الحلقة (6)(تحدت الطوفان2:- تحدي الطوفان)
بقلم:- أسماء أبوشادي
_______________________________________
اللهم صلي وسلم وبارك على سيدنا محمد وعلى آله وأصحابه أجمعين
اللهم اجعلني قرة عين لزوجي واجعله قرة عين لي
أحببتك وكفى
اختارتك وكفى
إن كنت حقاً قد نسيت حبك في الماضي فكيف لي أتجاهل هذا الاحساس بداخلي
أحببتك وكفى
أي فتاة تلك التي لا تحب إنسان يهتم بها ويدللها ويجعلها ملكة متوجة
من تترك ذلك الرجل فهي حمقاء
أحببتك وكفى
إن كنت قد نسيت حبك حقا
فأعلم أنني أحببتك مرة أخرى ولكن أعمق مئات المرات عن ذي قبل
أحببتك وكفى
نعم وكفى. فأنا اكتفيت بك من كل الكون ولا اريد غيرك فقد اعتبرتك هدية الدنيا لي بعد شقائي وعنائي
أحببتك وكفى
أسر مسكها من ايديها قبل ما تخرج من اوضته
أسر بهدوء/ ممكن اعرف انتي زعلانة ليه دلوقتي
سيلين / انا مش زعلانة
ولسه هتمشي تاني وتسحب ايديها منه لكن هو شدها وقعدها على رجليه وقربها منه وكل ده بدراع واحد بس وهي بتلقائية لفت أيديها حوالين رقبته وهو اتكلم بنبرة مغرية ادام شفيفها
أسر بهمس / زعلانة ليه
سيلين بتوتر / قولتلك مش زعلانة. انت اللي زعلان عشان انا عليت صوتي أدام زمايلك
أسر / طظ في زمايلي وفي الدنيا كلها. انتي عندي اهم
بس انا مش بكلمك على صوتك انا بقولك زعلانة ليه
سيلين غمضت عنيها وتاهت بسبب قربه ليها وطريقة كلامه معاها وماقدرتش ترد عليه
أسر بهمس / زعلتي و خوفتي كمان عليا صح
سيلين ماردتش فهو زاد في قربه وايده بتمشي على ضهرها
أسر / صح يا دلوعتي
سيلين ماردتش بس هزت دماغها بمعنى اه وهي لسه مغمضة عنيها
أسر قرب من شفايفها ولمسهم بشفايفه بهدوء فظيع
قلبها اتنفض بسبب اللمسة دي لكن ماقومتهوش وماقدرتش تبعد عنه أبدا وهو كمان كان محتاج لقربه منها جدا ولما بيلمسها مشاعره كلها واحاسيسه بتبقى فى حالة ثورة
دي حب حياته حبه الأول والأخير بين ايديه ومستسلمة للمساته وهي مراته وحلاله
و ده حقه الطبيعي.
أسر اتعمق في البوسة اوى وايده بدأت تعرف طريقها على جسمها وخلاص هو استسلم لرغبته زي ماهي استسلمت بين ايديه
لكن الحظ له رأي تاني لأن الاتنين اتنفضوا على صوت تليفون أسر وهو بيرن و سيلين بعدت عن اسر بخجل وخرجت من الأوضة بسرعة وراحت على اوضتها
أما اسر لعن التليفون واللي بيتصل وكل شئ ممكن يكون السبب أنه يبعد عن حبيبته في اللحظة دي
مسك التليفون وكان اللوا اللي بيتصل يطمن عليه وبعدها قفل معاه وبص للصينية اللي عليها الأكل وقربها منه وبدأ ياكل وهو مبسوط جدا بالتطور اللي بيحصل بينهم وحاسس أنه اسعد إنسان في الكون
أنت تقرأ
تحدت الطوفان الجزء الثاني
Romanceبقلم اسماء ابو شادي اميره السعاده احبته وتجاهل حبها جرحتها الدنيا بعد معرفتها لاسرار الماضي فتألم هو لألمها و انجرح لجرحها وايقن أن لا مفر من حبها ولكن أعلن قلبها العصيان و أبت الخضوع لحبه فأغرقها هو بطوفان مشاعره وعندما أوشكت على الاستسلام ح...
