نهوه عباس(عشقي نهوتي)

البارت الحادي عشر

#نهوه-عباس(عشقي نهوتي)
#اماني-ياسر

عندي واهّس ♥️
احسب شكم شعره عندﭾ ♥️
بالكصَيبةه ، بس تعاي ♥️

منهو هذه التكرهينه يغزل ؟
وگفت على حيلي وصارت عيني بعينه ومبين سمع كل
كلامي هاي شلون ورطه ماحاچيته وسكتت
فرح-خويه غزل تسو..
عباس-فرح نزلي جوه
باوعتلي وطلعت وسدت لباب قفله بلمفتاح دنگت واني
ادري راح انكتل وعضامي گامت تطكطك تقرب مني
وگال رفعي راسج
رفعته ....منهو التكرهينه ؟
بلعت ريگي وگتله انته ....هوه بعد سمعني مو مال اچذب
عليه..
عباس-وتحچينه بصوت عالي عادي عندچ
انته تدري.... بيه ....مارايدتكً ....من زمان
عباس-حتى لو عله الاقل احترميني هسه صرت رجلج
يعني ياهو جاي ورايح دگليله اكره عباس ؟
ماجاوبته صاح بيه بصوت عالي جاوبني

هسسه ليش تصيح
عباس-والله لو اكسر راسج هسه ماتطفه ناري يغزل ولج
تحچينه بكل  صلافه وماتخافين اسمعچ

لا مااخاف انته تدري بيه مااخاف لا منك ولا من اكبر واحد
ماريدك وياريت تعوفني ارجع لاهلي

جابني براجدي وگعني على الچربايه ...خليت ايدي عله خدي
جرني وگومني بأديه عصر وجهي وگال اكرهيني شگد
ماتردين وسوي الترديه بس مال اعوفج هذه حلممم يغزل

عافني اخذ منشفته وطلع للحمام واني بس دموعي تجري
اخرسيت ماگدرت احچي خدي يون من ظربته ..
عباله الحب گوه وغصب عباله من يسوي هيج يخليني احبه
مايدري كرهي يزيد يوم بعد يووم ..
سمعته اجه بسرعه رفعت الغطه تمددت وغطيت راسي
هوه دخل شمر المنشفه عليه شويه اجه ورفع الغطه..

اني مخليه ايدي عله وجهي مثل النايمه مد راسه ماگدر يشوفني
بس اني اشوفه خفت لا يضربني مره ثانيه بس هوه رجع الغطه
راح كعد على الطرف وشتميت ريحه دخان جگاره
شويه تمدد يمي خله ايده على جتفي حركت جتفي
ودفعت ايده راد يلزم جف ايدي سحبته منه تقرب اكثر

رفعت الغطه وگمت صااح ويين ؟
ماجاوبته رجع بصوت اعلى احچي ويااج ؟؟
واني اجر النفس گوه گتله مارايحه هناا واگفه
-تعاي نامي يمي
ماريد
-تجين لو لا
يعني گووه
-ايييي ...يلا تعاي
خليت اديه عله وجهي اريد اسكت ماگدر صددك خفت منه
بذيج الساعة..
بكل بساطه هسه يلزمني وياخذ ال يريده وساعتها شسوي
واني ابچي ماحسيت بيه گام وصار وراي وايده على خصره
بصوت ناصي گال ليش تبچين ؟
هوه گال هيچ لو انفجرت گمت ابجي اقوى وبصوت اعلى
عباس-هااا غزل شلقصه
دفعته وگتله تضربني وتريد ماابجي
عباس-مو انتي اجبريني اضربج ...كافي سكتي تعاي يمي
ماريد عوفني
كعد عله الجربايه وگال مااعوفج تعاي يمي اكلج
ماحاچيته ...هااا مو اگووم اجيبج بطريقتي
مسحت دموعي ورحتله صرت گباله سحب ايدي قربني منه
حيل واني مدنكه وعيني لهناك هوه يباوع بوجهي مبتسم
عباس-بعد لتبچين لخاطري ولو ادري مالي خاطر عندچ
ماحاچيته رجع گال ...اسف بعد ماضربچ
ضحكت بأستهزاء ....ايي صح
عباس-صح وغصباً عله خشمچ بس انتي لتنرفزيني لدوسين
ابطني..