نهوه عباس(عشقي نهوتي)

مسائووو

حبايب قلبي شلونكم

حذفت المنشور وحدثته الكم حتى تضوجون زين
شوفوني شگد احبكم 🤪

اليوم مراح انشر بارت ولا الأيام الجاية الصراحة مكاتبة لهسه شي
وبنتي امتحاناتها بعد يومين ويشهد الله مافاتحة الكتاب ولا مقريتها
حرف اني هاملتها وملتهية بالقصة آم مهملة اني ادري..💔

شسوي متحمسة للقصة اكثر منكم وتعليقاتكم الحلوه تجبرني
انزل بس بعد مابيها مجال ياريت تعذروني ومتزعلون مني
احاول اكتب كلما تصيرلي فرصة حتى انزللكم بارت خلال
هاليومين..اعتبروها راحة من قهر غزل و ابو جهالها

ومن ارجع اعرفكم بشخصيات جديدة
وخاصة حبيبة ابو فضل 😎
يابة الاخت واگعه ومحد مسمي عليها تحبة تحبةةةةةةة

الي ضايجة على الاحداث الراحت حضري نفسچ وجهزي
لسانچ حتى تغردين براحتچ بالبارت الجاي..وسلامتكم

.....
مشهد..
مالحگت حتى اصيح اجيت تكسر من الدگ
ركضت بسرعة فتحته صارت گبالي فرح
اريد احچي  ماگدرت فحطانةة
دخلت حتى ماسلمت مشيت وراها واني اتنفس سريع
دخلت للمطبخ لزمتهااا وجها مگلوب

شبيچ خرعتيني تدرين شسويتي بيه؟؟
وخرت ايدها مني ومشت
-مابيه شي
صعدت لغرفتها لحگتها لگيتها تنزع حجابها
فرح شبيچ انتي مو بيت اهلچ اجابچ
-اني اجيت وحدي
عزه بعينج وج ليششش
-اوو ماكو شي شكد تلحين

باوعتلها وجها مو طبيعي ضايجة ومحتقنه
بس فهميني شصاير والله گلبي راح يوگف
گعدت على طرف الچرباية
-عباس

من گالت اسمة وگف گلبي توقعت دگول متصوب او معتقل
گعدت يمهاا شبي عباس

-جايب هاي صديقتة مدري صاحبته لبيت اهلي

انتبهت لنفسي اتنفس بصوت عالي وگلبي دگاته
علت انعصر انقبض  وضعه تخربط

اي وشنو يعني
-شلووووون شنو يعني؟؟
اگلج جايبها بيت اهلي لا واهلها وياهااا
تدرين معناها شني..معناها خاطبها اذا مو متزوجها
........

يگلها :
حــتى الــ چــآنن بيچ اكرهن مـــشتاگلهن
گلـــبچ ذآك الينســى بسرعه
وعنادچ چنت الــ مآجرعه
زيناتچ وشيناتچ كلهن مـــشتاگلهن