تحدت الطوفان الجزء الثاني

الفصل الحادي والعشرون

الحلقة (21) ( تحدي الطوفان)
بقلم:- أسماء أبوشادي
______________________________________

سبحان الله وبحمده سبحان الله العظيم
سبحانك اللهم لا إله إلا الله استغفرك وأتوب أليك انى كنت من الظالمين

في مصر
في قصر يوسف تاج الدين

رامي بعصبية مكبوتة / انا مش عارف انت ليه مش عايزنا نسافر. طلاما بتقول انها كويسة وبيقضوا شهر عسل متأخر ليه مش عايزنا نروح نشوفها

سامي / انت غبي تسافرلهم ازاي بيقولك شهر عسل انتوا هتروحوا تعملوا ايه

أحمد بصوت عالي/ انتوا مخبيين ايه بالظبط انا مش مرتاحلكوا ومش هسمحلكوا تخبوا عني اي حاجة بخصوص اختي الوحيدة. كفاية اللي حصل قبل كدة

محمود بحدة / أحمد انت اتجننت بتعلي صوتك علي اخواتك الكبار واعمامك

أحمد / ايوة ودا حقي. لما اشوفكوا دايما قلقانين وبتتهامسوا مجرد ما اقرب منكوا بتسكتوا. ومحمد اللي مابيكولش اصلا ودايما على اعصابه وانت نفسك مابقتش بتهتم بالشغل ودايما سرحان ومتوتر وعلى اعصابك. كلكوا متغيرين. في الشغل بتمثلوا انكوا مركزين. وفي البيت بتمثلوا انكوا عاديين وسيلين بقالها 10 أيام تليفونها مقفول ومش بتتصل بينا زي الأول وحتى أسر سافرلها فجأة ومارجعش

محمد بتوتر / ماقالك أنهم بيقضوا شهر عسل وهيرجعوا سوا هما بس محتاجين للخصوصية

رامي / مستحيل أصدق الكلام ده سيلين عمرها ماتعمل كدة. هي اصلا عمرها ماقفلت تليفونها حتى في اصعب الظروف والأوقات و خصوصية ايه اللي تمنعهم يطمنونا حتى ولو بالتليفون ويختفوا كدة مرة واحدة وحتى الفندق يسيبوه

عادل / ومين قالك أنهم سابوا الفندق. هما بس طلبوا من الإدارة مش عايزين اي مكالمات وازعاج من حد

أحمد / لا يا عمي الكلام ده مش صحيح ماتنساش ان السياحة شغلتي وأن احنا لينا علاقات في كل مكان في العالم وانا قدرت اعرف وبسهولة أنهم مش في الفندق
( وصوته هدي والدموع ظهرت في عينيه )
اختي حصلها ايه. حد فيكوا يتكلم ويريحنا

محمد بصوت عالي / انت بتسأل أسئلة ملهاش إجابة عندنا. كلنا زيك عايزين نرتاح

رامي / يبقى صح. في حاجة بتحصل وانتوا مخبيين.

عادل / ياريت تهدوا كلكوا وتقعدوا تسمعوا. علشان ماحدش يحس بحاجة

أحمد بترقب / اختي مالها يا عمي فيها ايه

عادل بحزن وقلق شديد / اتكلم يا محمود واحكيلهم كل اللي بيحصل لأن ده افضل للكل

محمود بتماسك / سيلين سافرت لبنان بحجة انها تعمل توكيل لشركاتنا هناك. لكن مش دا السبب الرئيسي لسفرها

( وحكالهم محمود عن كل اللي يعرفوا. واللي هو عرفه في اخر زيارة لسيلين لما اصر عليها ترجع مصر وهو يكمل الشغل لكن هي رفضت وهو شك في الموضوع لأنها كانت بتتصرف بغرابة وهو طبعا بيقدر يفهمها كويس
سيلين وقتها حكيتله سبب سفرها وعن كل اللي بتعمله وهو رفض كل ده وأصر ياخدها ويسافر لكن ماقدرش يقنعها بكدة ابدا و وقتها شاف اخته في حالة سيئة اول مرة يشوفها بيها علشان كدة وافق على اللي هي عايزة تعمله واشترط يفضل معاها هناك لكن هي قالتله أن دخ غلط وخطر عليهم هما الاتنين ولازم الأمور تمشي طبيعية لأن سائر ذكي وهيكشفهم
وتحت ضغط منها رجع محمود مصر لكن كان دايما على تواصل معاها هي واسر ومتابع كل حاجة معاهم.)