..
ولا يبقى حرام بذمتكم مستقبلاً قبل لا تنطوا ارائكم اقرأوا الفتاوي ..

.....
بعد ماراح اشوفك وانت تدعيلي
ولا تتغزل بصوتي ولا تفاصيلي
ولا نسهر سوه لحد مانخلص الليل
وتفز الصبح بالشوك تحجيلي
.....

مد ايده السايق شغل المسجل وبدا يمشي بالموجات بالسره
وحدة وحدة وبأبدة الثانية لازم الستيرن

عبر اكثر من سبع موجات وتوقفه لحن اغنية، الصوت بعيد
ومشوش على الصوت اكثر وركز وياها ومن وضح الصوت
ضرب بأيده على رجله وگال لااااا ..

رفعت حواجبي مستغربه شبي هذا استغفرالله!!

انتبه لنفسه ونصى الصوت شوية فتح الچكچمه وطلع منها باكيت
وجداحة ورث جكاره ورفع ايده ثناها على الباب

ركزت بالأغنية مبينه قديمة واغاني قبل بس الموسيقى ساعة
هوه اليوم من بدايتة مصخم

رجعت راسي على الجامة اباوع للشارع. السيارات. وضوه الشمس
بوقت الغروب وهوه يعكس على كلشي يصير گدامة

صفنت والي صحاني من صفنتي صوت الرجال وهوه يردد الكلمات

تايبين وللمحبه مايرجعنا الحنين
غلطة ودفعنا ثمنها اجمل ايام السنين
غلطت صارت ياخساره اه ياخساره
وليلكم ضيع نهاره ياخساره
غلطه مرت وانتهت شمعه العشرة انطفت
والذنب هوه ذنبكم والذنب.. هوه ذنبكم

چان يغنيها بصوت هادء وشجي رغم موازن النغمة صح
جذبني وجبرني اسمعها واركز بكلماتها واسرح وارجع لورى

جريت حسره ورجعت ضهري للكرسي اوووف ياربي
خيالك راح يظل مرافقني بكل خطوات حياتي يالنهيت وياك كلشي

وصلني لباب البيت انطيته الكروة ماقبل ياخذها بس اصريت
عليه لازم ياخذها

اليوم ادفن حيدر وفرح ويا على هالدگه السووها بيه

فتحت الباب ودخلت لگيت مريم وبنين يخبزن بالطرمة
سلمت وفتت جوه صارت بوجهي فرح

صحت بيهاااا جيتي والله جابج
-والله العظيم گتله روحلها گال بس اجي من الغسل وهذا الغسل
من الساعة تلاثة ولهسه ماشفت حيدر