نهوه عباس(عشقي نهوتي)

البارت الثامن

#نهوه-عباس(عشقي نهوتي)
#اماني-ياسر

باوعت وصررخت زنوبه لاااا وعلى صوت صرختي
اجن يركضن حضنتها واريد ازوعها الشربته طبت مريم
ولطمت عله خدودهه يمهههه بتي وامي صرخت والاء
هم والبيت انگلب صررريخ

جرتها امي مني تريد تزوعها وهيه البنيه متزوهره خطيه
ومريم تلطم وتبجي طلع ابوي من الاستقبال وشاف حالنه
هيج جرها وركض بيها وامي  وراهم ومريم تركض ورى
لتها وتصرخ حسيت سواد نزل على عيوني اسمعهم بس
مااشوف واحس ضربه قويه صارت عله راسي فقدت

صحيت على ضرب الراجديات فتحت عيني شفت حسين
فوك راسي ورجعت فقدت صحيت واني بلمستشفى والدنيا
تفتر بيه وبالي زنوبه اكيد ماتت هسه بس مابيه اكووم دموعي تجري وكفت امي يم راسي ودكول اسم الله يمه اسم الله

يمه زنوبه
امي-مابيه شي يمه مابيه شي
شلوون مابيه وهيه شربت التيزاب
امي-وداعتج مابيه شي البطل جان فارغ وصادق اخوها
تارسه ماي وهيه شربته كلشي مابيه بس انتي الطحتي مكانها

يمه صددك تحجين مابيه شي ؟
امي-وروح ابوي مابيها شي وذيج تسمع حسج بلبيت
شويه احس ردتلي روحي من كالت هيچ..

(البنات يخلن بطل تيزاب مخفف وره الطباخ مرات المغسله
مجاريه تنسد تكرمون بسبب الدهن ف يذبن بلمجرى شويه
حته تنفتح)

من غفلت عنه عبالها مي وراحت تشرب طفله مافهمها شي
واني من شفته كلت احترگت  هيه بعدها لحمه حمره
وتيزاب اكيد ذبحه ارتاحيت شويه ودخلت دكتوره
فحصتني وكالت لا. زينه وتوصي بامي عليه وامي مانشفت
دمعته ابد طلعنه امي وحسين واحمد وابوي موجودين
سندوني ومشيت واحسس حلگي خششششبه يابس
صعدنه بلسياره كتله يمه اريد مي متت من العطش وهيه
زادت بلبجي وابوي كام يحجي عليه يكله اسكتي
نزل حسين جابلي مي شربت البطل كله مابقيت بيه
طول الطريق روحي رايحه واحس عيوني مغوشه حييل
مدري شبيه دخلنه اول ماشفت مريم كتله زنوبه كالت نايمه
مابيه شي وتبجي عليج تريدج ..
سوده عليه حبيبه عمته زنوبه الحفيده الوحيده بلاحفاد عدنه
احبه حييل بنيه وتدلع منو الميحب البنات بهيج عمرر
دخلوني بغرفه امي تمددت ارتاح شويه وطبن عماتي يتباجن
يم راسي اكلهن مابيه شي ماسكتن..
للعصر نسوان عمامي وخواتي ونفس الشي ولبنات
وجوهن ماتتفسر..
دخيلك وبي معقوله عندي مرض مو زين ??

لليل اني مالي خلك كلش والمي اشرب وماملحگه..
طب باقر ابن محمد وبيده عصير واني عطشانه كتله حبيب
عمه اطيني اشرب شويه وهوه ماكال لا رفع ايده خلاه على
حلكي طبت الاء وصاحت بيه ولك لا ركضت اخذته منه

يااا الاء خرعتي الولد
الاء -ولج موزين عليج
ليشش؟
سكتت
الاء شبيج شنو الموزين غير عصير ؟
راحت صاحت لامي
يمه شمالكم اليوم گالبين البيت عزه وهيه انفجرت
تنوح وتبجي ولج يمه غزيله واهى اهـٍٍى اهى
بقيت صافنه عليه شجاها طب ابوي عله صوتها وراه الولد
كلهم ولبنات بقن بلباب باوعت عليهم واحد واحد كتلهم
شنو سالفتكم شبيكم
ابوي-مابينه شي بويه بس خايفين عليج
ليشش
ابوي-الدكتور يكوول ... عندج سكر
ماانكر من سمعت ابوي كال هيج الخوف سيطر عليه
ورجف كلبي وبردت اطراف جسمي كلمه مرض سكر
وحده تخوف كلنه نعرف مرض السكر شيسوي وشنو نهايتة
بس ماردت ابين خوفي..